¹ Ghweki mbwera ke bhono anabho Umuyahudi?Ku ubhwera ubhwe esaro nke? ² Mbuya bhokong'u ko kera nshera. Entangati ya yonswe, Abhayahudi mbaghabhibhwi amorokyo kurwa ko Waryobha. ³ Naho, niyake erabhe bhoora Abhayahudi abhamwe tebharenge nu umughiro?Bhono bhaitabheryanga kokora obhobhe ubhwa Waryobha kobhorwa obhoronge? ⁴ Tigho he.Nigha tigha Waryobha abhe omoheene, nunyora kero omonto murwambe. Kyaigho yare yakonwa konwa, "Nigha tokotora kobha moheene ko mang'ana ghaho ghweki otore kuhisha hano wasoha mobhokengerwa ikina.? ⁵ Naho oranyore obhobhe bhweto bhorokya eheene iya Waryobha nke toraghambe? Waryobha te munyaghi hano yorokya obhobhe bhwaye, bhono nigho are? Ndashumansha koreng'ana na ghara agha abhairo. ⁶ Tigho he! Ni ghake Waryobha arekengera ikyaro ikina? ⁷ Naho nyore eheene iya Waryobha kigho nkorongoha, erorokya umukumo omwaru kughirya yaye, nkwake nkengerwe ikina kyu uwi ibhitimba? ⁸ Nkwake totakoghamba kigho twahameribhwa ghweki kigho abhande bhakutwihamerya igha nkoghamba tore, "Tosari, okore amaiya ghashe"? Okokengerwa ikina ko bhene mboheene. ⁹ Bhono nke?Tukwiyangera abhene? Tighohe. Ko bhoora twabhahamerya Abhayahudi na Bhayunani hamwe igho igha mbarenge mobhekeno. ¹⁰ Eno nkya bhoora yakonwakonwa: "Taho omoheene he,nunyora nomwe. ¹¹ Taho omonto ono amanyire. Taho ono akutuna Waryobha. ¹² Bhoonswe bhaisyorya. Tebhana bhwerahe. Taho omokori wa amaiya, nunyora,nomwe. ¹³ Emenyo yabho ne mbehera eno yasamereye. Shendeme shyabho nshendongo. Bhana obhosongo ubhwi inshoka muminywa ghyabho. ¹⁴ Bhana iminywa ighya imihime no obhorro. ¹⁵ Amaghoro ghabho ngana enkenyo iyu ubhwiti. ¹⁶ Mbana obhosarya ni inyanko mobheghendero bhyabho. ¹⁷ Abhanto bhano tebharamanya enshera iyo omorembe he. ¹⁸ Tebhana haho ya Waryobha he." ¹⁹ Bhono ntomanyire kera umwahokanio ghokoghamba, kobhoora ghwimereye okore bharebherwe koghamba. Okore ikyaro kishutwe ko Waryobha. ²⁰ Eno nkughirya bhoora omobhere teghokobharwa eheene ko makoro agho umwahokanio mobhoronge ubhwa amaiso ghaye. Kobhoora okohetera umwahokanio nho ebhekeno bhekwebhoshora. ²¹ Naho bhono kutigha umwahokanio, obhoheene ubhwa Waryobha mbongokire. Bhono mbhwaiyorokiriko omwahokanio ko Abharoti, ²² iyo ne, eheene iya Waryobha kohetera umughiro ku Yesu Kristo ko bhaara bhakumughirya. Bhono etakokerana. ²³ Kobhoora bhonswe bhakora ebhekeno, bhasoherwa no obhohoreru ubhwa Waryobha. ²⁴ Bhabharrwa eheene bhosa ko nokwe yaye ko nshera iyu ubhutunguribhwa kurwa ku Yesu Kristo. ²⁵ Kobhoora Waryobha yamarusiri Yesu Kristo abhaghotani kohetera umughiro ughwa amanyinga ghaye. Akamurusya Kristo kyu umushuti we eheene yaye, okore urusiko ebhekeno bheno bhyaheta ²⁶ ko obhoghomerya bhwaye. Ghoonswe ghano ngabhaye okoreke eheene yaye emehwe ko nkagha ya bhono. Ekabha igho okore yiiyoroki umwene igha ne heene, erorwe igha nebhareywe kero omonto ku kukughira yu umughiro ku Yesu. ²⁷ Ikihemere hekerenge? Kwahorwa. Kwi ighake? Makoro ghe esemokake? Tigho he, ne esemoka iyo umughiro. ²⁸ Kasi Nkwitabherania igha omonto arabhaarwa eheene ku mighiro ti kutigha ya amakoro agho omwahokanio. ²⁹ Kasi Waryobha no Waryobha uwa Abhayahudi abhene? Tu uwa abhanto abhi Ibhyaro he? Nigho, nu wi ibhyaro bhyoonswe. ³⁰ Nyore ne eheene Waryobha nomwe, narebhabhara eheene bhaara abhe esaro ku mighiro, na bhaara bhatana esaro ku mighiro. ³¹ Bhono bheto torasyorya umwahokanio ku mughiro? Tigho he! Etakabha igho, bheto twitabherya umwahokanio.