¹ Bhono ko bheto bhano tona shinguru nhateko koghegha obhorosu ubhwa abharosu, ghweki totakaikora kwing'eherya abhene. ² Kero omwe weto ashomeri umunyarobheri, kobhoora mbuya komotorya. ³ Nunyora Kristo tiyaing'eheyihe. Yabhaye kigho yakonirwekonirwe, "Amatoki gha bhaara bhatokire noni ghanyoore." ⁴ Ko kyonse keno kyatangatire kokonwakonwa, nkyakonirwe kotorobheerya, okore toghomeri kohetera obhoghomeeri ne enkoro na tokarehe. ⁵ Bhono Waryobha uwo obhoghomerya nu uwo okosegha kwa kero omwe koreng'ana na Yesu Kristo. ⁶ Atokore igho kwa nkoro emwe okore mukumi kamwe kwa kwitabheerya Waryobha no Omokama weto Yesu Kristo. ⁷ Bhono kero omwe weto mwitabheeri kigho Kristo yabhanyore ko obhohoreru ubhwa Waryobha. ⁸ Kuigho nkoghambande igha Kristo yakore ubhwimereri ubhwe esaro kohetera obhoheene ubhwa Waryobha. Yakore igho korokya righano reno ryarusibhwi ko bhatata, ⁹ ku bhyaro bhaitughamere Waryobha ko nokwe yaye. Kya bhoora yakonwakonwa, "Nindirusya umukumo ku uwe mubhyaro no okoretya umukumo ughwi irina ryaho." ¹⁰ Ghweki nigha , "Mushomerwe, bhenyu bhare bhanto abhi ibhyaro, hamwe na abhanto bhaye." ¹¹ Ghweki, "Mukumi Omokama, ibhyaro bhyoonswe; mutighe abhanto abhi ibhyaro bhyonse bhamukumi umwene." ¹² Ghweki Isaya yaghambire, "Rerebhaho ritinya irya Yese, no uwomwe ono areghoroka kobhaha ibhyaro. Ibhyaro mbirimwiteng'era." ¹³ Bhono Waryobha weto abhahane ubhushomerwa no omorembe ku ukwitabheerya, okore motore kobha ne ekabha, ku shinguru ishye Enkoro Ehoreru. ¹⁴ Oni wonswe naseghwa na bhenyu, abhahiri bhane. Naseghwa igha mokomerani mobhe nu ubhuya,mobhe no obhong'aini bhonswe. Ndaseghwa okore bhonswe mokomerani. ¹⁵ Naho nena obhokare ubhwa okobhakonerakonera amang'ana amarebhe, ebhe hetoko ko obhotoro bhono nahanwa na Waryobha. ¹⁶ Obhotoro bhono bhwarenge igha ntore kobha omokori wa Yesu Kristo ono yatomirwe ni ibhyaro, nu ukwirusya umuhurania we eng'ana iya Waryobha. Ne nkatore kokora igho okore ukwirusya kwane ku bhyaro kuitabheribhwi, nkwahoywe na Waryobha kohetera Enkoro Ehoreru. ¹⁷ Bhono ubhushomerwa bhwane mborenge ku Kristo Yesu no komang'ana gha Waryobha. ¹⁸ Bhoora ntatora kokareha koghamba ng'ana kutigha hano Kristo yahikya kohetera kuoni esooko yi ibhyaro. Amang'ana ghano ghakorwa kwa ng'ana. ¹⁹ Ku shinguru ishe ekyoorokyo na ekeroghoryo, ku shinguru ishye Enkoro Ehoreru. Eno yarenge irwe Yerusalem, kwinara hare era Iliriko, ntore koghegha kwa obhohoru eng'ana ya Kristo. ²⁰ Ko hetera hano, amaiteghero ghane nebhaye okorarya eng'ana, naho tebhara bhamanyire Kristo he okore ntakakora obhorosa ubhwo omonto wonde. ²¹ Kya igho yakonwakonwa: "Ko bhano bhatamanyire amang'ana ghaye yaishire mbaremorora, na bhaara bhatamwighure mbaremomanya." ²² Kuigho nonswe nare narebheerwa kaaru kusha ko bhenyu. ²³ Naho bhono tenena ahase ho honswe ko sheng'ongo sheno, nkwighombande kwa mioka myaaru kusha ko bhenyu. ²⁴ Bhono nkagha shyoonse hano naghyanga Hispania, natunire mbarore, moherekere hano tosangire no okobharora ndaheta kwa nkagha. ²⁵ Naho bhono naghya Yerusalemu kotorya abhaitabheerya. ²⁶ Kobhoora yashomeye abhanto abha Makedonia kughya Akaya kokora omosoro ughwa abhahabhe abha Yerusalemu. ²⁷ Nigho, ndyo ryare ko obhohanshe bhwabho,wabhakora, isire kobho. Kobhoora oranyore ibhyaro bhasanga ko mang'ana ghabho aghe enkoro, nkosabhwa bhare kotorya keno bhatanakyo. ²⁸ Ku igho, enkagha yahika ikihiko no okokong'a kwe ehagho eno, oni nendaghende na bhenyu kughya Hispania. ²⁹ Nemanyire igha, nkagha ndasha ko bhenyu, nindisha ko ubhusureneku ubhwe enokwe iya Kristo. ³⁰ Bhono bhahiri bhane, ndabhasasama, ku Omokama weto Yesu Kristo, no obhohanshe ubhwe Enkoro, igha mosange hamwe naoni ko kosasama Waryobha kughirya yane. ³¹ Mosasame okore ntore kutunguribhwa kukurwa ko bhaara bhatana esooko Yudea hano, ghweki kokorarya kwane Yerusalemu okore agheghwe na abhaitabheerya. ³² Mosasame okore nishe kobhenyu nu ubhushomerwa kohetera obhohanshe ubhwa Waryobha mbe hamwe na bhenyu, tumunye hamwe. ³³ Nunyora Waryobha uwo omorembe abhe hamwe na bhenyu. Ebhe igho