¹ Mbahaye mohara wenyu Fibi, ono arenge omokori uwe emeremo uwa risengero reno rerenge Kenkrea, ² Okoreke motore komomanya Omonene. Mokore bhono ikyu bhwera nikya abhaitabherya, ghweki mwemere hamwe nawe ko kera eng'ana yoyonswe era arituna kobha nayo. Kobhora umwene nabhaye omokori uwa abharu,nakukughirya yane umwene. ³ Mokeri Priska (na) Akila, abhakori abhe emeremo hamwe naoni ku Kristo Yesu, ⁴ bhono ko bhohoru bhwane mbanyahare obhohoru bhwabho abhene. Nkobhakumyande, natonihe,nkokobha komasengero ghonswe agha bhanto. ⁵ Kerya risengero reno rerenge wabho. Kerya Epanieto omoghonshe wane, ono arenge omwebhorwa omotangi uwa Kristo Asia. ⁶ Monkeri Mariamu ono yakore emekere kukughirya yenyu. ⁷ Mokeri Androniko (na) Yunia,abhahiri bhane, naabhebhorwa hamwe naoni. Mukumo mobhahorwa, bhano bhatangatire komomanya Kristo ntaramomanya. ⁸ Monkeri Ampliato,omoghonshe wane ko Omonene. ⁹ Monkeri Urbano, omokori wane hamwe naoni ku Kristo, (na) Staksi omoghonshe wane. ¹⁰ Omokeri Apele, ono yaitabheribhwi ku Kristo. Bhakeri bhoonswe bhano bharenge mwighutu rya Aristobulo. ¹¹ Monkeri Herodioni, umuhiri wane. Monkeri bhoonswe abha Narkiso, bhano bharenge ko Omonene. ¹² 12 Monkeri Trifaia na trifosa ,abhakori abha emeremo abhe emekere ko omonene.Mokeri Persisi omoghonshe wane,ono akore emeremo bhokong'u ko Omonene, ¹³ Monkeri Rufo,ono yahoywe ko Omonene nanyoko wabho ono wonswe anyibhoye. ¹⁴ Monkeri Ansikrito Fiegon,Herme,Patroba,Herma,na abhahiri bhonswe hamwigho. ¹⁵ Monkeri Flegon na Yulia ,Nerea mohara wabho ,na Olimpa,na abhaitabherya bhonswe hamwe nabho. ¹⁶ Mobhakeri kera omwe kukubhahumbata.Amasenghero ghonswe ku kristo ghabhakeri. ¹⁷ Bhono ndabhakomerya,bhahiri,kwiteghera ighoro yabho bhano bhakughira ghorabhaho umwiyahoro ne ebhehaghe.Bharanga kwitabherya ameghyo ghana mwegha.mwisyori mobharweko. ¹⁸ Ko bhora abhanto kya bhano tebhakomokora Kristo Omonene he,ne shenda shabho abhene.Ko amang'ana aghabho amanyohu no ukukumya obhorongo bhorarongohera shenkoro isha bhano bhatana isoro. ¹⁹ Ko kerengyo ke esoko yenyu mwahekera kera omonto.Ku igho nkushomerwande ighoro yenyu,nawe ndabhatuna mobhe nobhosoke kotemo yu ubhuya,na motakabha naisoro mobhoronge ubhwa obhosarya. ²⁰ Waryoba uwo morembe taretegheta kusikya risambwa momaghoro gheto.Enokwe yo Omonene Yesu kristo ebhe hamwe na bhenyu. ²¹ Timotheo,omokori wemeremo uwa hamwe naoni,abhakeri,na lukio,Yason na sospeter,abhahiri bhane. ²² Oni Tertio,ono yakonire konire ritashandighi reno,ndabha kerya ku rina iryo Omonene. ²³ Gayo, ono yansereniri nakwisengero ryonswe rerabhakerya. Erasto, omobheki uwa shimbirya uwu umughi, arabhakerya, hamwe (na) Kwarto wamwabho. ²⁴ (Komerya:ko eno yarwa kontangi,orakara rono torohohe.Maha Warumi 16:20."Enokwe iya Omonene weto Yesu Kristo yikare kobhenyu bhonswe.Ebhe igho.) ²⁵ Bhono ko omwene ora akokora mwemere koreng'ana ne eng'ana na ameghyo agha Yesu Kristo,koreng'ana nokoghorwa okwo ubhubhisi bhono bhwabhisirwe ko enkagha ntambe. ²⁶ Nawe bhono yamare kwighorwa no okokorwa ghamanyekane amakonikoni agho obhoroti kore eng'ana ne ehamo ya Waryobha wa bhokora na bhokora,ko soko yi imighiro ighi ibhiaro bhyonswe. ²⁷ Nko Waryobha umwene esoko,kohetera Yesu Kristo,korabha no obhohoreru bhokora bhonswe.Ebhe igho.