¹ Kera enkoro ebhe ne esooko ko obhobhahi ubhwi ighoro, kobhoora tebhoho bhono bhotarwereye ko Waryobha. Ghweki shembahi sheno sheho nshetorwe na Waryobha. ² Kuigho ono atakwitabherya no okohakana obhobhahi bhuyo nkokorare ehamo iya Waryobha; ko bhaara bhakohakana mbarekengerwa ku ubhwabho abheene. ³ Kobhoora abhabhahi te keroghoryohe ko bhaara bhakokora amaabhe. Urighomba kwobhoha obhobhahi?Kora amaiya ukumibhwi. ⁴ Kobhoora orenge omobhaghati wa Waryobha uwe kughira ya amaiya. Naho nyore orakore amabhe, wobhohe; takomanora risabha atana eng'ana he. Kobhoora orenge omobhaghati wa Waryobha, omohaki uwi ikisiyomba kwa bhoorro ighoro yo omokori wo obhobhe. ⁵ Mukumo osoke, te kwa kughira yo obhobhe,mboora ikughira yo ukwisiheera. ⁶ Kukughira eno nkohakore righoti. Kobhoora abhabhahi mbabhaghati bha Waryobha, bhano bhakoghenderya kokora eng'ana eno. ⁷ Mohake kero omonto isire eno akobhasabha righoti reno akosabhwa: ubhushuru bhono bhumwisaini; ehaho ko oora uwe ehaho; esooko ko ono ikumughyako. ⁸ Motakasabhwa isire ye kento kyokyonswe no omonto, nigha mohanshane abhene ko bhene. Kobhoora ono akohansha umyarobheri nahikiri umwahokanio. ⁹ Ko bhono, "Toresoherahe, turitahe, turibhahe,tuurighombahe," hano oranyore ono omwahokanio ghonde, nesanganibhwi morokarra rono. "Norehansha nyarobheri waho kigho wihanshire umwene." ¹⁰ Obhohanshe bhoranyahara omonto. Manya igha, bhorahikya umwahokano ¹¹ Kukughirya eno,momanye enkagha, nigha bhono turwe moshentero tumisoki. Kobhoora ubhutunguribhwa bhweto bhwisokereye ko nkagha eno twaitabherya. ¹² Ubhutiko nkushibha bhore, bhoresokeera kokya. Nigha tutighane na amakoro gheto amabhe aghi ikisunte, twibhohe ibhyoghe ibhyo obhorabhu. ¹³ Tughi bhuya, mobhorabhu, te kwa inyangi iyo obhobhe nu ubhunywi. Ghweki totakabha bhasorare nunyora noronamba tobhe bhaghomerya, tutighe iniko na rihari. ¹⁴ Nigha twibhohe Omokama Yesu Kristo, ghweki totakateghera emebhere ghyeto , umweya ogho oronamba.