¹ Bhono nke toraghambe? Toghenderi mubhitimba okore enokwe yongeri? ² Tighohe.Bhono bheto bhono twakwera mubhitimba, ghweki toratora komenya igho? ³ Moratora komanya igha bhaara bhasubhwa kohetera Kristo mbasubhirwe kohetera uruku rwaye? ⁴ Ntwabhekirwe nawe kohetera isubho yu uruku. Ekabha igho kya bhoora Kristo yaimokibhwi kurwa umuku kohetera obhohoreru ubhwa Tata, okore na bheto no obhohoru obhohya. ⁵ Kobhoora oranyore twaghotanibhwa hamwe nawe ko kerengyo ikyu uruku rwaye ghweki tokaghotanibhwa mobhoryokyo bhwaye. ⁶ Bheto ntomanyire igha, etemo yeto iya kare yaghambanibhwa hamwe nawe,okore ibhitimba bhiturweko. Totakabha abhaghorwa abhi ibhitimba. ⁷ Umwene yakure koheene koreng'ana ni ibhitimba. ⁸ Naho nyore ntwakure hamwe na Kristo, Toraitabheerya igha ntoremenya hamwe nawe. ⁹ Ntomanyire igha Kristo yaryokibhwi kurwa mobhaku, nigha ghweki timukuhe.Tarekyora kukwahe. ¹⁰ Nigha ko ng'ana yu uruku rono yakure urwi ibhitimba, yakure kamwe igho kughirya ya bhoonswe. Nunyora tigho obhohoru bhono aikaye, naikaye kughirya ya Waryobha. ¹¹ Kukughirya iyo bhenyu bhoonswe mwibhare mbaku more kohetera ibhitimba, nawe ko Waryobha mbahoru more kohetera Kristo Yesu. ¹² Ku kusesoro iyo bhenyu bhoonswe mwibhare mbaku more kohetera ibhitimba bhekobhahe tighana no oronamba. ¹³ Otakatabhora omobhere ghwaho kughya mubhitimba irusyamo umwene kohetera Waryobha, kya bhano bhamenyire kurwa muruku motore emebhere ghyenyu moheene iya Waryobha. ¹⁴ Motakaitabherya ibhitimba bhebhabhahe. Kobhoora temorenge momwahokanio, morenge mo nokwe. ¹⁵ Bhono nke? Tokore ibhitimba kobhoora tetorenge mo mwahokanio he?Tigho he. ¹⁶ Temomanyire igha nkwirusya more kumwene kya abhabhaghati uwe morenge abhabhaghati bhaye, ono mukutunwa momosoke? Ko heene eno morenge mbaghorwa abhi ibhitimba bheno bhekobhahira mobhaku ¹⁷ Nawe aghongwe Waryobha! Kobhoora mbaghorwa abhi ibhitimba mwarenge, bhono mwaitabherya kurwa monkoro yenyu ko bhono mweghibhwa. ¹⁸ Mwaibhahibhwa kurwa mubhitimba, mwakorwa abhaghorwa abhe eheene. ¹⁹ 19 Nkushumanshande kyo omonto kughira yo obhorosu obhwe emebhere ghenyu. Kobhoora kigho mwirusiri emebhere ghenyu kobha abhaghorwa abhanyanku na abhasarya, ku bhuyo bhuyo, bhono mwirusi kobha abhaghorwa abhe eheene ko kosendorwa. ²⁰ Ko bhono mwarenge abhaghorwa abhi ibhitimba, mbaibhahi mware hare ne eheene. ²¹ Ko nkagha eno, mwarenge ne ehagho ko mang'ana na bhono nkoghasokera more? Na keno kekusha kobha nu uruku. ²² Nawe bhono mwibhaha kurwa mubhitimba ghweki mwakorwa ko Waryobha, mmona ehagho kughira yo okomwenswa. Mobhe no obhohoru bhwa bhokora. ²³ Kobhoora ehako iyi ibhitimba nu uruku, ni ituho ya Waryobha no obhohoru ubhwa bhokora kohetera Omokama weto Yesu Kristo.