¹ Yesu ne bhahemba bhamwe bhalahika hihi ne Yerusalemu bhalazya kuhika Bethifage, kulugulu lwe mizeituni kwitungo elyone Yesu alabhatuma bhahemba bhabhili. ² Alabhabhwila muzye mumuzengo ogwo gwekwizayo ahone mukusanga ndogobhe iyasibhikwa sihamwi ne mwana wayo mubhasibhule mubhandetele. ³ Olo muntu tyoyowona akabhabhuzya mukuyomba mukama ekubhakobha, ne mumuntu oyone akubhazumilizya mubhandetele" ⁴ Igambo elya lilabha ngelyo lilayombwa kuhitila mufumbuzi, syenkanane lihikilizibhwe. ⁵ Mubhabhwile bhahalakazi bhe Sayuni, ulinge mukama wako ekwiza winu mwidohya agegele ndogobhe ngosya ne mwana we ndogobhe. ⁶ Kwelyone itungo bhahemba bhamwe bhalabhuka bhalazya kugema kati omwo Yesu iyabhatumila. ⁷ Bhalaileta eyo ndogobhe ne mwana wayo, bhalatula myenda zyabho handogobhe,nawe Yesu alagegelako kundogobhe. ⁸ Bhantu bhinki bhalanza myenda zyabho munzila nebhandi bhalavuna matabhazi kumiti ne kuganza munzila. ⁹ Idale lye bhantu elyo lyali bhutonzi ye mwa Yesu nelyo lyali numa yamwe lilabhukizya kuhamuka likuyomba oti utusizye mwana we mwa Daudi aline lubhango oyo ekwiza mwizina lye mwa Mukama utusizye kulwekubha ulihigulya muno. ¹⁰ Yesu alabha ahika mu Yerusalemu,syalo syona silakamala ne silayomba oti nende oyane? ¹¹ Idale lye bhatu lilabhitabhila oti oyane ne Yesu muhangizi kufuma Nazareti ye Galilaya." ¹² Ilabhao Yesu alingila mwisalililo lye mwa Mungu alabhabhingamo bhona abho bhaguzyanga ne kugula mwisalililo, nekandi alazihenagula meza zye bhavunza bhehela ne matebhe ge bhaguzya nkundya. ¹³ Alabhabhwila oti ilibhwandikwe kubha "Numbayane ilakabha numba ye kusabhila alahe imwe mwaigemile kubha ipilinga lyebhivi" ¹⁴ Ilabhaho bhahofu sihamwi ne bhalema bhalamwizako mwisalililo nawe alabhasizya. ¹⁵ Alahe ilabha bhagabhizi bhakulu sihamwi ne bhandisi aha bhabhona yekukumya eyo alabhezya Yesu nekandi ahabhomvwa bhana bhakuhamuka mukuhaya oti utusizye mwana we mwa Daudi bhalokalwa ne syaha muno. ¹⁶ Nabhe bhalamubhwila oti "wekwimvwa ago bhekuyomba abha bhantu?" Yesu alabhabhwila, "oti ee nekwomvwa, Alahe musyali kusoma mukubha oti "kufuma mumilomo ye bhana sihamwi ne bhana bhakeka kulimo kukumilizya kwe nhana?" ¹⁷ Ngenaho Yesu alavwaho alabhaleka alazya helu ne muzengo alazya kugona eyone. ¹⁸ Eya mulabho aha akusubha alabhona bhutamo. ¹⁹ Alabhona mti mtini hampelo ne nzila alaguzyaho, alahe atalabhonamo tyesyosyona alahe matutu tuhu, Alagubhwila oti kubhukila bhwalelo vitakiza kwigelaho visumo ne mwikanza elyone ogwo muti guloma bo. ²⁰ Bhahemba bhalabha bhabhona agone bhalakankamala ne bhalahaya oti yabhatyani muti gwayonza ne kwoma bo kamwi ne kamwi. ²¹ Yesu alabhitabhila ne kubhabhwila olo mulabha ne kuzumya okwo kutali ne kwiganulizya mutalakagema esyo mwabhona hogwo muti tuhu alahe mwekadula kulubhwila lugulu oti nubhuke uzye utagilwe munyanza ne yenkabha otine. ²² Kutyesyosyona esyo mulasabha munzila ye kusalila nekandi mukuzumya mukwanukula. ²³ Ilabha aha Yesu ahika, mwisalililo bhakulu bhe bhagabhizi ne bhanampala bhe bhantu bhalamwegelela aha abhukizya kulangisya, ne bhalamubhuzya mukubha ne kubhudula si wekugema agane nekandi nende alakuha obhwane bhudula? ²⁴ Yesu alabhitabhila ne alabhabhwila oti none nkubhabhuzya muhayo gumwi, olo mukanibhwila none