¹ Ndomvwa silaka sikulu sikulanga kupuna halwande lutakatifu ikuyomba mukubhabhwila abho bhamalaika musamvu oti nemuzye mugasese mabakuli musamvu ge syaha sye mwa Mungu higulya ye bhwelelo." ² Malaika we mbele alazya alasesa ibakuli lyamwe mubhwelelo, manohole mabhi ne gemanegelo makulu galiabha habhantu abho bhali ne lumanilo lwe munandimu, abho bhalalamya sanamu yamwe. ³ Malaika wekabhili alasesa ibakuli lyamwe munyanza; nyanza ilabha magazi tuhu akati magazi ge muntu webhufwe, ne vyona vye bhuhanga vilapotela. ⁴ Malaika we kasatu alasesa ibakuli lyamwe mumiga ne mumvwilo zye minzi zilzbha magazizi. ⁵ Ndamwimvwa malaika we minzi akuyomba oti obhe uli mutungilizya oyo uliho nekandi waliho mutakatifu kulwekubha wazileta ezyane hukumu. ⁶ Kungoko bhalasesa magazi ge bhazumya ne ge bhafumbuzi, wabhaha nabhe kunwa magazi ngenesyo bhekwendelwa. ⁷ Ndimvwa lutali lukwitabhila mukuyomba oti ee mukama Mungu mutemi we gona hukumu zyako ne zyenhana ne zye bhutungilizya." ⁸ Malaika wekane alasesa ibakuli lyamwe higulya ye izyobha, nalye lilazumilizibhwa kubhosya bhantu ne mulilo. ⁹ Bhalosibhwa hilungula lye kwobhahika nekandi bhalalituka igambo lye Mungu oyo nge wenguzu ha mahano gona nolo bhatalakubha mabhi nolo kumuha ikuzyo Mungu. ¹⁰ Malaika we katano alasesa ibakuli lyamwe hitebhe lye syami lye munandimu, ngenaho lizima lilagubika bhwami bhwamwe nekandi bhalashelezya mino kumanegelo makulu. ¹¹ bhalamutuka mungu we mwilunde kulwe manegelo gabho, ne manohagule gabho, nabhe bhatalakubha mabhi kwesyo bhalagema. ¹² Malaika we mukanga alasesa ibakuli lyamwe mumwiga mukulu gwe Frati neminzi gahe galakama mukubha ibheho nzila kulwe bhami abho bhalakiza kupuna kiya. ¹³ Ndabhona mamizo asatu mabhi muno, ago gikolanga ne mola ago gekupuna helu ye mulomo gweyo nzoka, ne mumulomo gwe ndimu, ne gwoyo mufumbuzi we bhubhehi. ¹⁴ Nemizo zye mayaga ezyo zikubhezyanga vimaninkizyo ne yekukumya, bhazyanga kubhami bhe bhwelelo yona bhabhabhilinge kunsola nkulu ye lusiku lukulu lwe Mungu oyo alatemile kuvyona. ¹⁵ ("Ulinge nekwiza kati mwivi, ali we bhufuhulwe oyo akukeyulanga nelabhada myenda yamwe atiza kwilabhila akapuna helu bhuvule ne bhantu bhalabhona bhuvule bhwamwe.") ¹⁶ Bhalabhaleta halumwi lwande olwo lwalanganangwa mu siebrania Har-magedoni. ¹⁷ Malaika we musamvu alasesa ibakuli lyamwe mwigulya, hanuma silaka sikulu silapunilila lwande lutakatifu nehitebhe lye syami ilayomba oti yamala. ¹⁸ Yaliho myenge ye nkubha milundumo, misindo zye nkubha, ne namutitima zye kwobhahika ezyo zisyali kubhaho habhwelelo kpuna bhantu bhabhukizye kubhaho munsi, oti yali namutitima nkulu muno. ¹⁹ Syalo sikulu silamegagulika magele asatu vyalo vye mbhanamahanga vilagwa, hanuma Mungu alamwibhukila Babeli mukulu, ne alasiha syalo esyone sikombe esyo syali bhwokale vikozi kupuna musyaha syamwe silambe. ²⁰ [Visiwa] vilabhula ne ngulu zitaligela kandi. ²¹ Mvula nkulu ye mabhale, makulu gebhutimbe bhwe [talanta] ilatikila kupuna mwilunde ilabhahula bhantu, bhalamuzuma Mungu kulwe mahano ge mvula ye mabhale kungoko elyone ihano lyali ikulu muno.