1 Ilabha ahaYesu amalakuyomba mihayo eyone yona alabhabhwila bhahemba, bhamwe oti. 2 Mwekumanya mukubha hanuma ye nsiku ibhili kukubhaho ne sikunkulu ye pasika? nekandi mwana we muntu akukwatwa lulwe kwagalazibhwa." 3 Hanuma bhagabhizi bhakulu sihamwi ne bhandisi, sihamwi ne bhanampala bhe bhantu bhalibhilinga hakaya ye mugabhizi mukulu oyo alanganangwa Kayafa. 4 Halumwi bhalatolana oti bhamukwate Yesu bhamwihage. 5 Kulwekubha bhalayomba oti itakiza kubha kulusiku lwe sikunkulu likiza kubhuka iyombo mubhantu." 6 Aha Yesu ali ali Bethania munumba ye mwa Simoni we mbizi. 7 Mukima umwi alamwegelela hihi nekandi ali ne chupa ye mafuta ge alabasta nage nege bei nkulu muno, alagamufukila hamutwe aha ali ikalisye akulya. 8 Alahe bhahemba bhamwe bhalabhabhabhona agone bhalasyahala ne bhalayomba oti bhubhihya obhwa ne bhwesi? 9 Kulwekubha agane mafuta gabhe gaguzibhwa kuhela nkulu bhalagabhulilwa bhahabhi." 10 Alahe Yesu alamanwya miganiko gabho alabhabhwila oti mwekumwagalagizya si oyane mukima? awe anigemela yekapanga. 11 Kulwekubha bhahabhi mulinabho nsiku zyona,alahe one mutakubha none nsikuzyona. 12 Mukunitilila agane mafuta hamubhili gwane agema otine kulwe kuzikwa kwane. 13 Nhana nekubhabhwila oti tyaho hona aho injili ilakalomelwa eyane agema oya mukima ilakayombwa kulwe kumwibhukila oyane mukima." 14 Ngenaho umwi wabho abho ikumi ne bhabhili oyo alanganangwa Yuda isikariote alazya alazya ha bhagabhizi bhakulu. 15 Alabhabhwila oti mukuniha si nabhasontele mubhone kumukwata Yesu?bhalamuha makatikwa makumi asatu ge mpiya. 16 Kufuma mwitungo elyone alabhukizya kukobha nzila ye kumubhasontelezya. 17 Mulusiku lwe mbele lwe mikate eyo itali ne mwambilo, bhahemba bhalamwegelela Yesu ne bhalamubhwila oti wekwenda tuzye tukubhegezye hahe aho ukulila silibhwa sye Pasika. 18 Nawe alabhabhwila oti nemuzye mumuzengo hamuntu mulebhe,ne muzye mumubhwile oti mulanzya ekuyomba oti ikanza lyane lilihihi, kulila Pasika hakaya yako sihamwi ne bhahemba bhane. 19 Bhahemba bhalagema kati omwo Yesu alabhalagilila, bhalazya bhalaibhegelezya Pasika. 20 Aha yabha mpindi alikalisya kulya silibhwa sihamwi ne bhahemba ikumi ne bhabhili. 21 Aha bhabhukizya kulya alayomba oti "nhana nekubhabhwila mukubha umwi winu akunsontelezya". 22 Bhalasunduhalamuno ne bhalabhukizya kumubhuzya umwiumwi, Mukama hamwi ngone?" 23 Alabhabhwila oti oyo ekukozya sihamwi none mwibakuli lye musoma ngenoyo akunsontelezya. 24 Alahe mwana we muntu akuzya kati omwo alandikilwa, alahe nelwamwe muntu oyo ekumusontelezya yenkabhele kusoga muntu oyone atenkabhutilwe." 25 Yuda oyo enkamusontelezye nawe alabhuzya oti mwalimu ngone? nawe alamubhwila oti sawasawa hana ngobhe wayomba." 26 Ilabha aha bhakulya silibhwa, Yesu alagusola mukate alagufuhula, hanuma alagumegagula, alabhaha bhahemba bhabhwe alayomba oti nemwanukule mulye ogwane nemubhili gwane." 27 Kandi alasola ne sikombe ahaamala kulumbilizya alabhabhwila oti nemunwelemo bhona. 