nkubhabhwila mukubha ne kubhudulasi nekugema agane gona. ²⁵ Kubhatizya kwe mwa Yohana- kulafuma hi mwilunde nolo bhulafuma habhantu? bhalibhugilizya bhenekili mukuhaya oti olo tukayomba bhulafuma mwilunde akutubhuzya oti nekusi mutalamuzumya? ²⁶ Nekandi olo tukayomba bhulafuma habhantu twekubhobhaha, bhantu kulwekubha bhonane bhekumubhona Yohana mukubha ne muhangizi. ²⁷ Ngenaho bhalamwitabhila Yesu mukuhaya tutekumanwya, nawe alabhabhwila oti none lelo ntekubhabhwila ne kubhudulasi nekugema agane gona. ²⁸ Alahe mwekwiganika tyani muntu mulebhe ali ne bhana bhabhili alamubhwila wekwandya oti mwanawane nuzye utumame kumugunda gwane gwe mizabibu. ²⁹ Alahe oyomwana alamubhwila isye mukubha ntekuzya hanuma alabhona agema kubhi alabha azya kumugunda gwe mizabibu kutumama ³⁰ Nekandi alamuzyako ne wekabhili alamubhwila namuna eyone nawe alamwitabhila alayomba Dada nekuzya alahe atalazya. ³¹ Nende kwabho bhana bhabhili alabhezya eyo isye wabho atogangwa? bhalayomba oti ne mwana we kwandya Yesu alabhabhwila oyi nekubhabhwila mukubha bhatobhisya bhe bhushuru sibhamwi ne bha malaya bhalakabhatanga kwingila mubhwami bhwe mwa Mungu. ³² Kulwekubha Yohana aliza winu munzila ye bhutungilizya alahe mutalamuzumya; alahe bhatobhisya bhe bhushuru sihamwi ne bhamalaya bhalamuzumya; alahe imwe aha mwabhona eyoyona mutaliganika mumizo zinu nekandi hanuma mukamuzumya. ³³ Nemudegeleke sigemenkezyo sindi; abhangaho munamugi mulebhe oyo alahamba mugunda gwe mizabibu:alagugitilila lugutu hanuma alasimbamo ikamulilo lye mizabibu, nekandi alazengamo ne numba ndele, ne alagukodisya ogwo mugunda kubhantu nekandi alazya munsi yindi. ³⁴ Mwikanza lye kwimbula mizabibu lilabha lyegelela alabhalagizya bhazyana bhamwe kwabho bhalimi kuzya kwanukula mizabibu yamwe. ³⁵ Bhalimi bhalabhakwata bhazyana umwi bhalamuhula undi bhalamwihaga ne undi bhalamutagila mabhale. ³⁶ Alabhalagizya kandi bhazyana bhinki kukila bhekwandya alahe bhalimi bhalabhagema kati omwo bhalabhagemela abhobhandi. ³⁷ Lwekwihelezya alabhalagiligizya mwanawamwe mukwiganika kubha bhakumuha isima oko ne mwana wane.' ³⁸ Alahe bhatumami bhalabha bhamubhona mwanawamwe bhalatolana oti oyane ne musalo iza kusola isalo tumukwate tumwihage tulisole elyane isalo lyamwe. ³⁹ . Aha bhamukwata bhalamutagila helu ne mugunda bhalamwihaga. ⁴⁰ Mwekwiganika si oti mwenekili mugunda olo alakiza alakabhagema tyani abhone bhatumami? ⁴¹ Bhalamubhwila oti alakabhayabhazya bhatumami bhabhi abhone, ne mugunda gwe mizabibu alakalagana ne bhalimi bhandi abho oti bhalakamubha visumo mwikanza lyahe. ⁴² Yesu alabhabhwila, 'oti musyali kusoma musyandikwa mukubha oti ibhale elyo bhalalikema bhazenzi lyabhele ibhale lye hampelo. elyane lilafuma mwa Mukama, nalye lyabha lyekukumya muminso gitu?' ⁴³ Kulweyo nekubhabhwila mukubha oti bhwami bhwe mwa Mungu bhulakapunibhwako kuwinu ne lilakahebhwa ihanga lindi elyo lilakabhuta visumo vye bhwami. ⁴⁴ Ne ku tyoyowona oyo alakaligwila ibhale elyane alakavunagulika,alahe oyo lilakamugwila alatobhagulwa tobhotobho." ⁴⁵ Bhagabhizi bhakulu sihamwi ne Bhafarisayo bhalabhabhagimvwa agone bhalamanwya oti ekubhachembela abhe. ⁴⁶ Alahe aha bhalenda kumukwata bhalabhobhaha bhantu kulwekubha bhantu bhamumanwyanga mukubha ne muhangizi.