¹ Ndabhaghotya mohara wenyu Fibi, umwene mmobhaghati wa risengero irya Kenkrea, ² hano moratore kumunyora kohetera Omokama. Mokore igho ku kiyo nkyu ubhwera ikya abhaitabheerya, mobhe hamwe nawe ko ng'ana yoyonswe eno oranyore aratuna. Kobhoora umwene motorya wa bhaaru, kughirya yane umwene. ³ Motakebha Priska nunyora Akila, abhakori bhano tokokora nabho emeremo ighya Kristo Yesu, ⁴ bhono ko obhohoru bhwane obhohoru bhwabho mbhwa teyire. Nkobhakumia nde, toni umwene, nunyora amasengero ghoonswe aghi ibhyaro. ⁵ Monkeri risengero irya ka wabho. Mokeri Epanieto omoghonshe wane, omwebhorwa omotangi wa Kristo kurwa Asia. ⁶ Mokeri Mariamu ono yakora emeremo kwa mekere kughira yenyu. ⁷ Mokeri Androniko bhana Yunia, abhahiri bhane, ntobhohirwe nabho. Mba mukumo mo abhahorwa, bhano bhatangatire komomanya Kristo ntaramongora. ⁸ Mokeri Ampliato, omoghonshe wane ko Omokama. ⁹ Mkoeri Urbano, ono tokokora nawe emeremo ku Kristo, motakatigha Stakisi omoghonshe wane. ¹⁰ Mokeri Apele, ono yaitabheribhwa ku Kristo. Mobhakeri bhoonswe abha mwa Aristobulo. ¹¹ Monkeri Herdioni, umuhiri wane,monkeri bhonswe abha mwa Narkiso, bhano bharenge wo Omokama. ¹² Mokeri Trifaina na Trifosa, bhano bhakokora emeremo wo Omokama kwa mekere. Mokeri Persisi omoghonshe, ono akokora emeremo ighyo Omokama. ¹³ Monkeri Rufo, ono yahorwa no Omokama na nyakuwabho wonswe mayo wane. ¹⁴ Mokeri Asinkrito, Flegon, Herme, Patroba,Herma, kura abhahiri bhoonse bhano bhahamwe. ¹⁵ Monkeri Filologo kura Yulia,Nerea na mohara wabho, na Olimpa, na abhaitabheerya bhoonse bhano tonabho. ¹⁶ Mobhakeri abhanto bhoonswe ku kubhahumbata. Monkeri amasengero ghonswe. ¹⁷ Bhono ndabhakomerya,bhahiri bhane keno kikughira toraserana ne ebhehaghe. Tebhakughya bhoronge komeghyo ghano mweegha mwisyori mobharweko. ¹⁸ Kya bhoora abhanto abhi itubho iyo tebhobharenge Omokama Kristo, na abhene bhakwimanya. Amang'ana ghabho manyohu no ukukumya obhorongo bhorang'aina shenkoro ishya bhano bhatana isoro. ¹⁹ Ko kerengyo ikyo obhosooku bhwenyu nkohekera more kero omonto. Nkobhashomerwa nde mobhe na amaiteghero, motanyora risoro mo obhobhe. ²⁰ Waryobha uwo omorembe taretegheta kusikya risambwa mobhenyu. Enokwe iyo Omokama Yesu Kristo ebhe hamwe na bhenyu. ²¹ Timotheo,omobhaghati ono tohamwe, arabhakerya, kura Lukio, Yasoni na Sospeter, abhahiri bhane. ²² Oni, Tertio,ono yakonirekonire ritashandighi reno, ndabhakerya kohetera irina ryo Omokama. ²³ Gayo, ono yansereniri kura risengero ryoonse, morakeribhwa. Erasto, omobheeki we emongo uwu mughi, arabhakerya, bhana wamwabho Kwarto. ²⁴ (Komerya: Ko bhetabhe ebhe semoka, orokarra rono torohohe. Maha Warumi 16: 20. "Enokwe iyo Omokama Yesu Kristo yikare na bhenyu bhoonswe. Ebhe igho.") ²⁵ Bhono ko oora ane emekere kubhaimerya kokoreng'ana ne eng'ana na ameghyo agha Yesu Kristo, koreng'ana ni ikibhisire ikyo okorokibhwa bheno bhyabhiswa kwa nkagha ntambe. ²⁶ Naho bhono yaisa korokibhwa no okokora emanywe na amakonwakonwa agha abharoti koreng'ana ne ehamo ya Waryobha wa bhokora, ko sooko iyo omorembe mubhyaro bhyonswe? ²⁷ Ko Waryobha umwene amaitegheero, kohetera Yesu Kristo, bhobheho obhohoreru bhokora bhoonswe. Ebhe igho