¹ Ilabha Bhafarisayo sihamwi ne Bhasadukayo aha bhamwegelela bhalamutega mukumubhwila oti abholekezye simaninkizyo kufuma mwilunde. ² Alahe Yesu alabhitabhila alabhabhwila oti olo yahika mpindi mwayombamukubha gukubhaho mwangalazima, kulwekubha ilunde ne lyeza. ³ Nemulabho mukuyombaga bhwalelo iliho mvula kulwekubha ilunde ne lyeza ne malunde gagubizye gubigubi mwekumanwya kupima hali ye makanza alahe mutenkaduzya kupima hali ye makanza. ⁴ Sizyele sibhi ne syebhusihya syekukobha simaninkizyo alahe sitakuhebhwa simaninkizyo tyesyosyona olo sitali syemwa Yona hanuma yesu alabhaleka alazya. ⁵ Bhahemba bhaliza kulwande lwe kabhili,alahe bhalibhalabhile kusola mikate. ⁶ Yesu alabhabhwila oti "mwiyangalile nekandi mwitegelezye kulwe bhugase lwe Bhafrisayo ne Bhasadukayo" ⁷ Bhahemba bhalibhugilizya abhekwabhe ne bhalayomba oti "ne kulwekubha tutasozile mikate"? ⁸ Yesu alabhamanwya miganiko gabho ne alabhabhwila oti imwe bhekuzumya kudo nekusi mwibhugilizya imwe kwi mwe mukuyomba oti ne kulwekubha tutasozile mikate? ⁹ Mutekwibhukila kulwe eilya mikate itano kubhantu vihumbi vitano, nekubha nevikapu vinga evyo mulavibhilinga? ¹⁰ Nolo mikate musamvu kubhantu vihumbi vine, ne vikapu vinga evyo mulabhilinga? ¹¹ Nekusi oti mutekwitegelezya mukubha ntakuyombaninu kulwe mikate alahe kwiyangalila ne bhugase bhwe bhafarisayo ne Bhasadukayo. ¹² Ngenaho bhalabha bhitegelezya mukubha oti atabhabhwilanga kwiyangalila ne bhugase bhwe mikate alahe ne malangisyo ge Bhafarisayo ne Bhasadukayo. ¹³ Ilabha aha Yesu ahika lwande lwe Kaisara ye filipi, alabhabhuzya bhahemba bhamwe mukuhaya, Bhantu bhakuyombaga mukubha mwana we muntu kubha oti nende? ¹⁴ Bhalayomba oti bhandi bhakuyombanga mukubha ne Yohana mubhatizya, bhandi Eliya, ne bhandi Yeremia, nolo mwisyabho we bhahangizi. ¹⁵ Alabhabhuzya mukubha alimwe mukuhayanga ndinde? ¹⁶ Simoni Petro alayomba oti obhe uli Kristu mwana we mwaMungu oyo ali muhanga" ¹⁷ Yesu alamwitabhila ne alamubhwila oti uliwebhufuhulwe obhe Simoni BarYona, kulwekubha magazi ne mubhili gata gatakufundukulile agane alahe Dada wane we mwilunde ngenoyo akufundukulila. ¹⁸ None nekukubhwila oti obhe uli Petro, ne higulya yelyane itale ndakaizengulaho Eklezia yane, ne mizigo ye kuzimu italakaikinda nguzu. ¹⁹ Nkukuha obhe mfungulo zye bhwami bhwe mwilunde.ne tyesyosyona esyo ulakasyegeka aha munsi silakabha syegekwe ne mwilunde, nekandi esyo ulakasigula aha hansi silakabha sigwilwe ne mwilunde." ²⁰ Ngenaho Yesu alabhakemezya bhahemba bhamwe kumubhwila muntu tyoyowone oti awe nge Yesu. ²¹ Kufuma makanza agone Yesu alabhukizya kubhabhwila bhahemba bhamwe oti yekwendelwa azye Yerusalemu, ne kwagalazibhwa kumihayo minki mumabhoko ge bhanampala ne bhakulu bhe bhagabhizi sihamwi ne bhandisi, ne kwihagwa ne kulusiku lwekasatu kuzyoka. ²² Ngenaho Petro alamupilimya Yesu mukapuzyo alandya kumukemezya nekuyomba oti mukama ogwanemuhayo kutakugemeka kukwizako nehado. ²³ Alahe Yesu alamupilukila Petro nekumubhwilamukubha oti "subhanumayane syetani obhe! kulwekubha ulisiki lye kwikumpa kwone kulwekubha utekugiganika ge Mungu alahe wekwiganika gebhantu." ²⁴ Ngenaho Yesu alabhabhwila bhahemba bhamwe, muntu tyoyowona oloekwenda kunilondezya yekumwendela ikemezye mwenekili, abhusye musalabhagwamwe anilondezye. ²⁵ Kulwekubha oyoekwenda kusizya bhukanga bhwamwe alakabhubhuzya, ne kutyoyowona oyo ekubhubhuzya bhuhanga bhamwe kungokoyane alakabhulokola. ²⁶ Ne nsolobho si eyo enkapandika muntu olo alapandika bhweleloyona hanuma alabhubhuzya bhuhanga bhwamwe? nekandi muntu enkahelasintusi abhone kubhulokola bhuhanga bhwamwe? ²⁷ Kulwekubha mwana we muntu alakizya mwikuzyo lyemwa isye ne lye bhamalaika bhamwe ngenaho alakamuha mpela kilamuntu kwingana ne vigemo vyamwe. ²⁸ Nhana nekubhabhwila oti bhalihobhantu abhobhimilile sihamwininu abhobhatalakabhonzya kufwa kuhika bhalakabha bhamubhona mwana we mwa Adamu akwiza mubhwamibhwamwe.