1 Aha bhwasya bhagabhizi bhakulu bhona sihamwi ne bhanampala bhe bhantu bhalatolana mihayo ye kumwihaga Yesu. 2 Aha bhamala kumubhoha bhalamufila mwa Pontio Pilato gavana. 3 Ngenaho Yuda oyo alamusontelezya ahaabhona namuna eyone Yesu ahukumibhwa alanegelwa alasola aga makatikwa makumi asatu ge mpiya alagabhasubhizya bhakulu bhe bhagabhizi ne bhanampala. 4 Alayomba oti nakenagula kulwekubha nasontelezya magazi ago gataline kabhi, alahe abhe bhalamubhwila oti yekutuzyamo si ifwe? ukugalonzya mwenekili. 5 Nawe alazitagila ezyo mpiya mwisalililo alazya alinizya. 6 Nabhe bhagabhizi bhakulu bhalazisola ezyo mpiya bhalayomba, "oti itali bhulagilwe kuzibhika mwibhikilo lye luhambo kulwekubha ne zye bhugule magazi. 7 Bhalabhabhamala, kulomela bhalazya bhalazigula ilale lye ibhumba lye kuzikilamo bhageni. 8 Kulweyone yona ilale elyone lyekulangwa ilale lye, "magazi mpaka bhulelo eya. 9 Ngenaho gulabhagwahikilizibhwa ogwo gulayombwa ne muhangizi Yeremia, akuyomba, "oti nabhe bhalagasola makatikwa, ge mpiya makumi asatu ago galayombwa, noyo bhalayomba nage oyo bhamwi bhe bhana bhe Israeli bhalamuha, 10 Nabhe bhalazipunwya, zilazya kugula ilale lye ibhumba kati omwo Mukama ali anilagilile." 11 Yesu alimilila mubhutonzi bhwe mwa, gavana,ne gavana alamubhuzya alayomba oti angu obhe uli mwami we bhayahudi?" Yesu alamwitabhila oti ili omwone wayombela." 12 Alahe aha alasitakwa ne bhagabhizi bhakulu ne bhanampala atalasuvya muhayo tyogwo gwona. 13 Pilato alamubhuzya oti utekwimvwa ago bhekukukanilizya?" 14 Alahe atalamusuvya muhayo tyogwogwona mpaka gavana alakumya muno. 15 Mu Pasika gwali muzye gwe mwa gavana oti kubhabhohololela mufungw umwi oyo bhali bhumusime. 16 Mwezyone nsiku bhaline mufungwa umwi we bhukumuke izina lyamwe alanganangwa Barabba. 17 Bhalabhabhibhilinga Pilato alabhabhwila oti mwekwenda mbabhohololele ende kwabha bhabhili Barabba nolo Yesu oyo ekulanganwa Kristu?" 18 Kulwekubha amanwyanga, oti bhamusontelezye kulwe bhubhehi. 19 Aha ali ikalisye hitebhe lye hukumu,mukazi alamulagililako, mpola mukuhaya oti utakiza kubha ne muhayo tyogwogwona noyo muntu mutungilizya kulwekubha nagalazibhwe mihayo minki mubhwile bhwe bhulelo musiloti kulwamwe." 20 Alahe bhagabhizi bhakulu sihamwi ne bhanampala bhalabhasosagizya bhantu kumusabha Brabba alekelwe ne Yesu bhamwihage. 21 Alahe gavana, "alabhasuvya alabhabhwila oti mwekwenda mbabhohololele ende kwabha bhabhili?bhalahamuka bhalayomba?" oti, "Barabba! ." 22 Pilato alabhabhwila oti namugemesi Yesu oyo ekulangwa Kristu Bhona bhalayomba oti agalazibhwe. 23 Ngenaho gavana alayomba oti kusi, nekandi abhihizye si?" alahe abhe bhalongezya kuhamuka bhalayomba oti agalazibhwe. 24 Pilato alabhaabhona mukubha gutaliho muhayo tyogwogwona alahe iyombotuhu alasola minzi alikalabha mabhoko gamwe muminso ge bhatu alayomba oti one ntali ne nzigu kumagazi agane ge muntu mutungilizya, mukubhamukuibhona imwe bhenekili." 25 Bhantu bhona bhalahamuka bhalayomba oti magazi gamwe gabhe higulya yitu ne higulya ye bhana bhitu." 26 Ngenaho alabhalekululila Barabba alahe aha amala kumuhula Yesu ne mikobha alamubhaha bhalamwagalazya. 27 Ngenaho bhasilikale bhe mwa gavana bhalabhabhamufila Yesu Praitorio, lilamwibhilingila idale lyonane lye bhasilikale. 28 Bhalabhabhamwambula mwyenda bhalamwambika nkanzo yeza. 29 Nekandi bhalabhezya ngikili ye syami ye migwa bhalamutulila hamutwe gwamwe, ne hakubhoko kwamwe kwe bhulyo bhalamutulila idete. balasukamba mubhutonzi bhwamwe bhalamugimba mukuyomba oti ulame mwami we mayahudi?" 30 Bhalamutugila mate bhalalisola elyo idete bhalalimuhuzya hamutwe. 31 Bhalabha bhamalakumugimba bhalamwambula eyo nkanzo bhalamwambika bhalamwambika vyambalwa vyamwe bhalamutongeka kuzya kumwagalazya. 32 Aha bhalimunzila bhalasanzya ne muntu umwi muna krene izina lyamwe Simoni, bhalamuhatika amwembilizye Yesu kubhusya musalabha. 