¹ Hanuma ye nsiku mukaga Yesu alabhasolaPetro, ne Yakobo, sihamwi ne Yohana muduguye ne alabhasola alagegele nabho kulugulu lulele bhusatubhwabho tuhu. ² Nawe alapiluka mubhutonzi bhwabho ne bhusyobhwamwe bhulalabhagila kati izyobha ne vyambalwa vyamwe vilalabhagila kati mwangalazima. ³ Bhaliza kwimanila bhalamwizako Musa ne Eliya bhalabhukizya kulomela nage. ⁴ Petro alamubhwila Yesu, "Mukama nekusona kwifwe kubhaho ahane olowekunzumilizya kuzengula miganda isatu-gumwi gwako, gundi gwe mwa Musa ne gundi gwe mwa Eliya." ⁵ Aha asyali asyayomba kwimanila ilunde lyepe lilabhafundikila nesilakasilafumamwelyo ilunde sikuhaya oti oyane ne mwanawane musimwa ne nasimile kulwe wamwe mumudegeleke awe. ⁶ Bhahemba bhalabhabhimvwa agone balagwa bhusuname ne bhalobhaha muno. ⁷ Yesu alabhabhakumikaho alabhabhwila nemubhuke nemutakobhaha. ⁸ Nabhe bhalabhusya bhusyobhwabho bhatalabhona muntu tyoyowona alahe Yesu inene. ⁹ Yabhanga aha bhabhukizya kutikiala mulugulu Yesu alabhakomelezya mukuyomba oti "mutakiza kumubhwila muntu tyoyowona kulwagane mwabhona kuhika mwana we muntu alakabha azyoka kufuma mubhafu" ¹⁰ Bhahemba bhamwe bhalamubhuzya mukuhaya oti "nekusi Bhandisi bhakuyombanga mukubha yekwendelwa Eliya ize mbela? ¹¹ Yesu alabhitabhila ne kuyomba oti nenhana Eliya ekwiza mbela nawe ne kuibhegelezya yonane. ¹² Alahe nekubhabhwila imwe oti Eliya alamazile kwiza alahe bhatalamumanwya, alahe bhalamubhegezya mibhi eyo bhalenda mumizo zyabho, ne namuna eyone ngomwo bhalakamwagalagizya ne mwana we muntu mumabhoko gabho. ¹³ Ngenaho bhahembabhamwe bhalamanwyamukubha amulomelelanga Yohana mubhatizya. ¹⁴ Bhalabha bhahika mwibhita lye bhantu muntu umwi alamwizako alasukamba mubhutonzi bhwamwe alamubhwila . ¹⁵ "Mukama, umubhelebhwila mwanawane kulwekubha alinelusalo nekwagalala muno. Kulwekubha nkandaguninki akugwanga mumalilo ne muminzi. ¹⁶ Ndamubhaletela bhahembabhako alahe bhatalamusizya. ¹⁷ Yesu alitabhila ne alayomba oti imwe sizyele sinantazumya ne sye bhubhihe nkwikala sihamwi ninu mpaka lyali? nekandi nkwiyomelezya ninu mpaka lyali? hani ne mumulete aha hawane. ¹⁸ Yesu alamuhamila nelyo isambwa lilamuvwako muyanda alasila mwikanza elyone. ¹⁹ Ngenaho bhahemba bhamwe bhalamwizako Yesu mukapuzyo ne bhalamubhuzya "nekusi ifwe tutalabhwezya kulibhinga elyo isambwa?" ²⁰ Yesu alabhabhwila, "kulwekuzumyakwinu kudo. nhananekubhabhwila oti olomulabha ne kuzumya nolo kudo kati luzuma lwe mbuto ye haradali, mwenkadula kulubhwila olwalugulu nusame ahane uzye eyo, nalwe lwenkasama ne sitenkabhaho sintu tyesyosyona syekulemeteka kwimwe. ²¹ (Witegelezye kumagambo ge musitaligwe 21"Alahe mbika ye elyane isambwa itekudulika kuvwaho, mpaka kumalomba ge kufunga." ²² Aha bhalibhasyali yo mu Galilaya, Yesu alabhabhwila bhahemba bhamwe, mwana we muntu ekuzya kuhebhwako mumabhoko ge bhantu. ²³ Ne bhakumwihaga ne kulusikulwe kasatu alazyoke, bhahemba bhalapinihala muno. ²⁴ Ilabha aha bhahika Kapernaumu bhatobhisya bhe kodi ye nusu shekeli bhalamwizako Petro ne kuyomba oti mwalimu winu akulihanga kodi ye nusu shekeli? ²⁵ Alayomba oti ee akulihanga"alahe Petro ahaingila munumba Yesu alabhukizya kulomela ne Petro mbela ne kuhaya"wekwiganika mande obhe Simoni?Bhami bhemweya nsi bhakwanukulanga kodi nolo bhushuru kufuma kubhande kubhanabhabho nolo kubhageni? ²⁶ Ilabha aha Yesu ayomba kufuma kubhageni Yesu alamubhwila oti bhana bhabho bhantekalibha kodi. ²⁷ Alahe tutakiza kubhikumpya bhakagaya nuzye munyanza utagilemo ludobhano nensamakiyekwandya kukwasya ukuyasamya mulomogwayo ne ukubhonamo shekeli imwi uisole ne uzye ubhahe bhanukuzi bhe bhushuru kulwewane ne kulwewako.