¹ Kobhoora twabharwa eheene kohetera umughiro, ntona omorembe na Waryobha kohetera Omokama weto Yesu Kristo. ² Okohetera kowe bheto bhonse ntona umweya kohetera umughiro ghono ghukutwimerya. Nkushomerwa tore kohetera ukwitengera kono Waryobha akotoha kohetera obhohoreru bhwa Waryobha. ³ Ti riyo iryenehe, naho ghweki nkushomerwa tore munyangi yeto. Ntomanyire igha inyanyi yo ekwebhora obhoghomerya. ⁴ Obhoghomerya mbho bhokwebhora obhokare, ghweki obhokare bhorebhora obhoghomerya. ⁵ Ubhokare bhono tebhokwita nkorohe,kobhoora obhoghonshe ubhwa Waryobha mbwahomwa moshenkoro shyeto kohetera Enkoro Ehoreru, ono twahaywe. ⁶ Kobhoora hano twarenge bharosu, ko enkagha ihiku Kristo yakure kughirya ya abhasarya. ⁷ Kobhoora nerabhe bhokong'u uwomwe kukwa kughira yo omonto omoheene. Nukughira igha hamwe omonto akakarehire kukwa kukughira yo omonto. ⁸ 8 Nawe Waryobha yaiyorokya obhohanshe bhwaye ko bheto, kobhoora hano twarenge abhi ibhitimba, Kristo yatukwereye kughirya yeto. ⁹ Ghweki koghoonswe ghayo kobhoora twabharwa eheene kohetera amanyinga ghaye, nturitunguribhwa kuriyo kurwa ko obhoreru ubhwa Waryobha. ¹⁰ Kobhono nyore, hano twarenge bhabhisa, ntwaghotanibhwi na Waryobha kohetera uruku urwa omona waye, ghweki hano twisa koghotanibhwa nturitunguribhwa ko obhohoru bhwaye. ¹¹ Tigho ahene he, ghweki nkushomerwa tore ko Waryobha kohetera Omokama Yesu Kristo, okohetera we ono twaghotaniriwa bhono. ¹² Ku igho bhono, nyore okohetera omonto omwe ebhitimba bhekasoha mukyaro, kohetera hano uruku ndwishire kukwa mubhitimba, ghweki uruku rokanyaraghana ko bhanto bhoonswe bhoora bhoonse mbakore ibhitimba. ¹³ Kobhoora nunyora numwahokanio ibhitimba mbyarenge mukyaro,nawe ibhitimba tebhekobharwa enkagha omwahokanio ghotaho. ¹⁴ Nunyora nigho, uruku ndwabhahire kurwa kusha ku Musa, nunyora nko bhara wanyore bhatakore ibhitimba kya ukwanga kwitabheerya ukwa Adamu ono yabhaye ekerengyo uwa ora akaishire. ¹⁵ Naho nunyora nigho, ituho iya bhosa tereng'aini na risoro. Kobhoora nyore kwirisoro iyo omwe abhaaru bhakwa enokwe iya Waryobha ne enokwe iyo omonto omwe Yesu Kristo, yengerya kobhaara. ¹⁶ Kobhora ituho terenge kya oora ukunyora okore ebhekena. Kobhoora korobhareka ronde, okokengerwa ikina ikyo uruku naho ko orobhareka ronde, obhotoro ubhwa bhosa bhono bhokobharwa eheene nkyaishire kughirya ya amakoro maaru. ¹⁷ Ko bhono oranyore risaryo iryo omwe uruku rokabhaho kohetera omwe bhara bharinyora enokwe insharu no obhotoro obhwe eheene mbarebhaha kohetera obhohoru ubhwa omwe, Yesu Kristo. ¹⁸ Bhono nigha, kokohetera rasaryo omwe uwa abhanto bhonswe mbaishire kokengerwa ikina, mbuyo bhuyo okohetera rikoro imwe iryo obhohene nkwishire okobharwa obhohene ubhwa obhohoru kobhento bhoonswe. ¹⁹ Ko bhora okohetera ukwanga kwitabherya ukwo omonto omwe abharu mbakore ebhekeno, bhono okohetera esoko iyaye abharu mbarekorwa bhahene. ²⁰ Naho umwahokano ngwasohire hamwe okore risoro tetore kunyaraghana. Nawe hano ebhekeno bhyaruhire, enokwe yeengei bhokong'u. ²¹ Eno yabhaye igho okore, nyore ibhitimba mbyabhahire kuruku, nigho oranyore enokwe ekotonga kohetera eheene ko obhohoru ubhwa bhokora kohetera Omokama weto Yesu Kristo.