33 Bhalabha bhahika lwande olwo lwalangangwa Golgota, maanayahe oti igufwa lye hamutwe." 34 Bhalamuha anwe siki ye bhusangizibhwemo ndulila, aha aibhonzya alakema kuinwa. 35 Bhalabha bhamala kumwagalazya bhalagabhana syambalwa syamwe mukusyesela. 36 Bhalikalisyaho kumulabhada. 37 Bhalamutulila higulya ye mutye gwamwe masitaka, "ago gayombanga oti oyame ne Yesu mwami we bhayahudi." 38 Ngenaho bhanyoli bhabhili bhalagalazibhwa sihamwi nage, umwi hakubhoko kwe bhulyo ne undi hakubhoko kwe lumanso. 39 Bhaita nzila bhamugimbanga, ne kumutukagula eno bhakutinginwya mitwe zyabho. 40 Obhe wekulihombola isalililo ne kulizengula hansiku isatu newisizye mwenekili, olonhana ulimwana we mwa Mungu tikilayo hamusalabha!" 41 Namuna eyone bhagabhizi bhakulu ne bhandisi sihamwi, ne bhanampala bhalamugimba mukuhaya oti. 42 "Abhasizyanga bhandi alahe atekwisizya mwenekili. olone mwami we bha Israeli atikileyo, lelo hamusalabha nifwe tukumuzumya. 43 Alibhumwisanwye Mungu, amusizye lelo olo alibhumusime, kulwekubha ayombanga oti one ndi mwana we mwa Mungu. ''' 44 Bhanyoli abho bhagalazibwanga sihamwi nage nabhene bhala bhalayomba magambo agalyane. 45 Kufuma izyobha lye mukaga kuhika izyobha lyesyenda lilabhaho lizima bhwelelo yona. 46 lilabhalyahika izyobha lye syenda Yesu alalila musilaka sikulu, oti, "Eloi, Eloi, lamathabakitani?" kati mukuyomba oti Mungu wane Mungu wane nekusi wanilekanizya?" 47 Abho bhalibhimilile bhalabhabhimvwa otine bhalayomba oti ekumulanga Eliya." 48 Mwikanza elyone umwi wabho alilukila ikopo alalyokazya, siki nkali alalitula hidete alamuhelelezya anwe. 49 Alahe bhantu bhalayomba, oti leka tulinge olo Eliya akwiza kumusizya." 50 Alahe Yesu alabha ahamuka mwilaka, ikulu alabha avulala. 51 Iliza kwimanila iselema lye mwisalililo lilabha lya momoka, kufuma higulya mpaka hansinsi ilazugumila ne matale galatandaguka. 52 Mavizila galiguka, ne mibhili minki ye bhatakatifu abhobhalibhalafwile ilazyolwa. 53 Bhalafumamo mumavizila hanuma ye kuzyoka kwamwe bhalingila mumuzengo mutakatifu, ne bhaliyeleka kubhinki. 54 Mukulu we bhasilikale igana sihamwi ne bhisyamwe abho, "bhamulabhadanga Yesu bhalabhabhabhona nahinga ne mihayo eyone bhalobhaha muno, bhalayomba oti nenhana oyane ali mwana we mwa Mungu." 55 Bhaliho bhakima bhinki nabhe bhalingilililanga, kuhale abho bhamulondezyanga Yesu kufuma Galilaya, abho bhamukwasyanga. 56 Mwabhone bhali Mariamu Magdarena, Mariamu nina we mwa Yakobho ne Yozefu, ne nina we bhana bhe mwa zebedayo. 57 Ilabha yahika kagolo aliza, muntu umwi musabhi kufuma Arimathayo, izina lyamwe Yusufu, oyo nawene ali muhemba we mwa Yesu. 58 Alazya mwa Pilato alazya kugusabha mubhili, gwe mwa Yesu ngenaho Pilato alalagila oti ahebhwe ogwo mubhili. 59 Yusufu alagusola ogwo mubhili alagubhohela musanda yepe. 60 Alazya alagutula musizila siyhayha esyo ala alasibhezizye hitale, Hanuma alahilingisya ne ibhale ikulu alalifundikizya hamuzigo gwe sizila, hanuma alazya. 61 Abhangaho Mariamu magdalena ne Mariamu oya undi, bhalibhikalisye bhalingilile hasizila. 62 Halusiku olwo lwafwatangaho lwe kutayalisya bhagabhizi bhakulu sihamwi ne Bhafarisayo bhalibhilinga mwa Pilato. 63 Bhalamubhwila oti mukama twekwibhukila, mukubha oyane mubhehi ahaali asyali muhanga, alayomba oti, hanuma ye nsiku isatu alakazyoka. 64 Kulweyo ulagizye mukubha sizila silabhadwe kusoga kuhika kulusiku lwe kasatu, bahemba bhamwe bhatakiza kwiza bhwile bhakamwibhamo, ne kubhukizya kubhabhehagula bhantu oti azyokile kufuma mubhafwile, bhubhehi bhwe kwihelezya bhukubha bhubhi kukila bhwekwandya." 65 Pilato alabhabhwila oti nemuzye musole bhalindi muzye mulinde kusoga kati omwo mwekumanila. " 66 Nabhe bhalazya bhalasilabhada kusoga sizila,bhalalitulila elyo ibhale lumanilo nekandi bhalatulaho ne bhalindi.