¹ Neilabha oti Yesu aha amalakubhalagila bhahemba bhamwe ikumi nabhabhili alavwayo ne alazya kulomela muvyalo vyabho. ² Ne Yohani alimwibhohelo alabhainvwa vigemwa vikulu vye mwa Yesu alabhatuma bhahemba bhamwe bhabhili. ³ Bhalabhabhahikayo bhamubhuzyaoti obhe nguli oyo alayombwa ekwiza ninga tumulindilile undi? ⁴ Yesu alabhabhwila oti nemuzye mumubhwile Yohani yonane eyo mwimvwa eyo mwaibhona. ⁵ Oti bhahofu bhekubhona ne bhalema bhekutumbagila ne bhe mbizi bhekwezibhwa bhebhuzibhe matwi bhekwomvwa bhebhufwe bhekuzyoka ne bhahabhi bhekulomelwa mihayo ye mpola. ⁶ Alibhufuhulwe muntu oyo atekwiganulizya kungoko yane. ⁷ Ilabha aha bhantu bhabhuka kuzya Yesu alabhukizya kubhabhwila mpola zye mwa Yohani oti mulazya mwihala kulingayo si idetelikutinginibha ne muyaga? ⁸ Alahe mwali mulazya kulinga si? Muntu webhwambale myenda mifuke? Bhantu bhemyenda mifuke bhakwikalanga munumba zye Bhami. ⁹ Alahe mulazyakubhona mande? Alahe mulazya kubhona muhangizi? Nekubhabhwila oti oyone ekukila muhangizi. ¹⁰ Ngenoyo yilandikwa mukubha oti ulinge nekumutuma mutumwa wane mubhutonzi bhwe minsogako oyo alakaibhegelezya nzilayako mubhutonzi yako. ¹¹ Nekubhabhwila nhana oti mwabho bhalazyelwe ne bhakima ataliho mukulu wekumukila Yohani mubhatizya. Alahe oyoalimudo mubhwami bhwe mwilunda nemukulu kumukila. ¹² Kufumilila munsiku zye mwa Yohani mubhatizya kuhika mpaka bhulelo bhwami bhwe mwilunde bhukwingilangwa kunguzu ne bhe nguzu nge bhalakabhukwata. ¹³ Kungoko bhahangizi bhonane ne silagilo bhalahangila mpaka mwa Yohani. ¹⁴ Olomukabha mwekuzumya kugwanukula ogwane muhayo ilyoti oyane nge Yohani mubhatizya oyo alahaibha oti ekwiza. ¹⁵ Oyo alinematwi gekwimva ne omvwe. ¹⁶ Obhwane bhuzyele nkubhwikolanizya nesi? Bhwekwikola ne bhana abho bhali mwigolilo bhakwisinwya eno bhakubhalanga bhisyabho. ¹⁷ Bhakuyomba oti twabhafulila mpembe mutekutuma; twapondoka nkungwi nahene mutekulila.' ¹⁸ Kulwekubha Yohani Aliza atekulya nolo kunwa balabha bhakuyomba oti aline misambwa.' ¹⁹ Mwanawe muntu Aliza akulya ne kunwa bhalayumba oti ali ne ihuhu nekandi ne mukolwa we bhusele nekandi ne munwaniye we bhatangisya bhe bhushuru ne bhe mabhi Alahe bhwengelele bhukumanikanga mwevyo vyekugemwa." ²⁰ Ngenaho alandya kuvitkagula vyalo evyo yekukumya minki alaibhezyamo alahe bhatalakubha mabhi gabho. ²¹ Nelwako kolazini Nelwako Bethsaida! olo vigwemwa vikulu namuna eya vyenkagemilwe Tiro ne Sidoni bhabhe bhalakuvile mabhi gabho kale mukwambala magunila ne kwisiga mavu. ²² Alahe nekubhabhwila oti ilakabha hambuhambu kwe vyo vyalo vye Tiro ne Sidoni kulusiku lwe hukumu kukila imwe. ²³ Obhe Kapernaumu oyo ulahanikwe higulya kwegelela mwilunde ulahangulwe ne kutagilwea mumalilo ganantazima; oko olo agane gonane genkagemilwe mu Sodoma ibheiliho [mpaka] bhwalelo ²⁴ Nekubhabhwila oti mu nsi ye Sodoma ilakabha hambuhambu mulusiku lwe hukumu kukila kwobhe. ²⁵ Mwelyone ikanza Yesu alandyakuyomba oti nekukukumilizya obhe mukama we ilunde ne nsi kulwekubha ulabhabhisa eyane mihayo bhebhwengelele ne ulabhafundukulila bhana bhado bhaimanwye. ²⁶ Ngotine Bhabha kulwekubha ngomwo ilakutogesya muminso gako. ²⁷ Yonane naihebhilwe ne Bhabha; ataliho oyo alibhumumanwye mwana ne isye tuhu ne ataliho oyo alibhumumanwye isye alahe nemwanawamwe tuhu ne tyoyowona oyo ekutogwa kumufundukulila. ²⁸ Mwize kuwane bhonane abho mulagalele ne bhe bhutimbilwe miligo none nkubhifuzya. ²⁹ Mwiyambike [ijoki] lyane ne mwilanzye kwone; oko one ndi mufula ne mwidohya mumwizo.nimwe mukubhona kwihumunsya mumizo zinu. ³⁰ Oko [ijoki] lyane ni nogoleke ne muligogwane ne mupupe.