¹ “Mutaramura, nibhwo na imwe mutaliramurwa. ² Manyasi eiramu elyo mulikuramura nilyo iramu elyo muliramurwa. N'echipimo echo mulikupimamu nicho chipimo echo mulipimamu. ³ Ahakubhaki nobhona akabhanzi akali omu liiso lya murumuna wawe, chonka enchuma y'omuti eli omu liiso lyawe otalikujibhona? ⁴ Anga wakugambira ota murumuna wawe oti, ‘Kankwihyemu echibhanzi omu liiso,’ okwo iwe omu liiso elyawe halimu enchuma y'omuti? ⁵ Iwe ngobhya, obhanze oihye enchuma y'omuti omu liiso lyawe, nibhwo orabhonage okasobhora kwihya echibhanzi omu liiso lya murumuna wawe. ⁶ Ebhili bhitakatifu mutalibjiha mbwa. N'obhubhare bhwanyu bhw'eiguzi mutalibhurasira mpunu, zitalisiga zabhulibhatiliire zikaija kubhamara. ⁷ “Musabhe, mulihabhwa; muhige, mulibhona; mukonkone, mulichingulirwa. ⁸ Ahakuba asabha ahabhwa; ahiga abhona, n'akonkona alichingulirwa. ⁹ Nimuntuchi omuli imwe ow'omwanawe yakumusabha omukate akamuha eibhare? ¹⁰ Anga akamusabha enfuru, wenene akamuha enjoka? ¹¹ Imwe abhabhi kamurabha nimumanya kuha abhaana bhanyu ebhintu ebhirungi, lero aho Iseinywe asingiire omw'iguru arashagaho ata aha kuha ebhintu ebhirungi balinya abalikubimusabha! ¹² Aho bhyona bhyona ebhyo mwenda abantu kabhabhagilira, na imwe mubhibhagilire; manya nikwo Amateka galikuragira, n'abharangi nikwo basigire barangire.” ¹³ “Mutahire omu kihigi ekifundagataine. Echihigi echitwara ahabi kiba kihango mara n'omuhanda nigwanguha. Abhakitaahiramu bhabha bhangi. ¹⁴ Echhigi ecj'okutaahiramu kuja omu bhurora nikifundagatana, kandi n'omuhanda gw'okubhugobha niguguma. N'abhabhona obhurora obwo bhabha bhake. ¹⁵ “Muramanya abharangi b'ebishuba, abhalikwija ahali imwe bhajwete akahu k'entaama, chonka omunda misega eruruukire. ¹⁶ Murabhamanyiraga aha bhikorwa bhyabo. Ezabibu zakushoromwa omu mahwa anga etini zakusoromwa omu matoju? ¹⁷ Nikwo n'omuti gurungi gurabha ebhirabha bhirungi, chonka omuti gubhi gurabha ebhirabha bhibhi. ¹⁸ Omuti gurungi tigwakurabha bhirabha bhibhi, kandi n'omuti ogubi tigwakuraba bhirabha bhirungi. ¹⁹ Bhuli muti ogutaraba bhirabha bhirungi bhagutema bhagunaga omu muliro. ²⁰ Nikwo murabhamanyiraga aha bhikorwa bhyabho. ²¹ “Ti bhuli omo angambira ati, ‘Rugabha, Rugabha,’ alitaaha mu bhukama bhwa mw'iguru, sana olinya akora ebhyo Tata asingiire omw'iguru alikwenda. ²² chiro chiliinya bhangi balingambira bati, ‘Waitu Mukama, Waitu Mukama, twabashaga omw'ibhara lyawe, twabhingaga amasitani omw'ibhara lyawe, kandi tukakora bhingi eby'amani omw'ibhara lyawe.’ ²³ Nibhwo ndibhagambira amazima nti, ‘Tindikubhamanya n'akati; mundugeho imwe bhafakare.’ ²⁴ “Bhuli omo ahulira ebhigambo bhyange ebhi akamara akabigobeseleza alisana omuntu omugezi ayayombekire enju aha rwazi. ²⁵ Enjura kayagwire, emigera ekatabha, omuyaga gwaija gwahuta enju ejo, chonka tiyakumbire aha rw'okuba omusingi gwayo gukaba guli aha rwazi. ²⁶ Na bhuli omo ahulira ebhigambo bhyange ebhi chonka atabigobesheleize, alisana omuntu omufera ayayombekire enju aha musenyi. ²⁷ Enjura eja egwa, emigera etabha, omuyaga gwihya guhuta enju ejo ekumba, mara likaba ikumba ly'amani.” ²⁸ Yesu kayamazire kugamba ebhigambo ebhyo, embaga etangazibhwa emyegeshezeye. ²⁹ Akabhegesa nk'omuntu ayabhaire aina obhusobhora, tiyabeegesize nka begesa bh'Amateka bhabho.