¹ Mwelyone ikanza Yesu alazya ne alahita mumigunda ye ngano ne lwali lusiku lwe sabhato, bhahemba bhamwe bhaline bhutamo bhalabhukizya kuhulula [masuke] ge ngano bhalabhabhakugalya. ² Bhafarisayo bhalabha bhabho namuna eyone bhalamubhwila oti bhahembabhako bhakila muzilo bhagema ago gatali bhuzumilizibhwe kulusiku lwe sabhato" ³ Alaheawe alabhabhwila, "oti mutakusomanga eyo alagema Daudi sihamwi ne bhisyamwe aha ali ne bhutamo? ⁴ Kati omwo alingila munumba ye mwa Mungu alasola mikate eyo yali ilatangilwe kulwe bhagabhizi tuhu, nekwawe yali muzilo kuilya? ⁵ Nolo mutakusomanga musilagilo oti hasabhato bhagabhizi mwisalililo bhakukenagulanga sabhato, nekandi Bhabha bhatali ne kabhi? ⁶ Nekubhabhwila oti ahane aliho mukulu kukila isalililo. ⁷ Olo mubhe mwekumanwya mukubha muhayo ogwa gwekulondasi oti nekusima kwibhela bhwila ntekusima sitambo mutabhe mwekubha hukumu abho bhatali ne kabhi, ⁸ Alahe nekubhabhwila oti mwana we muntu nge mwenekili sabhato.” ⁹ Yesu alabha avwayo alazyakwingila mwisalililo lyabho. ¹⁰ Aliho muntu webhulemale kubhoko bhafalisayo bhumuja Yesu oti yekuzumilizibhwa kusizya kulusiku lwe sabhoto?" Bhakukobhelaho mbuki yekumusitaka kulwe kukila muzilo. ¹¹ Yesu alabhabhuzya oti nende kwimwe oyo aline ntama imwi neyo ntama ilachombokela mwichongo kulusiku lwe sabhato oyo atenkaikwesamo mwelyolina? ¹² Muntu atali mukulu kukila ntama? kulweyo gutaliho muzilo kubhezya mihayo misogi kulusiku lwe sabhato." ¹³ Alamala alamubhwila oyone muntu oti golola kubhokokwako nawe alakugolola; nakwe kulasila kulabha kati okwo kundi. ¹⁴ Alahe bhafalisayo bhalapuna helu ne bhalatolana kamwihagile bhalazya helu kubhezya magambo gandi kungoko yamwe. Kulwekubha bhakobhanga kamwihagile. ¹⁵ Alahe yesu alamanwya bhutolani bhwabho, alafumayo alazya; bhantubhinki bhalamulondezya alabhasizya bhonane. ¹⁶ Nawe alabhakemezya bhatakamukumusya. ¹⁷ Gulahikilizibhwa ogwo gulayombwa ne muhangizi Isaya oti, ¹⁸ Mulinge muzyana wane oyo namulahula musimwa wane mwawe bhuhanga bhwane bhwayezibhwe; nkumutulila mwizo mutakatifu gwane higulya yamwe nawe akubhabhwila ye hukumu bhanamahanga. ¹⁹ Atalakihalalika nolo atalakayoganwya nolo silakasyamwe sitalakimvwilikana munzila ²⁰ Atalakalivuna idete lyebhukubhulwe atalakazimya lutambi tyolwolwona olwo lwekuzila mukuzima kuhika alakaleta hukumu kukinda. ²¹ Ne bhana mahanga bhalakalisagililwa izina lyamwe. ²² Bhalabha bhamuletela muntu muhofu nekandi ali simumu,nawe alamusizya alabhukizya kubhona ne kuyomba. ²³ Ne bhantubhonane bhaladedebhala bhalabha bhakuyomba oti oyane enkabha mwana we mwa daudi?" ²⁴ Alahe bhafarisayo bhalabha bhimvwa ogwane gwekukumya bhalayomba oti oyane atekubhinga misambwa kunguzu zyamwe ekubhinga kunguzu zye mwa Beelzebuli mukulu we misambwa. ²⁵ Yesu alabhamanwya miganikogabho alabhabhwila mukubha oti bhutemi tyobhwobhwona olo bhulatagana bhukubhihanga ne numba tyeyoyona olo ilatagana italakimilila. ²⁶ Oloikabha musambwa gwekwibhinga agwene mwenekili bhwami bhwagwo bhulakimilila katyani. ²⁷ None oloikabha nekubhinga misambwa mubhudula bhwe Beelzebuli ali bhanabhinu bhakubhinganga kubhudula bhwemwa nde? Kulweyo bhakubha bhahakimu bhinu. ²⁸ Ne olonkabha nekubhinga misambwa kunguzu zye mwizo