¹ Yesu alabhalanga bhahemba bhamwe ikumi nab ha bhili alabhaha bhudula bhwekubhinga mizimu, nekusizya malwele gona sihamwi ne bhukokolo bhwe mbika na mbika. ² Ne mazina gabho bha he mba ikumi nab ha bhili ngaga, wekwandya ne Simoni [oyo izina lyamwe lindi ne Petro] ne Andrea mukuluye we mwa yakobho mwana we mwa Zebedayo ne Yohana mukuluye. ³ Filipo ne Bartolomayo. Thomas ne Mathayo mutangisya we bhushulu ne Yakobo mwana we mwa Alfayo ne Thadayo. ⁴ Simoni muna kanani ne Yuda Iskariota.ngenoyo alamuguzya habhayahudi. ⁵ Abhane ikumi nab ha bhili Yesu alabhatuma ne alabhakomelezya alabhabhwila oti mutakiza kuzya munzila zye bhana mahanga nekandi mutakiza kwingila muvyalo vye bhasamalia. ⁶ Alahe muzye tuhu muntama ntagike zye munumba ye bha Israeli. ⁷ Olo mukuzya muzye mukuyomba oti bhwami bhwe mwilunde bhwegelele. ⁸ Mubhasizye bhalwele bhembizi mbizi ibhavweko bhebhufwenabhe mubhazyosye ne misambwa muibhinge mwanukwilegele nimwe mupunwye kugele. ⁹ Mutakiza kubhusya dhahabu, nolo helatyeyoyona mumifuko zinu. ¹⁰ Nolo mifuko kulwelugendo lwinu nolo mutakabha ne nkanzo ibhili nolovilato nolo mulanga. kulwekubha mutumai akuhebhwanga silibhwa syamwe. ¹¹ Ne syalo tyesyo sosyona ne igunguli tyelyo lyona omwomulingila mubhugilizyemo oti mwenkabhonamo muntu wekubhapokela. Olo mulamupandikamo mulikalahawamwe [mpaka] mulakabha mwabhuka kusubha. ¹² Olo mulingila munumba mulabhakezya. ¹³ Olo bhantu bhe eyone numba bhekuzumyamwikalemo mpola yinu mulailekaho olo oti bhatekuzumya mpolainu mulazyanayo. ¹⁴ Nekwabhobhatekubhapokela nolokugadegeleka magamboginu olomukufumamo mweyone numba nolo mwogwone muzengo mulihyagula lubhubhu lyonane hamaguluginu. ¹⁵ Nekubhabhwila mukubha oti nsi ye Sodoma ne Gomola ilakabha hambuhambu kulusiku lwe hukumu kukila esyone syalo. ¹⁶ Mulinge one nabhalagizya kati ntama hakati ye mpuge, kulweyo mubhe ne bhwenge bhakele kati nzoka ne mubhe bhafula kati nkundya. ¹⁷ Alahe mwiyangalile habhantu kulwekubha bhalaka bhafila mumabhanza ne bhalakabhahula mumasalililo gabho. ¹⁸ Nimwe mulakafilwa mubhutonzi bhwe bhanangwa ne mubhutonzi bhe bhami kusabhabhu yane kati kwi bhonelezya kwabho ne kubhanamahanga. ¹⁹ Alahe olobhalakabhafilayo mutakiza kwagalala mumizozinu oti mukuzya kuyombayo tyani kulwekubha mwikanza elyone mukhebhwa syekuyomba. ²⁰ Oko mutali imwe abhomwekuyomba alahe mwizo gwe mwa mukamawinu nge gukubha gukuyomba mukati yinu. ²¹ Ne muntu ne muduguye bhalakiyihaga ne isye ne mwana wamwe ne bhana bhalakabhihaga bhazyele bhabho. ²² Nimwe mulakabha bhantu bhekugaywa ne bhantu bhona kulwe izina lyane.alahe oyo alakiyomelezya kuhika kumuhelo ngoyo alakalokoka. ²³ Alahe bhalakabha bhabhagalazya kufuma musyalosimwi mulasamila musyalo sindi, nekubhabhwila oti mutalakavimalila vyalo vyona asyali kusubha mwana we mutu ²⁴ Muhemba atekabha mukulu kumukila isye bhuhemba nolo muzyana atenkamukila isye bhuzya. ²⁵ Muhemba enkabha te isyebhuhemba tuhu ne muzyana te isyebhuhemba tuhu, olo bhekumulanga munamugi Belzebuli, abho bhalihakayayamwe bhatakulangwa Belzebuli muno! ²⁶ Otilelo mutakiza kubhobhaha abhone kulwekubha gutaliho muhayo ogwo gulibhufundikile ogwo gutalakafundukulwa nolo ogwo gulibhwibhise ne gutalakafumbuka. ²⁷ Eyo nekubhabhwila mulizima muiyombe mumwangalazima, neyomukwinvwanga mumatwiginu muiyombe mulihigulya ye numba. ²⁸ Mutakabhobhaha abho bhakwihaganga mibhili bhatakabhane bhudula bhwekwihaga ne mwizo alahe mumwobhahe oyo akwihaganga mibhili ne mwizo mumalilo ganantazima. ²⁹ Angu namizwi ibhili zitakuguzibhwanga ne sentiimwi? Alahe itenkagwa hansi noloimwi olo isefwe atekumanwya. ³⁰ Alahe nolo misasi zye mumitwezinu zilibhupetwe zyonane. ³¹ Kulweyo mutakiza kwobhaha; imwe mwe kuzikila namizwi. ³² Tyoyowona oyo ekunizumya ne kunigongola mubhutonzi bhwebhantu none ndakamuzumya ne kumugongola mubhutonzi bhwe mwa Bhabha we mwilunde. ³³ Ne tyoyowona oyo alakanikema mubhutonzi bhwe bhantu none ndakamukema mubhutonzi bhwe mwa Bhabha we mwilunde. ³⁴ Mutakiza kwiganika mukubha ndizile kuleta mpola mubhwelelo byo alahe ndizile kuleta iyombo. ³⁵ Kulwekubha ndizile kumutaganwya muntu ne isye, ne mwana ne nina ne mwenge ne nina bhukwe. ³⁶ Ne bhe nsika ne muntu bhalakabha bhe mukaya yamwe. ³⁷ Ne tyoyowona oyoekumusima isye nolo nina kukila one atekunigelela. ³⁸ Nemuntu tyoyowona oyo atekusola musalabha gwamwe ne kunilondezya atekunigelela. ³⁹ Oyoalakabhwomelela bhuhanga bhwamwe alakabhubhuzya ne oyoalakabhubhuzya bhuhangabhwamwe kulwone alakabhubhona. ⁴⁰ tyoyowona oyo alabhakalibhisya imwe akubha anikalibhisye one ne tyoyowona oyo alanikalibhisya one akubha amukalibhisye oyo alanitumile. ⁴¹ Ne tyoyowona oyo alamukalibhisya muhangizi mwizina lye muhangizi alakanukula mpela ye muhangizi, ne oyo alamukalibhisya muntu mutungilizya alakanukula mpela ye bhutungilizya. ⁴² Ne tyoyowona oyo alakamuha minzigekunwa maneteke umwi webhana bhado abha kulwekubha ne muhemba wane nekubhabhwilaoti atalakabhulwa mpela nhana.