28 Kulwekubha agane nemagazi ge ilagano lyane, eyo yekuseseka kulwe bhinki kulwekwezya mabhi. 29 Alahe nekubhabhwila oti ntalakanwa kandi minzi ge mizabibu mpakalusiku olwo ndakanwa sihamwi ninu mubhwami bhwe mwa Dada wane." 30 Bhalabha bhamalakwimba lwimbo bhalapunayo bhalazya halugulu lwe mizeituni. 31 Ngenaho Yesu alabhabhwila oti mubhwile obhane mukwipama kulwane,kulwekubha ilibhwandikwe oti ndakamuhula mudimi, ne ntama zilakasambala. 32 Alahe hanuma ye kuzyoka kwane nkubhatongela kuzya Galilaya." 33 Alahe Petro alamubhwila oti nolo ikabha bhonane abha bhakakwisunsumula kulwagogakakupandika one ntakukwisunsumula. 34 Yesu alamubhwila oti nhana nekukubhwila Petro mubhwile obhwane nkungulume ikubha isyali kuhila nobhe ukubha wanisunsumwile nkandagu isatu. 35 Petro alamubhwila oti nolo yenkabha kufwe nanko ntakukwisunsumula, "ne bhahemba bhandi bhalayomba namuna eyone. 36 Ngenaho Yesu alazya nabho lwande olwo lwekualagwa Gethsemane ne alabhabhwila bhahemba bhamwe oti nemwikale ahane nzye kusabha. 37 Alamusola Petro sihamwi ne bhanabhabhili bhe mwa Zebedayo alabhukizya kupinihala ne kusunduhala muno. 38 Ngenaho alabhabhwila oti mwizo gwane guline bhupina muno nolo kufwa, nemwikale ahane mukeyule sihamwi none. 39 Alazya bhutonzi hadone alagwahansi bhusukambe alasabha alayomba oti Dada oloyekadulika esyane sikombe sinihiteho alahe itakabha omwo nekusimila alahe omwo wekusimila obhe. 40 alabhazyako bhahemba alabhasanga bhalimutulo,alamubhwila Petro ne kusi mwasindwa kukeyula sihamwi none nolo itungo limwi? 41 Mwikale minso musabhe mutakiza kwingila mukugemezibhwa mwizo agwe gwekukalalwa alahe mubhili ne munogoleke. 42 Alasubhayo kandi lukandagu lwe kabhili alasabha mukuyomba oti Dada olo itekudulika esya sikombe kunihitako nahene nasinwele eyowekwenda yigemwe. 43 Alasubhakandi alabhasanga bhalimutulo kulwekubha minso gabho gali matimbe. 44 Alabhaleka alasubhayo kandi lukandagu lwe kasatu alasabha mukuyomba mihayo eilyane. 45 Ngenaho alasubha alabhasanga bhahemba bhabhwe alabhabhwila oti nemutindile lelo mwihumunsye kulwekubha ikanza lyegelela ne mwana we muntu ekusontelezibhwa nekutulwa mumabhoko ge bhemabhi. 46 Nemuhalamuke tuzye kulwekubha musontelezya wane egelela." 47 Aha ali asyali ayalomela Yuda umwi wabho ikumi ne bhabhili alahika, Aliza sihamwi ne bhantu bhinki kufuma kubhakulu bhe bhagabhizi ne bhanampala bhe bhantu, bhaliza ne mpanga ne mahili. 48 Nekandi oyo ali iganike kumusontelezya ali abhahele simaninkizyo oti oyonakumwabhabhila oyone nge mumukwate." 49 Mwitungo elyone alamwizako Yesu ne alamubhwi a oti ulimpola mwalimu!" alamwabhabhila. 50 Yesu alamubhwila, "oti munwani ugeme tuhu elyo lyakuletile, genaho bhalamwegelela bhalamukwata. 51 Umwi wabho oyo bhaline Yesu alasomola mwambi gwamwe alamukata kutwi muzyana we bhagabhizi. 52 Ngenaho Yesu alamubhwila oti suvya mwambi gwako aho wagupunwya kulwekubha abho bhalavulazya kumwambi bhalakavulazibhwa kumwambi. 