¹ Kulwekubha bhwami bhwe mwilunde bhwekwikola ne muntu wilale oyo alabhuka makesi kuzya kutula bhatumami mumugunda gwamwe gwe mizabibu. ² Aha alabha amala kwiyelelwa ne bhatumami silingi imwi kwizyobhadwi alabhatuma kuzya mwilale lyamwe lye mizabibu. ³ Mumazyobha ge saa tatu oti alabhabhona bhatumamibhandi bhimilile mwigolilo nebhe bhali bhatali ne milimo. ⁴ Alabhabhwila oti nimwene nemuzye mwilale lyane lye mizabibu none kubhaliha, bhalabhabhazya kutumama milimo. ⁵ Nekandi mumazyobha ge mukaga ne ge syenda alagema namuna eyone. ⁶ Nekandi mumazyobha ge ikumi ne limwi alabhabhona bhantu bhandi bhimilile bhataline milimo, alabhabhwila oti ne kusi mwimilile ahane nekubha mutali ne milimo izyobha dwi? ⁷ Bhalamubhwila oti kulwekubha atalibho muntu tyoyowona oyo atuhele milimo ye kutumama,alabhabhwila nimwene nemuzye mumugunda gwane gwe mizabibu mutumame. ⁸ Mwikanza lye kagolo lilabha lyahika mwenekili ilale lye mizabibu alamubhwila mulabhadi wamwe oti bhalange bhatumami ubhahe mpelazyabho kila muntu ubhukizye kwoyo alihelezya ne umaligizye kwoyo alabhukizya. ⁹ Bhalabha bhiza abho bhe izyobha lye ikumi ne limwi kukila umwi alanukula silingi imwi. ¹⁰ Bhalabha bhiza bhatumami bhe kwandya bhaliganika mukubha bhakwanukula ninki kubhakila bhisyabho, alahe bhalanukula silingi imwi kukila umwi. ¹¹ Bhalabha bhamala kwanukula mpela yabho, bhalamwidugumbila mwenekili ilale. ¹² Bhalamubhwila oti bhatumami abhabhalihelezya bhatumama izyobha limwi tuhu ne kusi wabhalinganizya nifwe abho twatumeme izyobha dwi.' ¹³ Alahe mwenekili ilale alitabhila ne kumubhwila umwiwabho oti mudugu wane ntakuhungile, tutalalagana mpela ye silingi imwi? ¹⁴ Anukula nsabhoyako uzye, kulwekubha mwizogwane gwasimile kubhaha abha bhekwihelezya katiomwo nakuhela obhe. ¹⁵ Itali kusoga kugema esyonekwenda kunsabho yane? linsolyako lyanilinga kubhi kulwekubha ndiwekapanga? ¹⁶ Kulweyo wekwihelezya alakabha wembele ne wembele alakabha wekwihelezya" ¹⁷ Ilabha aha Yesu abhukizya kuzya Yerusalemu, alabhafila bhahemba bhamwe ikumi ne bhabhaili mukapuzyo ne nzila, alabhabhwila oti. ¹⁸ Otine twazya Yerusalemu, mwana we muntu ekuzya kutulwa mumabhoko ge bhagabhizi bhakulu sihamwi ne bhandisi nabhe bhakumuhukumu hukumu ye kumwita. ¹⁹ Ne bhakumubhaha bhana mahanga nabhe bhakumusekelela ne bhakumwagalazya ne kumulimbagula ne mikobha alahe kulusikulwe kasatu akuzyoka. ²⁰ Ngenaho nina we bhana bhe mwa zebedayo alamwegelela sihamwi ne bhanabhamwe alasukamba bhutonzi yamwe alamusabha sintu. ²¹ Yesu alamubhwila oti mayo wekwenda si?nawe alamubhwila oti nekusabha ubhazumilizye abhabhanabhane bhabhili bhikalisye nanko umwi kukubhokokwako kwe bhulyo neundi kukubhokokwako kwe lumanso kubhwami bhwako. ²² Alahe Yesu alabhitabhila mukuhaya mutekusimanwya esyo mwekusabha, mwenkasinwela sikombe esyo nkusinwela sihamwi nekubhatizibhwa okwo nekuzya kubhatizibhwa? bhalayomba bhenkadula. ²³ Alabhabhwila sikombe mulasinwele ne kubhatizibhwakwane mulakakubhatizibhwa alahe kwikalisya kubhoko kwe bhulyo ne kwe lumanso itali mubhudula bhwane kubhaha alahe ne kwabho bhalamazile kubhegezibhwa ne Dada wane. ²⁴ Bhahemba ikumi ahabhimvwa ogwomuhayo bhalapinihala muno kulwe abho bhadugu bhabhili. ²⁵ Alahe Yesu alabhalanga ne alabhabhwila oti mwekumanwya, mukubha bhami bhe mahanga bhakubhasuganga kunguzu ne bhakulu bhabho bhakubhatumamyanga, kubhudula? ²⁶ Alahe itakiza kubha namuna eyone kwimwe, kungoko kutyoyowona ²⁷ Oyo ekwenda kubha mukulu kuwinu ekwendelwa kubha muzyana winu. ²⁸ Kati omwo, "mwana we muntu atalizile kutumamilwa alahe kutumamila ne kupunwya bhuhanga, bhwamwe kubha silokolelo sye bhinki." ²⁹ Ilabha ahabhakufuma mu Yeriko bhantu bhinki bhalamulondezya. ³⁰ Bhalabhabhona bhahofu bhabhili bhikalisye hampelo ye ibalabala, bhalabhabhimvwa oti Yesu ekuhita bhalahamuka mukuyomba oti mukama mwana we mwa Daudi utubhelebhwila. ³¹ Alahe bhantu bhalabhabhwila bhahulike, alahe bhalagana kuhamuka mukuhayamu mukama mwana we mwa Daudi utubhele bhila. ³² Yesu alimilila alabhalangana alabhabhuzya oti mwekwenda mbagemele si? ³³ Nabhe bhalamubhwila oti mukama twekwenda minso gitu gabhone. ³⁴ Yesu alabhanegelwa alabhakumika kuminso gabho mwikanza elyone minsogabho galahebhwa kubhona ne bhalamulondezya.