¹ Kuigho tona bhobhe, uwe ono orenge omokengi uwi ikina kobhoora ko ghano okokengerwa ikina uwonde numwene ukwibhoha. ² Naho ntomanyire igha ekekengero kya Waryobha ne heene ko bhakori abha amang'ana aghe etemo iyo. ³ Bhono uwe wishunshe riyo, ono akokengera bhara bhakokora amang'ana ghayo nunyora wonswe nkoghakorare. Uririha kokokengerwa ikina ko Waryobha? ⁴ Hamwe nkwiteghera ore hake ko obhoheene bhwaye, koreng'ana no obhoghomerya bhwaye? Bhono tomanyire igha obhoheene nigha bhorarongeka ukwitabherya kwaho? ⁵ Nigha kobhokong'u bhwaho ne enkoro yaho eno etakwitabherya numwene akwetora kurusiko urwi inyanko, nho urusiko urobhoramokya ko heene iya Waryobha. ⁶ Umwene narehaka kera omonto koreng'ana ne ekerengere ikya amakoro ghaye. ⁷ Kobhara bharekora bhuya bharinyora umukumo, esoko, nu ukwanga kosareka, narebhaha obhohoru ubhwa bhokora. ⁸ Naho ko bhaara abhaing'aherya, bhano bhatakwitabherya eheene na bharitabherya esako, obhoreru mburisha ko bhene. ⁹ Waryobha narereta inyanko ni inyanyi ku umwiro wonswe ono arinyora akore obhosarya, ku Umuyahudi nu Umuyunani wonswe. ¹⁰ Nawe umukumo, no omorembe ngurisha ko kera monto ono akokora obhoheene ku Umuyahudi nu Umuyunani wonswe. ¹¹ Kobhoora ko Waryobha tebhoho ubhwing'aheryahe. ¹² Kobhoora abharu mbasaari bhatana umwahokano mbarisira bhatana umwahokano, nkya bhoora abharu bhano bhasarya bhatana omwahokano mbareka bhasarya kokoreng'ana no umwahokano. ¹³ Nko bhoora tebhaitabheri abho omwahokano mbho obhoheene mobhoronge ubhwa Waryobha, nigha nko bhaara bhakwitabherya umwahokano mbho bharebharwa eheene. ¹⁴ Nko bhono abhanto abhi Ibhyaro, bhano bhatana imiahokanio, nko kora bhare ko semoka amang'ana agho omwahokanio ko temo yabho, nokanyora tebhana omwahokanio he. ¹⁵ Ku bhuyo nkorokya bhare igha amakoro ghano ghakutunwa ko omwahokanio ngakonirwe konirwe moshetemo shyabho. Amaiteghero ghabho nkobhasuta gharena amaiteghero ghabho nkobhashongera bhare hamwe kobhaikabhaha ¹⁶ ko Waryobha. Ghano ngarebhoshoka rono Waryobha arekengera ikina ibhibhisire ibhya abhanto bhoonswe, koreng'ania ne eng'ana yane kohetera obhoronge ubhwa Yesu Kristo. ¹⁷ Toghambe igha umwene arebherekera Myahudi,ono aikae mumwahokanyo, kiryatya ku ukwikumya ko Waryobha. ¹⁸ Omanye obhohanshe bhwaye, no okorengekanya amang'ana ghano ghakughya hamwe, hono umwahokanyo ghwatunwa. ¹⁹ Ghweki toghambe igha ono obhokare igha uwe umwene no omotangati uwu umuhukuru, obhorabhu ubhwa bhara bharenge mukisunte, ²⁰ umwinori uwa abhakangi, omoragherya uwa abhana, ghweki ne eheene nigha nuwe ono okotebherya uwonde tukwiyengyahe. ²¹ Ono, okotebherya uwonde, igha, tukuiragherya umwenehe? Ono okotabherya kwanga kwibha,uwe nkwibha ore? ²² Ono ukwanga obhosorare, mosorare ore? Na ono warerera ritughi oraibha mwisengero? ²³ Uwe ono ukwikumya momwahokanio, tokosokya Waryobha hano wasarya.? ²⁴ Kobhoora "irina rya Waryobha reresokeribhwa mo bhanto abhi ibhyaro kughirya yenyu," kigho yakonwa konwa. ²⁵ Nko bhoora esaro eheene nkuya bhokong'u hano ukwitabherya omwahokanio, nawe nyore uwe mwibherokyore uwu umwahokano, esaro yaho iyo teyohe. ²⁶ Bhono, nyore, omonto ono atasarwe araitabherya keno omwahokanio ghukutuna okosarwa kwaye tekoremanywahe? ²⁷ Nunyora noora atasarwe ko semoka tarekenga ikina arange kwitabheerya omwahokanio?Eno nkukughira yakonirwe konirwe ne esaro eno iririghirya uwe esaro? ²⁸ Kobhono atarenge Umuyahudi ono arenge kebhara nunyora esaro te era iya omobherehe. ²⁹ Nawe wonswe no Umuyahudi uwa monse, ne esaro ya kwitabherya monkoro terenge ya kokonwa konwa. Umukumo ghwaye ti ghukurwa ko bhantohe erarwa ko Waryobha.