¹ Paulo, omokori we emeremo wa Yesu Kristo, ono yabherekeywe kobha umwahorwa, ko ng'ana ya Waryobha. ² Eno yo eng'ana eno yaraghire kare kokohetera abhanto bhaye ko makonwa konwa amahoreru. ³ Kukughirya yo Omona waye, ono yebhorwa kurwa bhuhiri Daudi. ⁴ Umwene yaraghirwe kobha Omona wa Waryobha kohetera shinguru ishye Enkoro ehoreru iyukuryokya abhaku, Yesu Kristo Omokama weto. ⁵ Ko kohetera we twanyora enokwe no obhwahorwa ko obhosoku ubhwi imighiro ighi ibhyaro bhyonswe, kohetera irina ryaye. ⁶ Ku ibhyro bhyonswe, bhenyu mwabherekerwa kobha abha Yesu Kristo. ⁷ Ritashandighi reno nko bhoonswe bhano bharenge Rumi, bhano bhahanshire Waryobha, bhano bhabherekerwa abhanto abhahoreru. Bhabhe ne nokwe no omorembe kurwa ko WaryobhaTata weto no Omokama Yesu Kristo. ⁸ Gweki, ndakumya Waryobha wane ku Yesu Kristo ku kughirya yenyu bhonswe, kobhoora imighiro ghenyu nkotebheribhwa ghere ku kyaro kyonswe. ⁹ Ko bhoora Waryobha uwe umushuti wane, ono amanyire amakoro ghane ko eng'ana iyo Omona waye, bhoora nkobhara nkagha yonswe. ¹⁰ Nkobhasasamande kohetera amasabho ghane ko keera ntanakyo okoreke nkambe nkinyore obhoghonshe ubhwa Waryobha kigho murisha. ¹¹ Bhora nkwighomba komaha, okoreke mbahane obhohoru ubhwa monkoro, nhike kobhakong'ya. ¹² Nkoghanyande, nsabhuurwe, hamwe na bhenyu. ¹³ Bhono bhahiri, tinkutuna mwange komanya igha, ne nkagha nsharu natunire kusha ko bhenyu,naho nkarebherwa kohekera rero. Natunire igho okoreke mbe (na) shehagho ko bhenyu kya igho yarenge mo bhanto abhi ibhyaro. ¹⁴ Nena isire(na) Abhayunani (na) abhagheni bhonswe, abhang'aini (na) abhakangi. ¹⁵ Ku igho, ko robhareka rwane, nendabharaghaniri eng'ana ko bhenyu bhara morenge Roma. ¹⁶ Kobhoora tenkosokera eng'ana he, mbora nko bhotoro ubhwa Waryobha bhono bhokoreta ubhutunguribhwa ko ora wonswe akotanga ukwitabherya,ko Umuyahudi nu Umuyunani wonswe. ¹⁷ Kobhoora obhoheene ubhwa Waryobha bhwiyorokya kurwa imighiro kohetera imighiro, kyaigho ghyakonwa konwa, "Omohene narikara mumughiro." ¹⁸ Kobhoora obhobhe ubhwa Waryobha mbomanyirwe kurwa kwisaro nkughirya yo obhosarya ubhwa abhanto kohetera enshera iyu ubhuhishi kubhisa obhoheene. ¹⁹ Eno nko bhoora, ghoonswe nkotoraghare komanywa ko Waryobha. Bhoora Waryobha yabhahetokya. ²⁰ Bhono amang'ana ghaye ghatakomahwa bhoora ghakonwa konwa bhorabhu kurwa bhono ikyaro kyasemoka. Ngamanyirwe kohetera ebhento bheno bhyatemeywemo. Amang'ana ghano mbotoro bhwaye ubhwa bhokora ne esemoka yaye iyo obhohoreru.Keno kyabha abhanto bhano tebhana nyankohe. ²¹ Iyo nkukughirya, nunyora bhamanyire Waryobha, tebhamoghongire kya Waryobha gweki tebhamukumirihe. Mbabhaye bhakangi mo maiteghero ghabbho, kura shenkoro shyabho ishyo bhokangi shekatighwa mukisunte. ²² Bhakaebherekera abhang'aini, naho bhakakangiha. ²³ Bhakasyorya obhohoreru ubhwa Waryobha ono atana isoro kukumutubhania umwiro uwa amasoro, aghibhinyonyi, na shityenyi ishya amaghoro ane ne ebhetango ebheghendera nda. ²⁴ Kuigho Waryobha yabhatighire bhaghi ne shetemo shabho ishye enkoro yabho inyanku, ne emebhere ghyabho kosokeribhwa abhene ko bhene. ²⁵ Mbho abhene bhano bhasyori eheene iya Waryobha kobha obhorongo. bhoora bhaighombereyi ebhetango bhakatigha omobhombhi ono akukumibhwa bhokora. Ebhe igho. ²⁶ Kukughirya eno, Waryobha yabhatighire bhaghenderi ne shetemo shyabho ishya shensoni kobhoora bhakabho mbatighire esemoka iyo obhwebhorwa. ²⁷ Na bhorebho, abhashasha bhakatigha aghe esemoka kobhakabho bhakasabhokerana abhashasha ko bhashasha bhande. Bhano na abhashasha bhano bhasoheraini, bhakahanwa ubhushibhu bhono bhwabhareng'aini. ²⁸ Kobhono bhangire kobha na Waryobha ko amaiteghero ghabho, wonswe yabhatighire bhaghenderi no obhokangi bhwabho obhokokora ghara ghataisaini. ²⁹ Mbana obhobhe bhoonswe, obhosarya, oronamba no obhoghogho. Mbaihari, ubhwiti, rebheha, urwambe, na amaiteghero amabhe. ³⁰ Ghweki mbahementi, abhahamerya bhano bhareghire Waryobha, abhatindi, abhikisirani, na abhihemi. Mbasemori abha amaghogho bhano bhakosoka abhaibhori bhabho. ³¹ Tebhana keno bhamanyirehe, tebhakwikereribhwahe tebhana obhohanshe obhwe semokahe nunyora ni ikyabhera tebhanakyohe. ³² Mbamanyire bhono Waryobha yaragha, igha bhoonswe abhe etemo iyo mmuruku bhare. Naho tigha nabhene bhakoghakorahe nkwitabherania bhare na bheera bhakokorwa.