¹ Mulusiku olyone Yesu alapuna kaya ne alazya kwikalisya hampelo ne nyanza. ² Bhantu bhinki bhalamwibhilingilako alingila mubhwato alikalisyamo. ³ Ngenaho alalomelanabho mihayominki muvigemenkezyo alayomba mukubha oti mubhibha mbuto alabhuka kubhibha. ⁴ Ahoalimo mukubhibha mbuto zimwi zilalagalila hampelo ye nzila ne noni ziliza zilazilya. ⁵ Mbuto zindi zilalagalila hidalafuma,kulwe kubha bhulonko bhwali bhudo. ⁶ Aho izyobha lyasebha zilosibhwa, kungoko zitabhanga ne mizi, ziloma. ⁷ Mbutozindi zilalagalila mumiti zyemigwa nemigwa galazivigilizya. ⁸ Mbutozindi zilalagalila habhulonko bhusoga zilazyala visumo zindi igana zindi makumi mukaga zindi makumi asatu. ⁹ Oyoalinematwi gekwimvwa ne imvwe. ¹⁰ Bhahemba bhamwe bhaliza bhalamubhuzya oti nekusi wekuyomba ne bhantu muvigemenkezyo?” ¹¹ Yesu alabhitabhila alabhabhwila oti nekuyomba nabho muvigemenkezyo kulwekubha imwe mulibhuhebwe kugamanwya ge mukapuzyo ge bhwami bhwemwilunde alahe abhe bhatali bhuhebhwe. ¹² kulwekubha tyoyowona oyo alinesintu alakongezibhwa ne sindi ne oyoatalinesintu alakatazibhwa nesyo alinasyo. ¹³ Kulweyo ngenahe nekuyomba nabho kuvigemenkezyo oti olobhakulinga bhatakabhona sintu ne olobhakwimvwa bhatakagamanwya. ¹⁴ Nebhuhangizi bhwemwa Isaya bhulabhabhwahikilizibhwa kuwabo mukuhaya oti kwimvwa ukwimvwa alahe mutakugitegelezya byo nekulinga mukulilnga alahe kkbhona mutakubhona byo. ¹⁵ Kulwekubha mizo zyebhantu abhane zilibhugune ne lizima lilimo nahe ne bhazibhamatwi ne minsogabho bhalibhugahunizye oti bhatakiza kubhona kuminsogabho nolo kwimvwa kumatwi gabho nolo kwitegelezya mumizo zyabho nekupiluka none nabhasizye.' ¹⁶ Galine bhufuhulwe minsoginu kulwe kubha gekubhona; nematwiginu kulwekubha gekwimvwa. ¹⁷ Alahenekubhabhwila mukubha oti bhahangizi bhinki ne bhatungilizya bhalinenkumbu kulumuno kuibhona eyane mwekuibhona alahe bhatalaibhona, bhalabha ne nkumbuyekwimvwa yonane eyomwekuimvwa alahe bhatalayomvwa. ¹⁸ Kulwagone gona mudegeleke sigemenkezyo sye mubhibhi we mbuto. ¹⁹ Muntu tyoyowona oyo ekwimvwa muhayo gwe bhwami bhwe mwilunda ne atekugwitegelezya oyone nge mubhi syetani akwizanga nekusipulamo esyo silahambwa mumwizo gwemuntu, oyone eyane ngembuto eyo ilasamukila hihi ne nzila. ²⁰ Oyo alasamukila hitale oyone ge muntu oyo akugwanukulanga muhayo gwe Mungu ne bhuyegi bhukulu. ²¹ Nawe atali ne mizi mukatiyamwe alahe akwiyomelezyanga ikanza linhi olo makoye galigela kulwemuhayo alikumpa nekwikumpa. ²² Oyo alasamukila hakati yemigwa ngoyo akwimvwanga muhayo gwe Mungu alahe makoye ge mubhwelelo ne bhwibhehi bhwe bhusabhi bhukugutinganga ogwo muhayo gutiza kubhuta visumo. ²³ Oyo alahabhwa habhulonkobhusoga ngoyo akugwimvwanga muhayo nekugwitegelezya oyone ngoyo akubhutanga visumo umwi igana,undi makumi mukaga, neundi makumi asatu.” ²⁴ Alabhaha sigemenkezyosindi alayomba oti bhwami bhwemwilunde bhwekwikolanizibhwa ne muntu oyo alahamba mbuto nsoga mumugunda gwamwe. ²⁵ Alahe bhantu bhalabha bhalala mwikuvi wamwe aliza alahambamo nanda mukati ye ngano alazya. ²⁶ Ilabha aha ngano zyabhukiza kumela ne mukubha aha zyakula ne zilela zilafumbukamo ne nanda. ²⁷ Hanuma basese bhe mwenekili ilale bhaliza bhalamubhwila mukubha oti Mukama utalabhibha mbuto nsoga mumugunda gwako? Ali nanda zye ngano nazye zyafumahahe? ²⁸ Alabhabhwila oti mwikuvi ngoyo agemile agane bhasese bhalamubhwila oti wekwenda tuzye tugadubagule?" ²⁹ Mwenekili ilale alayomba oti yaya olomulazyakugadubagula ngano zyekazilanizyamo nazyene. ³⁰ Nemugaleke gakule gonane kuhika mwikanza lye makesa ndakabhabhwila bhakesi oti