¹ Bhono ndaghamba, igha, Waryobha yaghire abhanto bhaye? Tigho he. Kobhoora nonswe ndenge Umwisraeli, omwebhorwa Abrahamu, uwe semoka ya Benjamini. ² Waryobha tiyanga abhanto bhayehe yabhamanyire kurwa semoka. Bhono temomanyire keno rikonwakonwa rekoghamba ighoro ya Eliya, kigho yasasamire Waryobha ko Abhaisraeli? ³ "Omokama, bhaitire abharoti bhaho, nabho bhatabhoye amasengero ghaho. Noni umwene natama, nkutuna bhare bhanyite." ⁴ Rihonshokya irya Waryobha nke rekoghambera? "Nanaghya kobhanto ebhekwe muhungate bhano bhatakumwihighamera." ⁵ Nunyora nigho, ko nkagha eno ya bhono mbahorwa mo nokwe ⁶ Ghweki oranyore nko nokwe, te ko makoro enokwe terebha nokwe he. ⁷ Bhono nke? Eng'ana eno Israeli yatunanga, tiyainyorehe, nokobha abhaghorwa mbakinyore, abhande bhakaritohibhwa. ⁸ Kya bhoora yakonirwekonirwe: "Waryobha yabhaha enkoro indito, amaiso bhatakarora, amatwe bhaighwe, kohekera mo eno." ⁹ Daudi wonswe akaghamba, "Mutighe shemesha shyabho shebhe shintimba, omotegho, ahase ahu ukwituratura, no okohakana ibhisiyomba. ¹⁰ Tigha amaiso ghabho ghahukuribhwi okore bhatakarora. Obhahinye emeghongo ghyabho." ¹¹ Bhono ndaghamba, "Bhono, waituratura okaghwa?" Otakanyora wakorwa rihari. ¹² Bhono oranyore ukuhishwa kwabho bhwaame bhwa kyaro, no okohya kwabho mbhwame bhwa kyaro nkerengere ke bharinyora? ¹³ Bhono mbenyu nkotebhya bhano morenge abhibhyaro. Kobhoora mwahorwa wenyu ndenge, ndihemera okotorya kwane. ¹⁴ Hamwe nendabhahe rihari bhano morenge abhamwe. Hamwe tutunguri abhamwe bhabho. ¹⁵ Kobhoora tetwaitabheraini ni ikyaro, kuturung'anwa kwabho nko twabhaye nunyora no obhohoru kurwa mobhaku. ¹⁶ Nyore ehagho entangati ne emongo, nigho ere ku nkundi iyo obhose. Nyore umuri ne mongo, nunyora na amasagharya ghonswe. ¹⁷ Naho oranyore amasagharya aghamwe ghagheshwa, kya uwe, risagharya iryo omozeituni, waryemiri ghate yabho, nyore mwasangire nabho ku miri ighyu ubhwame obhwe emezeituni, ¹⁸ Otakaihemera amasagharya, nyore urihema,tuwe okotorya imiri, ghyo ngyo ghekokotorya uwe. ¹⁹ Bhono noraghambe, "Amasagharya ngagheshwa okoreke nemibhwi kwitinya." ²⁰ Iyo ne eheene. Kobhoora totakwitabheerya bhaara bhabhotorwa nawe, uwe wateremere kughira yi imighiro ghyaho. Otakayitegheera umwene ku ighoro bhokong'u, yobhoha. ²¹ Kobhoora Waryobha tiyatighire amasagharya aghe esemoka, tarekokengerahe. ²² Bhono maha, amakoro amaiya no obhororo ubhwa Waryobha. Ko orobhareka ronde, obhooro mbhwishire ighoro ya Abhayahudi bhano bhaghwa. Naho ko orobhareka ronde,obhoheene bhwa Waryobha nkusha bhore ku uwe. Orange kobha igho wonswe noretabhutwa. ²³ Ghweki, nyore bhatarituna kuitabheerya, bharyemibhwa ghweki. Kobhoora Waryobha obhotoro ubhu kobhemya ghweki. ²⁴ Kobhoora oranyore bhenyu mwabhotorwa kebhara ko semoka yo omozeituni isisi, mwemibhwi mo omozeituni umuya,te kubhwaru Mobhayahudi, bhano bhanga ritinya irye semoka kwemibhwa momozeituni ghyabho abhene? ²⁵ Nko bhoora bhahiri bhane tinkutuna motakamanya, ikibhisire keno, okore motakabha ne esooko ko amaiteghero ghenyu. Ikibhisire keno no obhokong'u mbwarera Israeli, nu ukunyaraghana mubhyaro. ²⁶ Kuigho Abhaisraeli bhoonswe mbaritunguribhwa, kigho yakonwakonwa: "Kurwa Sayuni narisha Umutungurya. Narirusyaho obhobhe kurwa ku Yakobo. ²⁷ Reno nderebha ighano ryane nabho hano ndirusyaho ibhitimba bhyabho." ²⁸ Orobhareka romwe ko ng'ana, bhararererwa kughirya yenyu. Orobhareka ronde kughira yo ubhutughunkurya ubhwa Waryobha, bhahanshwa kughirya ya bhasokoro. ²⁹ Nku kughirya yi ituho no ukwitabheribhwa ubhwa Waryobha tebhukusyoribhwa he. ³⁰ Kobhoora karehayo mwarenge bhabhisa mokaikana Waryobha, naho bhono mwanyora enokwe ko kughirya yo okosarya kwabho. ³¹ Ko obhoronge bhuyo bhuyo, bhono Abhayahudi bhono bhaitamya. Keno kyabha ikyabhera bhamanywa bharatora enokwe. ³² Nigho abhanto bhoonswe bhabhohwa na Waryobha mo bhobhe okoreke atore kobhabheera bhoonswe. ³³ Kigho ubhwame bhore ne esooko na amaiteghero agha Waryobha! Teghikutukwatukwa obhokengi ubhwi ikina, ne shenshera shyaye teshekomanywahe. ³⁴ Bhono newe ono yamanyire amaiteghero agho Omokama? Nu nyora newe yabha omoghambi waye? ³⁵ Nokanyora newe yasimya kohana Waryobha ekento okore aengeribhwi?" ³⁶ Nko bhoora ukurwa ku umwene, no ko nshera yaye no ku umwene, ebhento bhyoonswe nhobhere. Kumwene bhobhe obhohoreru makora na makora.