¹ Ngenaho bhwami bhwe mwilunde bhulakikolanizibhwane bhahalaKAZI ikumi abho bhalabhwusya mole zyabho bhalazya kumwima nzila muswezi. ² Bhatano bhali ne bhwenge ne bhatano bhali bhahumbe. ³ Bhahalakazi bhahumbe bhalabhusya mole zyabho alahe bhatalabhusya sihamwi ne mafuta. ⁴ Alahe bhahalakazi bhebhwenge bhalabhusya mole zyabho sihamwi ne mafuta. ⁵ Aha muswezi alabha akendelela bhona bhalabhabhakwatwa ne tulo bhalatindila. ⁶ Alahe mubhwile hakati lilabhaho iyombo oti muswezi ahika nemubhuke muzye mumwanukule. ⁷ Ngenaho bhahalakazi bhonane bhalahalamuka bhalabhukizya kubhasya mole zyabho. ⁸ Bhahalakazi bhahumbe bhalabhabhwila bhahalakazi bhebhwenge oti mutuhe nifwe mafuta tulongele mumolezitu kulwekubha zyekuzinzila. ⁹ Alahe bhahalakazi bhebhwenge bhalabhitabhila bhalabhabhwila oti gatenkatwihika imwe nifwe. hambuhambu muzye habhaguzya muzye mwigulile bhenekili.' ¹⁰ Yilabha ahabhabhukakuzya muswezi alabhaahika abhobhalibhamalizile bhalingila sihamwi nage mubhukombe ne lwigi lulegekwa.' ¹¹ Hanuma bhaliza nabha bhahalakazi bhandi bhalabhukizya kuyomba oti mukama mukama utwigulile. ¹² Alahe awe alabhitabhila alabhabhwila oti ntekubhamanwya eyo mwekupuna.' ¹³ Kulweyo mwikale minso kulwekubha mutekumanwya nelusiku si ne makanza si mwana we muntu aho alakiza. ¹⁴ Oko yekwikola ne muntu oyo alabhuka kuzya lugendo munsi yindi, alabhalanga bhazyana bhamwe ne kandi alabhabhisyako vintu vyamwe. ¹⁵ Wembele alamuha talanta itano wekabhili alamuha ibhili wekasatu alamuha talanta yimwi, kila muntu alanukula kati omwo bhudula bhwamwe bhuli oyo muntu alazya lugendo lwamwe. ¹⁶ Ngenaho oyo alanukula talanta itano alazya alazibhusyaho talanta zindi itano. ¹⁷ Namuna eyone noyo alanukula ibhili alazizyagizyahokandi ibhili. ¹⁸ Alahe oyo alanukula imwi alazya alasimba hansi alaifufunika mpiya ye mwisye bhuzya. ¹⁹ Hanuma ye nsiku ninki isye bhuzya wabho bhazyana alabha asubha alabhukizya kupeta nabho mpiya yamwe. ²⁰ Oya alanukula talanta itano alamuhelezya talanta zindi itano alayomba oti Dada bhuzya obhe ulambisyako talanta itano nulinge nazizyagizyaho talanta zindi itano. ²¹ Isye bhuzya alamubhwila oti wabhezya muzyana musoga ne mutungilizya, obhe wali mutungilizya musintu sido kukutula ubhe mulabhadi we vinki; newingile mubhuteka bhwe mwa so bhuzya. ²² Ne oyo alanukula talanta ibhili nawe alegelela alayomba oti Dada bhuzya ulaniha talanta ibhili ulinge nazyazyaho kandi talanta ibhili. ²³ Isye bhuzya alamubhwila oti wabhezya muzyana musoga ne mutungilizya wali mutungilizya musido nekukutula ubhe mulabhadi we vinki, newingile mubhuteka bhemwa so bhuzya.' ²⁴ Ne oyo alanukula talanta imwi nawe alegelela alayomba oti Dada bhuzya nekukumanwya obhe ulimuntu lugumya ukukesanga eyo utali bhubhibhe, nekandi ukukuminganga eyo utasambazizye. ²⁵ One ndakwatwa ne bhwobha ndazya