nemuzidubulemo mbela nanda zye ngano muzibhohe vibhavibha muzyosye mumulilo ngano muzipone munkunguku yene."" ³¹ Alabha bhwila sigemenkezyo sindi alayomba oti bhwami bhwe mwilunde bhwekwikola ne luzuma lwe haradali olwo alalusola muntu ne alalubhibha mumugunda gwamwe. ³² Luzuma olwa neludo kukila nzuma zye mbuto zyona alahe olo ilamela ne kukula mutigwahe ne mukulu kukila miti yonane yemisoma eyo ilimubhusitani kuhika nenoni ezyo zikulalanga higulya ziliza kubha zikutuzya mumatabhazi gagwo." ³³ Yesu alabhabhwila sigemenkezyo sindi alayomba bwami bhwemwilunda bhwekwikpla ne mwambilo ogwo mukima yumwi alagusola ne kugutula mungelo isatu zye bhufuma kuhika bhwona bhulabhila. ³⁴ Mihayo eyaneyona Yesu abhabhwilanga bhantu muvigemenkezyo ne oloitalimuvigemenkezyo atalagemeka kubhabhwila muhayo tyogwogwona. ³⁵ Guhikilizibhwe muhayo ogwo gulayombwa nemuhangizi oti nkugwasamya mulomogwane muvigemenkezyo nekuilomela eyoye mukapuzyo kufumilila kubhumbwa kwe bhwelelo." ³⁶ Ilabhaaho Yesu alitahya ne bhantu alazya alingila munumba; bhahemba bhamwe bhalamuzyako ne bhalamubhuzya mukubha oti utufubholele sigemenkezyo sye nanda zye ngano. ³⁷ Nawe alabhitabhila alayomba oti mubhibhi we mbuto nsoga nemwana we muntu. ³⁸ Mugunda ne bhwelelo mbutonsoga ne bhana bhe mubhwami; ne nanda zye ngano gebhana bhe mubhi syetani mwikuvi oyo alazibhibha nge syetani ³⁹ Limbula ne muhelo gwe nsi bhimbuzi ne bha Malaika. ⁴⁰ katiomwo nanda zikubhilingagwa nekwosibhwa malilo ngenomwo ilakabha kulusiku lwe muhelo. ⁴¹ Mwana we muntu alakabhatuma bhamalaika bhamwe ,nabhe bhalakagadubagulila mubhwamibhwamwe masikigona nebhonane abho bhakubhezyanga mabhi. ⁴² Nabhe bhalakabhavugumizya mulina lye maliloganantazima,ne kulakabhayo kupondoka nkungwi ne kusyelezya mino. ⁴³ Ngenaho bhatungilizya bhona bhalakalabhagila kati izyobha mubhwami bhwe mwisabho oyo alinematyi gekwomvwa ne omvwe. ⁴⁴ Bhwami bhwe mwilunde bhwekwikola ne nsabho yabhuibhise mwilale. Aho muntu aibhona, alayibhisa. Ne mubhwihalale bhwamwe alazya alaguzya vintu vyamwe vyona, alazya alaligula elyo ilale. ⁴⁵ Kandi bhwami bhwe mwilunde bhwe kwikola ne musuluzya we kukobha lulu nsoga; ⁴⁶ Aho amala kuibona lulu ya nsabho ninki, alazya alaguzya vintu vyamwe vyona, alaigula. ⁴⁷ Nekandi bhwami bhwemwilunde bhwekwikola ne ikokolo elyo lilatagilwa munyanza nekandi lilakokola vintu vye mbikanambika. ⁴⁸ lilabha lyokala bhalalikwesela hamwalo ne bhalikalisya bhalavilahulamo visoga vyonane vibhi bhalavivugumizya hale. ⁴⁹ Ilakabha namuna eyone kulusiku lwe muhelo bhamalaika bhalakiza ne kubhalekanya Bhabhi kufuma kubhasoga. ⁵⁰ Nekubhatagila mulina lye malilo eyo kulakabhayo nkungwe ne kusya mino. ⁵¹ Agane magambo gona mwagamania? Bhahemba bhamwe bhalazumya"Ee twamania." ⁵² Ahone kandi Yesu alabhabhwila, "Mwandisi tyoyowona oyo abhele muhemba we bhwami ekwikola ne munakaya oyo akupunianga muhazina yamwe vintu vihyahya ne kale". ⁵³ Ilabha aho Yesu amala ezyone migelegenzo zyona alapunaho ahone. ⁵⁴ Yesu alabha ahika musyalo syamwe alabhalangisya bhantu mwi sinagogi.Bhantu bhalakumya bhalayomba oti "Oyayane muntu alapandikila hahe obhwane bhwenge ne makumyo agane? ⁵⁵ Oyane muntu atali mwana woyilya muselemala? Mariamu atali nina wamwe? ne bhaduguye bhatali Yakobho, Yusufu, Simoni ne Yuda?. ⁵⁶ Ne bhalumbuye tutali nabho ahane hawitu?Nge kuyomba oyane muntu agabhona hahe agane gona?". ⁵⁷ Alabhasyahazya. Alahe Yesu alabhabhwila, "Nabii atankubhulwanga isima lelo wabho ne munsi yabho isima litaliho. ⁵⁸ Ne atalabhezya makumyo minki kungoko bhatamuzumyanga.