¹ Nke toraghambe? Twikare mo bhekeno okoreke enokwe yengeri? ² Tigho he. Bheto bhano twakwereye ebhekeno, toratora ghweki kobha bhahoru kuriyo? ³ Bhono tememanyire igha bhara bhasubhwa kohetera Kristo mbasubhirwe kohetera uruku rwaye? ⁴ Ntwabhekirwe hamwe nawe okohetera isubho kuruku. Eno yakorwe kya bhora Kristo yaimokibhwi ukurwa muruku kohetera obhohoreru ubhwa Tata, okoreke bheto totore koghenda no obhohoru bhohya. ⁵ Mbono twarenge toghotanibhwi hamwe nawe ko kerengyo ikyo uruku rwaye, ghweki ntoreghotanibhwa kokoryoka kwaye. ⁶ Bheto ntomanyire igha, obhohene bhweto ubhwa kare mbhwahkanibhwi hamwe nawe, kukughira yo omobhere oghwe ebhekeno ghosaribhwi. Reno ndyaishire kukughira totakaghenderya kobha abhaghorwa abhe ebhekeno. ⁷ Umwene ono yakure yakorwe igho kokoreng'anya ne ebhekeno. ⁸ Nawe nyore torakwa hamwe na Kristo, tuitabheri igha nturikara hamwe nawe. ⁹ Ntomanyire igha Kristo yaryokire kukurwa mobhaku, ghweki te mukuhe.Uruku terore mobhahahe. ¹⁰ Nkobhora ko eng'ana yu ruku rono yakure ko ebhekeno, yakure kamwe igho kukughira (ya) bhoonswe. Ghweki, obhohoru bhono aikaye, naikaye kukughirya iya Waryobha. ¹¹ Konshera iyo, bhenyu nho mwabhareywe kobha abhaku abhi ibhitimba, enkagha iyo ko Waryobha mbahoru more kohetera Yesu Kristo. ¹² Ku kughira iyo otakahaterya ibhitimba bhekobhahe okoreke otore kwitabherya oronamba rwaye. ¹³ Otakaitabherya kobha mubhitimba kye ebhento bheno bhetana obhohene, irusya wihire umwene ko Waryobha, kya bhara bhakwa naeno mbana obhohoru. Ghweki mwahore emebhere ghenyu kye ekento ikyo obhohene ko Waryobha. ¹⁴ Motakaitabherya ikitimba kebhabhahe. Kobhora temorenge nse yo omwahokanyo, morenge nse ye enokwe. ¹⁵ Nigha bhono? Tokore ibhitimba ko bhora tetorenge hanse yo omwahokanohe, ntorenge ko enokwe? Tigho he. ¹⁶ Temomanyire igha okobha ku umwene ono mukwirusya abhene kya abhakori abhe emeremo eno bhenyu morabha bhakori bhaye, ono mukutunwa momosoke? Eno ne hene nokanyora bhenyu mbaghorwa abhi ibhitimba bheno bhikukuhira muruku hamwe mobhoghorwa ubhwe esoko eno ikukuhira mobhoronge. ¹⁷ Mbuya Waryobha aghongwe!Kobhora mware abhaghorwa abhi ibhitimba, naho mwasoka kurwa monkoro era kuryegho reno mwanyora. ¹⁸ Mwakorwa abhahoreru kukurwa mubhitimba, mwakorwa abhaghorwa abho obhoronge. ¹⁹ Ndashumansha kyo omonto kukughira yo obhoro bhwenyu, kya igho bhuyo ere,bhono mwirusi mobhe abhaghorwa abho obhohene ko ikimwenso. ²⁰ Hano mwarenge abhaghorwa abhi ibhitimba, mwarenge abharabhu (na) abhahene. ²¹ Ko enkagha iyo mwarenge ne ehaghoke ko amang'ana ghano ko bhono moraghasokera? Kobhora mwarora amang'ana ghayo nduku. ²² Naho ko bhora bhono mwakorwe bharabhu mwabha hare ne ibhitimba mwakorwe abhaghorwa abha Warybha, mmona ehagho kukughira yi ikimwenso. Eng'ana eno no obhohoru ubhwa bhokora. ²³ Kobhora amahakwa aghu ibhitimba nu uruku, nobhotoro ubhwa Waryobha no obhohoru ubhwa bhokora kohetera Kristo Yesu Omonene weto.