¹ Bhono ndaghamba igha, Waryobha yangire abhanto bhaye? Tigho he. Nko bhora oni wonswe Mwiisraeli,bhuhiri Abrahamu,uwe esesoro iya Benyamini. ² Waryobha tiyangire abhanto bhayehe, yabhamanyire kurwa bhotange bhwabho. Temomanyire rikonikoni reno rekoghamba ko Eliya bhono yaihombire ko Warobha ighoro iya Israeli? ³ "Omonene,bhaitire abharoti bhaho, bhamare bhatabhoye amasengero ghaho. Noni umwene nsaghire, bhono bharatuna obhohoru bhwane." ⁴ Nawe Waryobha niyake yamohonshokeyi? "Nibhekeye umwene abhanto ebhekwe muhungate bhano bhatakumuhighamera ibhiru." ⁵ Nunyora nigho,enkagha eno iya bhono nhobhare bhano bhasagha kukughira yu ubhwahori ubhwe enokwe. ⁶ Nunyora nko nokwe, tekomakorohe. Bhono enokwe terekyora kobha enekwehe. ⁷ Niyake erebha? Eng'ana eno Israeli bhatunanga,tebhainyorehe, naabhahorwa bhakainyora,nabhande bhakahanwa ubhurito. ⁸ Nkya bhora yakonirwekonirwe: "Waryobha yabhahaye enkoro indito,amaiso ghano ghatakorora amatwe amakiro,kohekera rero eno." ⁹ Nho Daudi yaghambire, "Tigha shemensha shabho shebhe emetegho ighya shinswe,emeheto, ahase ahukwituratura,niikisiyomba ighoro yabho. ¹⁰ Tigha amaiso ghabho ghamwame kobhake bhatakamaha. Bhahinywe emeghongo ghyabho ghetakaghoroka kemwe." ¹¹ Bhono ndaghamba igha, "Bhaitureture no okoghwa?" Etakashe ebhe igho. Nighaa, hano bharatomwe abhene,ubhutunguribhwa bhuhikire mubhyaro, okoreke abhene bhabhe narihari. ¹² Bhono hano bharatamwe mbarabhe nu ubhwame ubhwi ikyaro, nahano bharabhorwe mbarabhe nu ubhwame ubhwi ibhyaro, niyake bharakore bhateremeke? ¹³ Nabhono ndaghamba igha,bhenyu abhanto abhi ibhyaro. Bhono nahorwa ko bhanto abhi ibhyaro bhyende ndihemera emeremo ghyane ¹⁴ Hamwe nendabhahane rihari bhano morenge omobhere ghomwe naoni. Hamwe ntorabhatunguri abhamwe bhabho. ¹⁵ Nyore arabhe nkwangwa kwabho ne ukwighwerana aghi ikyaro,okoseranibhwa kwabho nighake korabhe kutigha obhohoru kurwa ko bhaku? ¹⁶ Nyore shehagho ishya okotanga ne emongo, nigho ere kiinkundi iyo obhose. Nyore imiri ne emongo, masagharya ghonswe mbuyo. ¹⁷ Naho nyore amasagharya aghamweghagheshirwe, kya uwe risaghari irya mzeituni, ndyemibhwi kobho, (na) nyore wasaghire hamwe nabho ku imiri ighyo ubhwame ubhwa mzeituni, ¹⁸ otakaikumya amasagharya. Mbuya nyore urikumya, tuwehe niimiri okotorya omanye imiri nkokotorya ghere uwe. ¹⁹ Bhono noraghambe, "Amasagharya ngagheshirwe okoreke nemibhwi kwitinya." ²⁰ Bhyuyo mbohene. Kukughirya iyo kwanga kuitabherya kwabho bhakabhotorwa,naho uwe wimereye keteremeyekukughira iyu umughiro ghwaho. Otakayiteghera uwe mwene ko obhotoro ubhwa ighoro bhokong'u, nigha wobhohe. ²¹ Nyore Waryobha atahatereyi amasagharya aghe esemoka tetorekengerwa ikina bhoonswe oni nauwehe. ²² Rora, nigha, amakoro amaiya no obhoro ubhwa Waryobha. ²³ Ghweki, nyore mbaratighe koghenderya ko ukwanga kuitabherya kwabho,mbariemibhwa ghweki. ²⁴ Kobhora bhenyu mwabhotoreywe kebhara ko bhara abhe esemoka mzeituni ughwa mwisisi, ghono ghotaimeri ko mzeituni omohene,te bhokong'u ko Wayahudi, bhano bharenge kya amasagharya ghano ghasemokire kuemibhwa ghweki mo mzeituni ughwabho abhene? ²⁵ Nko bhora bhahiri bhane tinkutuna mwange komanya, kukibhisire keno, okoreke motakabha ne etemo ku ukwiteghera kwenyu abhene. Ikibhisire keno nkena obhokong'u bhono bhukurwera Israeli, kuhika ku ibhyaro bheno bhirisha. ²⁶ Bhono Israeli bhonswe mbaritunguribhwa, kigho yakonirwekonirwe: "Ukurwa Sayuni narisha Umutungurya. Narirusyaho obhoghogho bhoonswe kurwa ko Yakobo. ²⁷ Eno iyo erebha endaghano yane (na) bhenyu, enkagha eno ndesendora ibhitimba bhyabho." ²⁸ Ko orobhareka romwe kughirya ye eng'ana, nkorererwa bhare ko ukughirya yenyu. Ko orobhareka ronde yarwereye mu ubhwahori bhwa Waryobha, bhahanshirwe kukughirya iya bhasokoro. ²⁹ Nkobhora umutuho ngwarwa ko Waryobha teghukusyoryahe. ³⁰ Nkokobha hano yasimiri bhenyu mwarenge mumwangire Waryobha, nawe bhono munyore enokwe ko bhora yo obhoghambi bhwabho. ³¹ No obhoronge ubhwe enshera iyo, bhono Wayahudi mbamughira. Keno kyabha nigha ku ikyabhera keno monakyo bhenyu mbaratore bhoonswe kunyora enokwe. ³² Waryobha yabhohire abhanto bhoonswe kukughirya iyu ukumwisyorya, okoreke abhabhere bhoonswe. ³³ Kigho bhorenge ubhwame ne esoko no obhotoro ubhwa Waryobha! Tishikwishunshwa ibhina bheno bhekokengwa, nashenshera shitishunshirwe. ³⁴ "Mbora naora yamanyire amaiteghero agha Omonene? Hamwe nohe yabhaye umwahokanya waye? ³⁵ Hamwe newe yasimiri kohana Waryobha ekento? ³⁶ Nko bhora hano yarureho, kohetera enshera yaye (na) waye, ebhento bhyonse nhobhere. Abhe no obhohoreru ubhwa bhokora no bhokora. Ebhe kya igho.