mutakatifu bhwami bhwemwilunde bhwahikile hawinu. ²⁹ Ne muntu enkadula tyanikwingila munumba ye muntu wenguzu nekwibha olo atamubhohile mbela oyo muntu we nguzu?ngenaho enkibha vintu vyamwe. ³⁰ tyoyowona oyo atali kulwande lwane ne mwikuvi wane; ne muntu oyo atekubhilinga sihamwi none akusambazyanga. ³¹ Kulweyo nekubhabhwila mukubha oti bhantu bhalakabhelwa bhwila mabhingona ne bhutukani bhwona alahe hakumutuka mwizo mutakatifu bhatalakabhelwa bhwila. ³² Netyoyowona oyo alakayomba muhayo gwe kumugailizya mwana we mwa Adamu elyone alakabhelwa bhwila . alahe hakumuyomba kubhi mwizo mutakatifuoyone atalakabhelwa bhwila mu bhwelelo obhwa nolo obhwo bhwekwiza. ³³ Nolo nemugubhezye muti kubha musoga ne visumo vyagwo kubha visoga nolo nemugubhezye muti kubha mubhi ne visumo vyagwo kubha mubhi oko muti tyogwo gwona gukumanikanga kuvisumo vyagwo. ³⁴ Imwe bhuzyele bhwe mabhambahili mwekadula tyani kuyomba mihayo misogi eno imwe mulibhabhi? Kulweyo eyoili mumizo ngeneyo mulomo gukuiyombanga. ³⁵ Muntu musoga musibhikilo sisoga akupunwyanga misogi musibhikilo sye mwizo gwamwe ne muntu mubhi musibhikilo sibhi akupunwyanga vibhi. ³⁶ Alahe nekubhabhwila mukubha mulusiku lwe hukumu bhantu bhalakagupunwya kila muhayo ogwo gutali ne nsolobho ogwo bhalayomba. ³⁷ Kulwekubha mumihayoyako ulakapetelwa bhutungilizya ne mumihayoyako ulakapandika hukumu.” ³⁸ Ngenaho bhandisi sihamwi ne Bhafarisayo bhalamubhwila oti mulanzya twekwenda kubhona simanikizyo kufuma kwobhe. ³⁹ Alahe alasuvya alabhabhwila oti sizyele sibhi ne sye bhusihya syekukobha simanikizyo alahe sitakuhebhwa sikusontelwa simanikizyo sye mwa Yona. ⁴⁰ Oko katyomo Yona alabhamo nsiku isatu bhwile ne izyobha mu nda ye nsamaki ndazi ngenomwo mwana we muntu alakabhamo nsiku isatu bhwile ne izyobha mukati ye nsi. ⁴¹ Bhantu bhe Ninawi bhalakimilila lusiku lwe hukumu sihamwi ne sizyele esya, ne bhalakasiletelezya kupandika hukumu kulwekubha bhalakubha mabhi gabho kulwekuhangizibhwa ne Yona nekubha mukulu we kumukila Yona aliho aha. ⁴² Mwami mukima we dakama alakimilila kulusiku lwe hukumu sihamwi ne sizyele esya ne alakasiletelezya kupandika hukumu, kungoko Aliza kufuma hampelo ye nsi kukobha kwimvwa ne kubhona bhwege bhwemwa Solomoni ne kubha mukulu we kumukila Solomoni aliho aha. ⁴³ Musambwa mubhi olo gulamuvwako muntu gukuzyanga gukukobha lubhahi olwo lutali ne minzi gukukobha kwihumunsya ne gutakuhabhonanga. ⁴⁴ Ngenaho gukuyombanga oti nkusubha munumbayane eyo nabhangamo olo gulahika gulaisanga ilibhuhyagilwe ne kubhegelezibhwa. ⁴⁵ Ngenaho gukuzyanga gulabhilinga misambwa indi musamvu mibhi kukila agwe naye iliza ilingila ne kwikalamo; ne nkaliloyemuntu oyone ikubhanga mbi kukila omwoalikale. Ilakabha otine nehasizyalile esyane sibhi. ⁴⁶ Ahaaliasyalomelane bhantu Aliza nina sihamwi ne bhaduguye bhakukobha kulomela nage. ⁴⁷ Muntu umwi alamubhwila oti noko nebhaduguyo bhalihoahohelu bhekukobhakulomela nanko". ⁴⁸ Alahe awe alamubhwila oti Yayowane nende ne bhadugubhane nebhande?” ⁴⁹ Nawe alagololakubhoko kubhasonta bhahemba bhamwe alayomba oti ulinge Yayowane nebhadugubhane ngabha. ⁵⁰ Oko tyoyowona oyo akugemanga eyoalibhusime mukama we mwilunde oyone nge muduguwane ne ilumbulyane ne yayowane”.