¹ Mwikanza elyone bhahemba bhamwe bhalamwegelela Yesu ne bhalamubhuzya oti nende oyo ne mukulu mubhwami bhwe mwilunde? ² Yesu alamulanga mwanamudo ne alamutula hakati yabho. ³ Alayomba oti nekubhabhwila oti olomutekupiluka nekwikola ne bhana bhado abha mutalakabhwngila nolohado bhwami bhwe mwilunde. ⁴ Kulwago tyoyowona oyo alidohya mwenekili kati mwana mudo ngenoyo alakabha mukulu mubhwami bhwe mwilunde. ⁵ Ne tyoyowona oyo alamwanukula mwana mudo kwizina lyane alakabha ananukwile one. ⁶ Alahe tyoyowona oyo alakamwikumpya umwi we bhadoabha abho bhekunizumwya ne alabha mugomi,yenkabhakusoga muntu oyone abhohwe munkingo ibhale ikulu lye kusyela nekandi atagilwe hakati ye nyanza. ⁷ Nelwayo bhwelelo kulweyekwikumpya kulwekubha yekwikumpya itenkaleka kwiza alahe nelwamwe oyo yekwikumpya yekwiza kulwewamwe. ⁸ Olo kubhoko kwako nolo kugulukwako olokulakwikumpya ukukateho ne ukutagile hale, nekusoga munokwobhe kwingila mubhuhanga bhunantamala uline bhulema bhwekubhoko kukila kubha ne mabhoko abhili ne kutagilwa mumalilo ganantazima. ⁹ Olo linsolyako lilakwikumpya ulinopolemo ne ulitage halenanko. Nekusoga kwobhe kwingila mubhuhanga bhunantamala uline nsongo kukilia kubhane minso abhili ne kutagilwa mumalilo ganantazima. ¹⁰ Mwiyangalile mutakiza kumugailizya umwi wabha bhado,kulwekubha nekubhabhwila oti mwilunde bhaliyo bhamalaika abhe nsikuzyona bhakubhulinganga bhusyo bhwe mwa Dada wane oyo alimwilunde. ¹¹ (Itegelezye mumagambo gemusitali gwe 11, "Kulwekubha mwana we muntu aliza kusilokola esyo syali syabhuzile.")gataligela munakala zye kale) ¹² Mwekiganika si? olo muntu aline ntama igana ne imwiyahe ilabhula atenkaleka ezyo makumi syenda na syenda alazya kuikobha eyo yabhuzile? ¹³ Ne olo alaibhona nekubhabhwila oti ekaihalalila kukila ezyo makumi syenda na syenda ezyo zitabhuzile. ¹⁴ Namuneyone bhutali bhusime bhwemwisenwe we mwilundekubha umwiwinu ayabhale. ¹⁵ Olo muduguwako alakubhihya zya umubhwile aho akubhihizye muli obhe nawe tuhu oloalakudegeleka ukubha wamusuvya muduguyo. ¹⁶ Alahe olo alahalalika sola ne muntuundi umwi nolo bhabhili sihamwi nobhe kulwekubha mumilomo ibhili nolo isatu zye bhakanilizya muhayo gwenka bhonwamukubha ne nhana. ¹⁷ Olo alabhahalalika mulabhabhwila bhe kanisa elyone igambo olo alagana kuhalalika ngenaho mumupete kubha kati munamahanga ne mutobhisya we bhushuru. ¹⁸ Nhana nekubhabhwila oti kutyesyosyona esyo mulakasyegeka aha mubhwelelo silakabha syegekwe ne mwilunde ne tyesyosyona esyo mulakasyigula ahamunsi silakabha sigwilwe ne mwilunde. ¹⁹ Kandi nekubhabhwila oti olo bhantu bhabhili kuwinu bhalizumilizya kwigambo tyelyolyona aha habhwelelo elyobhekusabha, elyone Dada wane wemwilunde akuligema. ²⁰ Kulwekubha bhabhili nolo bhasatu olo bhalibhilinga kungunoyane none nkubhaho hakati yabho. ²¹ Kandi Petro alamwegelela Yesu ne alamubhuzya oti Mukama ne nkandagu zinga muduguwane olo alambihya nekwendelwa kumbhela bhwila?nolo nkandagu musamvu? ²² Yesu alamubhwila oti ntekukubhwila nolo nkandagu musamvu tuhu alahe nkandagu musamvu mala nkandagu musamvu. ²³ Kulwekubha bhwami bhwe mwilunde bhwekwikola ne mwami mulebhe oyo alabhukizya kupeta nsabhoyamwe ne bhasese bhamwe. ²⁴ Aha abhukizya kupeta alaletwa musese umwi oyo aline musango gwe vihumbi ikumi. ²⁵ Kulwekubha atali ne nzila ye kuliha isebhuzya alalagila mukubha aguzibhwe mukazi sihamwi ne bhana bhamwe ne tyesyo syona esyo alinasyo musango gulihwe. ²⁶ Musese alasukamba mubhutonzi bhwe mwisye bhuzya alayomba oti Mukama unilindilile naikobhe nsabho yako none nkukuliha musango gwona. ²⁷ Mweyo isyebhuzya woyo musese kulwekubha alabhona bhwila muno alamubhela bhwila musango gwona. ²⁸ Alahe oyo musese aha azya alasanzya ne musese mwisyamwe, oyo amutondanga dinari igana alamukwata ne alamuniga eno akumubhwila oti ntekukulekela mpaka unilihe musango gwane.' ²⁹ Alahe oyo musese mwisyamwe alasukamba hakumwikumbilizya muno nekuyomba oti unilindilile hadone nzikobhe nkulihe zyona.' ³⁰ Alahe musese wekwandya alakema ne alazya alamutagila mujela mpaka amale kuliha musango gwona. ³¹ Aha bhasese bhisyamwe bhalabha bhabhona agone bhalapinihalamuno bhalazya kumubhwila isabhobhuzya eyone yona. ³² Ngenaho oyo mwami we musese oyo alamulaga ne kumubhwila oti obhe musese mubhi ndakubhelabhwila musangogwane gwona kulwekubha ulanikumbilizyamuno. ³³ Itakwendelanga nobhe kubha ne bhwila kumusese mwisyako kati omwo ndakubhelela bhwila one? ³⁴ Isye bhuzya alasyahala alabhaha bhasilikale alayomba atakavwamo mpaka alakabha aliha musango gwona. ³⁵ Namunaeyone ngomwo Dada wane we mwilunde alakamugemela tyoyowona oyo atekumubhela bhwila muduguye kupuna mumizozinu."