¹ Kughirya ye emebhere ghyeto, nke toraghambe, ko tata weto Abrahamu? ² Nyore Abrahamu yabhareywe eheene ko makoro, yare ni uyukwihemera nawe te mobhoronge ubhwa Waryobha. ³ amakonwakonwa ni iyake ghakoghamba? "Abrahamu yaitughameye Waryobha, akabhaarwa eheene." ⁴ Bhono ko omonto we emeremo, amahako ghaye teghakobharwa ko nokwe, nko masire ghakobharwa. ⁵ Nawe omonto ono atakokora emeremo nawe araitabherya Waryobha omomobhari uwe eheene ono atare omoghore, umughiro ghwaye omonto ono nebharwe igha ne heene. ⁶ Daudi wonswe nkoghambare enokwe ighoro yo omonto ono Waryobha yabhare eheene etana amakoro. ⁷ Akaghamba, "Bhanonkwa bhano bhoonswe bhabherwa ebhekeno bhyabho. ⁸ Yaisa kononkwa omonto ono Omokama atakomobhaara ebhekeno." ⁹ Bhono enokwe eno nko bhaara bhasarwe abhene, kasi na abhatasarwa? Kobhoora toraghamba, "Ko Abrahamu imighiro ghyaye ngebharwe igha ne eheene. ¹⁰ Bhono yabharwe ighake? Nkagha Abrahamu mosarwa yare, kasi hano yare atarasarwa? Tiyarenge mosaro, kasi kutigha kosarwa. ¹¹ Abrahamu yanyore ekerengyo ikyo okosarwa. Ghono ngwabhaye omobhaso ughwe eheene ughwi imighiro gheno yare naghyo atarasarwa. Ekorokya ekemanyeryo igha yakorwe ko umwibhori wa bhoonswe bhaara bhakwighomberya, nokanyora atarasarwa. Erorokya igha mbarebharwa. ¹² Ghweki eno yorokiri igha Abrahamu yakorwe umwibhori uwe saro te kobhaara bharesemokamo, nko bhaara bharimwighwera umwibhori weto Abrahamu. Ghono ngo umughiro ghono yare nagho ko abhatasarwa. ¹³ Kobhoora tiyarenge ko omwahokanio igha eng'ana irusibhwi ko Abrahamu no orwebhoro rwaye, eng'ana eno ya igha mbarebha abhaghabhi abhi ikyaro etakabha, yarenge kohetera eheene iya umughiro. ¹⁴ Ko bhono nyore bhoonswe abhu umwahokanio mbo abhaghabhi, imighiro ghyabho ngya bhosa. ¹⁵ Kukughira yu umwahokanio koreke obhobhe, nawe hara hatana omwahokanio, ghweki teho nkengeri he. ¹⁶ Kukughirya eno rerasha nu umughiro, okore ebhe enokwe. Keno kerebha, ukwiraha nkwa bhoronge ko kebhoro kyonswe. Kura obhebhorwa bhano tebharemanya omwahokano, ghweki mbara abhi imighiro ighya Abrahamu. Kobhoora umwene ntata weto bhoonswe, ¹⁷ kya igho yakonwakonwa, "Nakotogheka obhe umwibhori wi ibhyaro bhyaru." Abrahamu yarenge ko obhomenywa ubhwa oora yamwitabhereyi, kobhoora, Waryobha ono akotora abhaku obhohoru no okobherekera amang'ana ghano ghataho ghabheho. ¹⁸ Ukutigha agha kebhara ghoonswe, Abrahamu ko obhokare yamwitabhereyi Waryobha ku shinsiko sheno shikusha. Bhono abha umwibhori uwi ibhyaro bhyaaru, koreng'ana na kera kyaraghirwe, "Nigho orwebhoro rwaho rorebha." ¹⁹ Umwene tiyare mosoherwa uwi imighiro. Abrahamu yaitabhereyi igha yakwa - yare ni imioka ighana. Ghweki yaitabhereyi ne etemo iyu ukukwa monda ya Sara. ²⁰ Nawe kukughirya ye ndagho ya Waryobha, Abrahamu tiyaiteng'ire ku kwanga kuitabherya he. Nawe yaseghirwe ku mighiro kohetera Waryobha. ²¹ Yamanyire igha keno kyoonswe Waryobha yaraghire yare no obhotoro ubho kokekora. ²² Kuigho eno yabhareywe igha ne heene. ²³ Bhono tiyakonirwekonirwe kughira yu ubhwera bhwayehe, igha yabhareywe ku umwene. ²⁴ Yakonirwekonirwe kukughirya ya bheto bhoonswe, ko bhano bhatengibhwi kobharwa, bheto bhano tukwitabherya kohetera we ono yaryokiri Omokama weto Yesu kurwa abhaku. ²⁵ Ono nora ono yarusibhwi kughirya ya amasaryo gheto no okoryokibhwa okore tobharwe eheene.