¹ “Mwelinde kusohoza obhurungi bhwanyu omu maiso g'abhantu kabhabhabhona. Aha bhw'okubha aho Iseinywe asingiire omw'iguru alibha atachibhatunga mijisha. ² chityo obhw'olikugira esumbusho otayeranga nk'okwu engobhya zijira omu sinagogi n'omu chigo omu mbharabhara kuhaisilizibhwa abhantu. Nimbagambira ech'amazima, emijisha yabho bhajibhoine. ³ K'oragira esumbuso, obhumosho bhwawe butamanya cho bhulyo bhwawe bwhakora, ⁴ esumbushlo yawe etamanyika. Aho Sho abhona ebhyeshelekire alikuheera.” ⁵ “Kandi kamurabha kusoma ensara, nimuragirwa kutasama ngobhya. Benda kwemelera omu sinagogi n'okusomera omwo ensara, nangu n'omu mbarabhara z'ebhigo omu kona k'abhantu bhabhabhona. Nimbagambira amazima emperwa yabho bajibhoine. ⁶ Iwe obhwo orasoma ensara, otahe omu chumba chawe, ochinge orwiji, osome ensara ahali Sho atakubhoneka. Mara wenene Sho ogwo abhona ebhishelekire alikuheera. ⁷ Kandi omu kusoma ensara kwanyu mutalikanyisa bhigambo nka bhanyamahanga. Bhonene bhalenga bhati barahulirwa aha bhw'okugamba bhingi. ⁸ Mutabasana. Iseinywe mutakamusabhire nabha namanya ebhyo mulikwetaga.” ⁹ Ahonu musome ensara muti, “Isheichwe asingiire omw'iguru, eibhara lyawe lihabhwe ekitinwa. ¹⁰ Obhukama bhwawe bhwije, ebhy'ogonza bhikorwe omu nsi nk'omwiguru. ¹¹ Bhatutunge chir'echi echakulya cha bhuli chiro. ¹² Bhatugarulire amafu geitu, nk'okwu naitwe tugarulira abjatufakalira. ¹³ Bhatatutasya mu bhilengeso. Mara bhaturokore aha nyamubhi.' ¹⁴ Kubja kamuragaruliraga abhantu amafu gabho, Iseinywe asingiire omw'iguru nko na inywe arabagaruliraga. ¹⁵ chonka kamutagaruliire bantu amafu gabho, na imwe Iseinywe asingiire omw'iguru tabhagarulirega mafu ganyu. ¹⁶ “Kamurasiibha mutajunara nke ngobhya, ahakubha behindura aha maisho, ngu abantu bamanye okwu bhasiibhire. Nimbhagambira echilikwo, emperwa yabjo bhajibhoine. ¹⁷ K'orasiibha oyesige amajuta omu mutwe. ¹⁸ abhantu bhatakumanya okwo osibhire, aho Sho asingiire aheshelekire alikuheera. ¹⁹ “Mutalibhiika itunga lingi mu nsi mbali liliirwa enyenje mara likamoma, n'abhasuma mbali bhatema amaju bhakaliibha. ²⁰ Mubhiike eitunga omw'iguru, mbali litaliibwa nyenje anga kumoma anga bhasuma kutema nju bhakhaliibha. ²¹ Aha bhw'okuba mbali eitunga lyawe lili niho n'omutima gwawe guli.” ²² “Eliiso niyo ebha tara y'omubhili. Chityo k'eliisho lyawe lirabha lilige, omubili gwawe gwona gurabha guli omu musana. ²³ Kandi k'eliiso lyawe litalige, omubhili gwawe gwona guli omu mwilima. Mbwenu omusana oguli omuli iwe kaguraba guli mwilima, lero aho omwilima gwonene gungi guta?” ²⁴ “Taliho muntu yakukolera bhakama bhabhili. Aranobha omo, ayende asigaire; anga aragumira kimo ahali omo, asigaire amugaye. Timwakukolera Katonda na itunga. ²⁵ chityo nimbagambira, obhurora bhwanyu bhutabhaisa kahangahango, ngu muralyachi anga muranywachi, anga kufera emibhili yanyu mukosa, ngu murajwaraki. Obhurora tibhukusaga chakulya? Anga omubhili tigukushaga bhijwaro? ²⁶ Mulebhe ebinyonyi ebhiharara, tibhibhyara anga kusarura anga kubhiika mu sitoa. Chonka Iseinywe asingiire omw'iguru abhiliisa. Imwe timukubhisaja nsonga? ²⁷ Isi kamulikujira akahangahango, n'oha omuli imwe ayakweyongeraho n'akake konka aha bhurorabhwe?” ²⁸ “Kubaki ebhijwaro nibhibhaisa akahangahango? Mulebhe n'enyacho z'omu bhikamba emikulire yazo. Tizikora milimo ya mani anga kusuka myendo; ²⁹ chonka mbagambire, nangu na Solomoni n'ekitinwache chona tiyayambhaire kugobha aha kimuli kimo ahali ebhi. ³⁰ Ka Katonda asemeza atyo echikamba, echilikurora chir'eki, nyencha chikanagwa omu choto, tabhajweke kusagaho, imwe bhantu abhaina okwesiga kuke? ³¹ Ahonu muleke akahangahango mukwese, ‘Turalyaki anga turanywaki anga turajwaraki?’ ³² Manyasi abhanyamahanga ebhi nibho babiitanira, kandi okwo Iseinywe asingiire omw'iguru namanya okwo ebhyo bhyona mulikubhyetaga. ³³ Mubhanze mwitanire obhukamabwe n'ebiragirobhye, aho n'ebhi bhyona biliba byanyu. ³⁴ Aho nyencha eleke kubajiza akahangahango, aha rw'ensonga nyencha erayemanya obhwayo. Enaku z'echiro chimo nizimara aha bhwa chir'echo.