¹ Hamwe, bhahiri bhane (kobhoora nkushumanshande na bhano bhamanyire umwahokanio), igha omwahokanio nkobhaha ghore omonto omohoru? ² Momanye igha omokari omotetwa nabhohirwe no omwahokanio hano ukunyoranga mushasha waye omohoru atarakwa, hano yakwerwa omokari nkwibhahare kurwa mobhotetwa. ³ Bhono, hano ukunyooranga umushasha waye aho no omokari ano umushasha wonde nkobherekerware omosorare. Naho hano umushasha akure, nkwibhahare, takobha mosorarehe, aratora kwikara nu umushasha wonde. ⁴ Bhono, bhahiri bhane, bhonswe mwabhaye bhaku ko omwahokanio kohetera omobhere ughwa Kristo. Ekabha igho okore moghotanibhwi nu uwonde, ono yaryokibhwi kurwa mobhaku okore twebhoore Waryobha shehagho. ⁵ Kobhoora hano twarenge momebhere ghyeto oronamba rweto ndo rwatotore mo shehagho ishyu uruku. ⁶ Nawe bhono twatanshorwa kurwa mumwahokanio. Twakwera etemo era yatotemire, okore tobhe abhahya kohetera Enkoro, kutigha bhora yakonire kare. ⁷ Nighake toraghambe? Omwahokanio nkitimba?Terenge ighohe. Nunyora nigho tenkongoye ibhitimba, tekabhaye enshera iyo omwahokanio. Kobhoora tenkamanyire ukwighomba hano omwahokano ghokangire koghamba, "Otakaighomba." ⁸ Ikitimba nkyanyore umweya kobhoora ehamo yaretirwe mumaighombo. Kobhoora hano omwahokano ghwabhora ikitimba nkukwa kere. ⁹ Ko omwahokano kare hayo oni mmohoru nare, nawe ehamo iyi ibhitimba yanyoreho obhohoru, nho oni nakure. ¹⁰ Ehamo iyo na yera ekeretire obhohoru ekaisyorya kobha uruku ku oni. ¹¹ Kobhora ikitimba nkyanyore umweya ko ehamo era nokang'aina. Kohetera ehamo, iyo ekanyita. ¹² Kuigho umwahokano mohoreru, ne ehamo iyo yarenge nhoreru, eheene,ni inshiya. ¹³ Kuigho era erenge inshiya yabhaye nduku ku oni? Etakabha igho ghweki. Nawe ikitimba ukohekera kemanywe hano kyaheta mubhuya, nkyandeteye uruku. Okobheke okohetera ehamo, ikitimba nkyengeyi kobha kebhe bhokong'u. ¹⁴ Ntomanyire igha omwahokanio esemoka yagho monkoro, naho oni nabhombwa omobhere. Naghoribhwa mobhoghorwa ubhwi ibhitimba. ¹⁵ Kobhoora nkokorande, keera ntamanyire. Kobhoora keno nkutuna kokora, tenkorekorahe, rera nkorerera, ndyo nkokora. ¹⁶ Naho hano nakora rera ntakutuna nkwitabherania ngande no omwahokanio igha omwahokanio mmuya. ¹⁷ Na bhono nkoghakorande, nku kitimba keno kinyikareye. ¹⁸ Bhono nimanyire igha mo mobhere ghwane, tirikwikara riyahe. Kobhoora oronamba urwi iriya nenenaro, nokanyora tendehanshirehe. ¹⁹ Nko bhoora inshiya era nhanshire tenkoyekorahe, naho rera ntahanshire ndyo nkokora. ²⁰ Bhono nyore ndakora rera ntahanshire, toni umwene nkorekorahe, nikitimba keno kyanyikara. ²¹ Nemanyire, ghweki,nenena amaitumanto kokora iriya reera,nunyora obhobhe nenenabho. ²² Kobhoora nkushengera omwahokanio ughwa Waryobha bhono amanyire. ²³ Nawe ndarora amaitumanto ghano ghatare hamwe ko omobhere ghwane. Nkunyitania bhere ko meremo ghyane. ²⁴ Oni mosorombarunde! Newe arantunguri kurwa muruku mono nde? ²⁵ Nawe umukumo ghughi ko Waryobha no Omokama weto Yesu Kristo! Bhono nighaa. Oni umwene ko maiteghero ghane momwahokano ughwa Waryobha nde. Nunyora, omobhere ghwane ngwa bhitimba.