ndaibhisa talanta yako ha nsi, ulinge ulinayo yako eyaha.' ²⁶ Alahe isye bhuzya alasuvya alayomba oti obhe muzyana mubuli ne muzobhe ulamanwya tyani oti nkukesanga eyo ntali bhubhibhe, nekandi nkubhilinganga eyo ntali bhusambazye. ²⁷ Kulweyo yakwendelanga kubhaha mpiya yane bhifogonho, ahanasubha mbe ndasanga yabhusileho ndanukula nsabho yane sihamwi ne nzyalilwa yahe. ²⁸ Otine ne mumutazye talantamumuhe oyo aline talanta ikumi. ²⁹ Kulwekubha tyoyowona oyo alinasyo alkahebhwa nawe alakabha ne vinki, alahe oyo atalinasyo alakatazibhwa nesyo alinasyo. ³⁰ Ne muzyana oyo atekwendelwa mumukwate mumutagile helu mulizima eyo kulakabhayo kulila ne kusya mino.' ³¹ Alahe aho mwana we muntu alakabha iza mulyobhaika lyamwe sihamwi ne bhamalaika bhasoga bhona sihamwi nage ngenaho alakikalisya hitebhe lye bhwami lye lyobhahika lyamwe. ³² mahanga gona galakibhilinga mubhutonzi bhwamwe nawe alakabhagabhula kati omwo mundimi akugabhulanga ntama ne mbuzi. ³³ Ntama alakazitula hakubhoko kwe bhulyo alahe mbuzi alakazitula hakubhoko kwe lumanso. ³⁴ Ngenaho mwami alakabhabhwila abho bhalikubhoko kwamwe kwe bhulyo nemwize imwe bhebhufuhulwe ne Dada wane mwingile mubhwami obhwo mulatulilwe ne kufuma kubhumbwa kwe nsi. ³⁵ Kulwekubha nali bhutamo nimwe mulanibhonesya kulya silibhwa, nali ne nkelo ye minzi nimwe mulampa minzi, nali mugeni nimwe mulananukula. ³⁶ Nali bhuvule, mulanambika, nali mulwele nimwe muliza kunikezya,nekandi nali bhubhohwe musifungo nimwe muliza kunkezya. ^{39 37} Ngenaho bhatungilizya bhalakamwitabhila ne kuyomba oti Mukama ne lyali tulakubhona uline bhutamo tulakubhonesya kulya? Nolo uline nkelo tulakuha minzi? ³⁸ Nelyali tulakubhona uli mugeni tulakwanukula ne ulibhuvule tulakwambika?39 Tulakubhona ulimulwele nolo ulibhubhohwe musifungo lyali tuliza kukukezya? ⁴⁰ Mwami alakabhitabhila ne kubhabhwila oti nhana nekubhabhwila oti kati omwo mualamugemela umwi we bhadugu bhane abha mwanigemelanga one.' ⁴¹ Ngenaho alakabhabhwila abho bhali kubhoko kwamwe kwe lumanso, oti ne mumvweko imwe bhebhuzumwe muzye mumalilo ganantazima ago alatulilwe syetani ne bhamalaika bhamwe. ⁴² Kulwekubha nali ne bhutamo alahe mutalambonesya kulya,naline nkelo alahe mutalampa minzi gekunwa. ⁴³ Nali mugeni alahe mutalananukula, nali bhuvule nimwe mutalanambika nekandi nali mulwele nebhubhohwe musifungo alahe mutaliza kunikezya.' ⁴⁴ Ngenaho nabhe bhalakamwitabhila mukuhaya oti Mukama nelyali tulakubhona uline bhutamo, nolo uline nota, nolo ulimugeni, nolo ulibhuvule nolo ulimulwele, nolo ulibhubhohwe musifungo ne tutalakwambilizya? ⁴⁵ Ngenaho alakabhitabhila mukuhaya oti, nhanane nekubhabhwila oti omwo mutalamubhegezya umwi we bhadugu bhane abhamutalambegezya one. ⁴⁶ Abhane bhalakazya mukwagalala kunanta mala alahe bhatungilizya bhalakazya mubhuhanga bhunantamala."