53 Mwekwiganikaoti ntenkamusabha Dada wane nawe alantumila bhamalaika bhekukila ikumi ne bhabhili? 54 Alahe syandikwa sikulizibhwa tyani oti yonane yekwendelwa kubha namuna eyone?" 55 Mwikanza elyone Yesu alabhabhuzya abhone bhantu oti mwiza ne mpanga ne mahili kunikwata kati mwekwiza kukwata munyoli? nsiku zyona nabhanga mwisalililo nkulangisya nekusi mutalanikwata! 56 Alahe agane gona gagemwa kulwekubha syandikwa sye bhahangizi sihikilizibhwe ngenaho bhahemba bhamwe bhalamuleka ne bhaliluka 57 Aha bhamukwata Yesu bhalamufila mwa Kayafa, mugabhizi mukulu eyo bhandisi ne bhanampala bhali bhibhilingileyo. 58 Petro alamulondezya nawe alikahaleho mukubhobhaha abho bhalibhamukwatile Yesu kuhika alahika mulubhuga lwe mugabhizi mukulu ngenaho alingila alikalisya sihamwi ne bhemwikulu abhone nkalikilo yahe nesi. 59 Alahe bhagabhizi bhakulu ne bhanampala, ne bhemwibhanzalyona bhalamukobhela Yesu bhhukanilizya bhwebhubhehi bhabhone nzila ye kumwihaga. 60 Alahe bhatalabhupandika singoko bhaligela bhakanilizya bhebhubhehi alahe bhatalabhona tyesyosyona, hanuma bhalegelela bhakanilizya bhabhili. 61 Bhalayomba oti oyane muntu ayombanga oti enkadula kulihombola elyane isalililo lye mwa Mungu hanuma alalizengula numa ye nsiku isatu.''' 62 Mugabhizi mukulu alimilila alaubhuzya oti utekusuvya muhayo tyogwogwona? abhane bhekukukanilizya si? 63 Alahe Yesu alikala sele, mugabhizi mukulu alamubhwila oti nekukulahilizya mwizina lye mwa Mungu muhanga utubhwile olo obhe ulimwana we mwa Mungu. 64 Yesu alamubhwila oti omwone wayombela ngeili, nekandi nekubhabhwila oti kubhukila bhwalelo mulakamubhona mwana we mutu ikalisye hakubhoko kwe bhulyo kwe bhudula nekandi ekwiza ne malunde ge mwilunde." 65 Ngenaho mugabhizi nukulu alatandula vyambalwa vyamwe alayomba oti amalakutukana twekwenda bhakanilizya si kandi? okomwimvwa bhutukani bhwamwe. 66 Mwekwiganika si? bhalahamuka bhalaypmba oti, "ekwendelwa kufwa." 67 Ngenaho bhalamutugila mate mubhusyo ne kumuhula ne ngumi bhandi bhalamupagila makofi kumabhoko gabho, 68 Bhalabhukizya kumubhwila oti badizya obhe Krsitu nende akuhula?" 69 Mwikanza elyone Petro ali ikalisye helu mulubhuga, mutumami mwanike, "umwi alamwegelela alayomba oti obhenobhe walisihamwi ne Yesu muna Galilaya." 70 Alahe alisunsumula muminso gebhona alayomba oti one ntekuimanwya eyane wekuyomba." 71 Aha apunaho alazya helu mwanike undi kandi alamubhona alabhabhwila bhantu abhobhaliho oti noyane akubha sihamwi ne Yesu Munazareti." 72 Alakema hakukata mulahi akuyomba oti one ntekumumanwya, "oyane muntu." 73 Hanuma ye kakanza kadone abhobhali bhimilile bhalamwegelela Petro, "bhalamubhwila oti ne nhanane nobhene ulimwisyabho kulwekubha ne kayombele kako kekwikola." 74 Ngenaho alabhukizya kuzuma ne kukata milahi mukuyomba oti ntekumumanwya oyane muntu, "Mwikanza elyone nkungulume ilahila. 75 Petro alibhukila mihayo eyo alabhwilwa ne Yesu oti ikubha nkungulume isyalikuhila "ukubha iwanikana nkandagu isatu."