¹ Hanuma yagone kandi ndabhona bhamalaika bhane bhimilile mpande ine zye bhwelelo, bhakemezye miyaga ine zye nsi hanguzu gutiza kubhaho muyaga gukuhulila higulya yenyanza nolo hamuti tyogwo gwona. ² Ndamubhona malaika undi akwiza kupuna kiya, oyo ali ne muhuri gwe mwa Mungu oyo ne muhanga alalila kusilaka sikulu bhutonzi ye mwa malaika we kane oyo alazumilizibhwa kukenagula nsi ne nyanza. ³ mutakakenagula nsi nolo nyanza nolo muti tyogwo gwona mpaka tubhe twamazile kutula muhuli mubhusyo bhwe bhazyana bhe mwa Mungu witu." ⁴ Ndabha nomvwa lukumo lwabho abho bhalatulilwa ogwone muhuli; 14,000, abho bhalatulilwa muhuli kupuna kukila luganda lwe bhana bhe israeli. ⁵ 12,000 kupuna muluganda lwe Yuda 12,000 kupuna mukabhila ye mwa Rubeni,12,000 kupuna muluganda lwe mwa Gadi. ⁶ 12,000 kupuna muluganda lwe mwa Asheri 12,000 kupuna muluganda lwe mwa nafutali 12,000 kupuna mukabhila ye mwa manase. ⁷ 12,000 kupuna luganda lwe mwa Simoni12,000 kupuna luganda lwe mwa Lawi, 12000 kupuna muluganda lwe mwa Isakari, ⁸ 12000 kupuna muluganda lwe mwa Zabuloni, 12000 kupuna muluganda lwe mwa Yusufu,ne 12,000 kupuna muluganda lwe mwa Benjamini bhalatulilwa muhuli. ⁹ Hanuma yagone ndalinga bhaliho bhantu bhinki abho ataliho muntu oyo enkaduzile kubhapeta, kupuna nganda zyona ne ndimi zyona bhali bhimilile bhutonzi bhwe itebhe lye syami ne bhutonzi bhwe mwana we ntama, bhali bhambele nkanzo zyepe ne bhali ne matabhazi ge mitende mumabhoko gabho. ¹⁰ Ne bhahamukanga kusilaka sye higulya oti bhulokolwa bhuli ne Mungu oyo alibhwikalisye hitebhe lye syami ne kumwana we ntama!" ¹¹ Bhamalaika bhonane abho bhali bhikalisye kupilima helyone itebhe lye syami ne kubhapilima abhone bhanampala sihamwi ne bhebhuhanga bhane bhasukamba bhalinama bhusyo bhwabho bhalakumya hansi mubhutonzi bhwe itebhe lye syami bhalamulamya Mungu. ¹² Bhalayomba oti Amina lukumo ne bhubheho ne masala, bhulumbi, ne heshima bhudula ne nguzu vili mwa Mungu witu bhwelelo ne bhwelelo Amina!" ¹³ Hanuma umwi wabho bhanampala alanibhuzya oti abhane nebhande abho bhalibhwambale myenda zye pe ne bhavwile hahe? ¹⁴ Ndamubhwila oti mukama wekumanwya obhe, ngenaho alanibhwila oti abhane ngenabho bhekupuna mubhwagalalebhukulu nabhe bhazituzile nkanzo zyabho nekuzigema zibhe zyepe kumagazi ge mwana we ntama. ¹⁵ Kulweyane ngenahe bhali bhutonzi ye itebhe lye syami lye mwa Mungu ne bhekumulamya awe bhwile ne mwizyobha mwihekalu lyamwe, oyo alibhwikalisye higulya ye itebhe lye syami alakasambazya ihema lyamwe higulya yabho. ¹⁶ Bhatalakabhona bhutamo kandi nolo nota izyobha litalakabhosya kandi nolo ilungula litalakabhosya. ¹⁷ Kulwekubha mwana we ntama oyo alihakati ye itebhe lye syami alakabha mudimi wabho,ne alakabhalondola ha mvwilo zye minzi ge bhuhanga, ne Mungu alakahyagula minsozi gona haminso gabho."