¹ Ilabha ahaYesu amala agone magambo, alapunayo Galilaya ne alazya muluvumba lwe Yudea, bhutonzi bhwe Yordani. ² Bhantu bhinki bhalamuzyako alabhasizya. ³ Bhafarisayo bhalamwizako, bhalamubhuzya hakumutega," angu ilikusoga kumuntu kumuleka mukaziwamwe kunguno tyeyoyona?" ⁴ Yesu alitabhila ne alayomba oti mutakusomanga mukubha oti oyo alabhabhumba kwandya alabhabhumba muntu mukima ne mugosya.? ⁵ Nekandi alayombaoti kulweyo mugosya alakabhaleka isye ne nina ne kuzya kwikala ne mukazi wamwe nabhe bhabhili bhalakabha mubhili gumwi? ⁶ oti bhatali bhabhilikandi alahe mubhiligumwi, nekandi esyo alibhusitule hamwi Mungu muntu tyoyowona atekwendelwa kusilekanwya." ⁷ bhalamubhwila oti nekusi awe Musa alatuzumilizya kumuleka mukima nekumwandikila balubha ye kumuha talaka? ⁸ Alabhabhwila oti kulwemizozinu migume Musa alabhazumilizya kubhaleka bhakazi bhinu alahe kufuma mbele itali otine. ⁹ Nekubhabhwila oti tyoyowona olo alakamuleka mukazi wamwe olo itali kulwe bhusihya ne alaswela mukimayundi akubha ekusihya ne mugosya oyo alakamuswela mukima oyoalibhulekwe ne mugosya nawe alakabha musihya." ¹⁰ Bhahemba bhalamubhwila Yesu oti "olonge ili kumukima ne mugosya italikusoga kuswela." ¹¹ Alahe Yesu alabhabhwila oti "itali kumuntu tyoyowona oyo enkagwanukula ogwane muhayo alahe gulikwabho tuhu bhebhufuhulwe ne Mungu nge bhenkagwanukula. ¹² Kulwekubha bhaliho bhasololwa abho bhalazyalwa otine kufuma munda zye bhaninabho. Nekandi bhaliho bhasololwa abho bhalagemilwe ne bhantu kubha bhasololwa kulwe bhwami bhwe mwilunde, oyo ekudula kwanukula malangisyoagane ne aganukule. ¹³ Hanuma alaletelwa bhana bhado bhado abhatulile mabhoko higulyayabho ne kubbhasabhila, alahe bhahemba bhamwe bhalabhahangizya. ¹⁴ Alahe Yesu alabhabhwila mukubha oti mutakabhahangizya kunizako kulwekubha bhana bhado kati abhane bhwami bhwe mwilunde ne bhwebhantu kati abhone. ¹⁵ Nawe alabhatulila mabhoko higulya yabho hanuma alafumayo eyone. ¹⁶ Ilabhaho muntu umwi alamwizako Yesu ne alamubhwila oti Mulanza musoga nesintu si sisoga esyo nekwendelwa kugema kuhika nabhone bhuhanga bhunantamala? ¹⁷ Yesu alamubhwila oti nekusi wekunilangana mwela ataliho muntu mwela alahe umwituhu nawe ne mukama we mwilunde alahe olowekwenda kubhubhona bhuhanga bhunantamala kwata silagilo sye Mungu. ¹⁸ Oyomuntu alamubhuzya Yesu neesilagilo si? Yesu alamubhwila oti utakihaga, utakasihya, utakakanilizya kubhubhehi. ¹⁹ Bhakuzye so ne noko, ne umusime muzenganwawako kati omwo wekwisimila obhe." ²⁰ Oyo muntu alamubhwila oti eyaneyona ndaikwatile kufuma mubhuyanda bhwane, nsyalibhulebhelelwe si? ²¹ Yesu alamubhwila mukubha oti olowekwenda kubha muhikane nuzye uguzye vyona evyo ulinavyo ubhagabhulile bhahabhi, ukubha ne kwibhikila mwilunde hanuma wize unilondezye. ²² Alahe oyomuntu aha invwa namuna eyone alazya ne bhupina bhwinki kulwekubha ali ne nsabho ninki. ²³ Yesu alabhabhwila bhahembabhamwe oti "nhana nekubha bhwila oti ilivigume kumuntu we nsabho kwingila mu bhwami bhwe mwilunde. ²⁴ Nekandi nekubhabhwila oti ilisyangu ngamila kuhita hidululu lye lusindano kukila muntu musabhi kwingila mubhwami bhwe mwilunde." ²⁵ Bhahemba ahabhimvwanamune eyone bhalakumya muno ne bhalayomba oti nendelelo oyo alakalokoka? ²⁶ Yesu alabhalinga ne alayomba kumasala ge bhantu elyone litekudulika alahe hali Mungu gona gekudulika. ²⁷ Petro alamwitabhila alamubhwila,ulinge twalekile yemubhwelelo yona ne kukulondezya tulakabhona sintu si?" ²⁸ Yesu alabhabhwila, "nhana nekubhabhwila oti tyoyowona oyo alibhuleke vyona alanilondezya one musizyele sihyahya mwikanza elyo mwana we muntu alakabhaikalisya hitebhe lye bhwami lwe ikuzyo lyamwe nimwe mulakikalisya hamatebhe ikumi ne abhili ge ikuzyo, kuhukumu nganda ikumi ne ibhili zye bhana bhe Israeli. ²⁹ Kutyoyowona winu oyo alalekile mukuluye ne ilumbuye ne isye nina ne bhana nolo malale kulwe izina lyane alakanukula nkandagu igana nekandi alakabhwingila bhuhanga bhunantamala. ³⁰ Alahe bhinki abho bhali bhekwandya otine, bhalakabha bhekwihelezya nabho bhekwihelezya bhalakabha bhekwandya.