¹ Obhwo Yesu yabhoine embaga, atemba aha ibhanga. Kiyamazire kusuntama ahansi, abhegesibhwabhe bhamugobha. ² Abhanza kubhegesa ati, ³ “Bhabherwa abhoro omu mwoyo, kubha obhukama bhw'omw'iguru bhwabho. ⁴ Bhabherwa abhachura, aha bhw'okubha bhalimaramarwa. ⁵ Bhabherwa abhafura, ensonga bhalilya ensi. ⁶ Bhabherwa abhajira enjara n'eiliho ly'obhugorogoki, ahakubha bhaliguta. ⁷ Bhabherwa abhagira obhuganyizi, manya bhaliganyirwa. ⁸ Bhabherwa abh'emitima elikwera, aha bhw'okuba bhalibhona Katonda. ⁹ Bhabherwa abhaitanira emilembe, kubha bhalyetwa bhaana bha Katonda. ¹⁰ Bhabherwa abhagingiizibhwa nibhaturwa obhugorogoki bhwabho, ensonga obhukama bhw'omw'iguru bhwabho. ¹¹ Mulibha bhabherwa imwe obhwo abhantu bhalibhabheiyerera, bhakabhagingiiza nibhabhakomaho amahano aga bhuli ngeli kubhatura nyawe. ¹² Musanduke musemelerwe, ahakubha emperwa yanyu elibha mpango omw'iguru. Manya nikwo n'abhantu bhagingiize bhatyo abharangi abhabhebhembeire.” ¹³ “Imwe muli mwonyo gw'ensi. Chonka k'omwonyo gwakuseseka gwakusubha kurungwaki? Nigubhagutachinemugaso sana okunagwa aheru gukalibhatilirwa abhantu. ¹⁴ Muli musana gw'ensi. Echigo echombekirwe aha rusozi tibhakukisikiza. ¹⁵ N'abhantu tibhaacha tara bhakasubha bhakajijumikira chitukuru. Bhajiteka ahatungamire eyachiza bhona abhali omu nju. ¹⁶ Omusana gwanyu gubhe nikwo gwakiza abhantu, bhasobhore kubhona ebhikorwa bhyanyu ebhirungi bhasingize na Iseinywe asingiire omw'iguru.” ¹⁷ “Mutakulenga muti nkaija kwiyaho aMateka n'ebhy'abharangi bhasigire bhagambire. Tinaizire kubhiyaho sana kubhigobeseleza. ¹⁸ chityo nimbagambira echilikwo, kulemwa kugobha aha maheleruka g'eiguru n'ensi, akanyuguta kamo anga akatonyia kamo tibiliruga aha Mateka kuhika orwo bhiligobhelera bhyona. ¹⁹ chityo alihenda omuhango gumo omuli eji akasubha akabha nikwo ayegesa abhantu, ogwo alibha muke omu bhukama bhw'omw'iguru. Chonka omuntu alikwata akamara akegesa ogwo alibha muhango omu bhukama bhw'omw'iguru. ²⁰ Ensonga kambagambire, k'obhugorogoki bhwanyu mulibha mutabhusagize bhegesa bh'Amateka na Bhafarisayo, timuliziza kutaha mu bhukama bhwo mw'iguru.” ²¹ “Murahuliire okwo bhagambiire abhakale bhati, ‘Otaliita; mara wenene aliita alikwatwa omusango’ ²² chonka Nyawe nimbagambira nti; akunigarira omurumuna alikwatwa omusango. Akujuma omurumuna bhamulete omu ruchiiko rw'abhagurusi. Akugamba ati, ‘Oli mufera!’ Omuntu ogwo alinagwa omu rwoto rw'omuliro. ²³ Ahonu k'orabha nohonga echihongo chawe ahali alutare, okaijuka okwo murumuna wawe aina echigambo ahali iwe, ²⁴ osige echihongo chawe ahali alutare ogende. Obhanze osobhokerwangane na murumuna wawe, aho obe nibhwo ogaruka okaleta echihongo chawe. ²⁵ Oyanguhe ohimale nalikukutoijera obhwo muchali omu muhanda nimuja omw'iramuliro, chikutoijera ataija akakunaga omu mikono y'omuramuzi, omuramuzi akakukwasa omulinzi, aho bhakakunaga mabhusi. ²⁶ Nimbagambira echilikwo, toliziza kurug'omwo kuhika obhwo olisasura echapa ch'enzindo.” ²⁷ “Murahuliire okwo bhagambire bhati, ‘Otalisiyana.’ ²⁸ chonka nyawe nimbagambira nti: Bhuli muntu aleha omukazi eliiso akamwegomba, ogwo abha yasiyaine nawe aha mutima. ²⁹ K'eliiso lyawe lya bhulyo lirabha nilikusindika kufakara, olinonkoremu olinage. Nichirungi orugweho orujiingo rumo kusaga omubhili gwawe gwona kunagwa omu choto ch'omuliro. ³⁰ K'omukono gwawe gwa bhulyo gurabha nigukusindika kufakara, ogutemeho ogunage.achili kurugwaho orujingo rumo kusaga omubhili gwawe gwona kugwa omu choto ch'omuliro. ³¹ “Bhakasubha bhagamba bhati,alabhinga ‘omukazi amuhe ebharua y'okumutaana.’ ³² chonka nyawe nimbagambira nti: Bhuli omo agunga mukaziwe, sanasi aha rw'ensonga y'obhusiyani, ogwo abha nasiyanisa omukazi ogwo. N'ashwera omukazi agungirwe nawe ogwo abha nasiyana. ³³ “Kandi murahuliire okwo bhagambiire abh'eira bhati, ‘Otalirahira bishuba, ech'orahiire aha Mukama ochigobhye.’ ³⁴ chonka nyawe kambagambire: Otaziza kurahira. Otarahira okajuliza iguru, ahakuba eiguru libha chitebhe cha Katonda. ³⁵ Otalahira okajuliza nsi, ensonga ensi ebha katebhe ka wenene ak'ahumuzaho amaguru. Otalijuliza Yerusalemu, aha bhw'okuba chibha chigo ch'Omukama muhango. ³⁶ Otalijuliza mutwe gwawe, enshonga orushoke n'orumo tiwakurwiraguza anga kurweza. ³⁷ Iwe ogambe oti, ‘Ego’ anga ‘Chei.’ chona chona echakusaga aha kiba nikitabuka ahali Sitani.” ³⁸ “Murahuliire okwo bagambire bati, ‘Eliisho liihwa linu, n'eliino liihwa linu.’ ³⁹ chonka nyawe nimbagambira nti: Omuntu omubi otalimusimbalira. K'omuntu alikutera eitama lya bulyo, iwe ohinduke omuhe n'elindi. ⁴⁰ K'omuntu alikutoijera akataho n'okukwaka ekoti yawe, muleke atware n'ekanzu yawe. ⁴¹ K'omuntu alikugimba kugenda nawe ekilomita emoi, ogende nawe ekilomita ibhili. ⁴² K'omuntu alikusabja echntu ochimuhe, kandi alikwehozaho otamwangira. ⁴³ “Murahuliire okwo bagambire bati, ‘Ogonzega mutahi wawe, kandi onobe omubisha wawe.’ ⁴⁴ chonka nyawe nimbagambira nti: Mugonzega ababhisha banyu, mushabirega ababagingiiza, ⁴⁵ nibhwo muliba baana ba Iseinywe asingiire omw'iguru. Kubha wenene ajwisiza ababi n'abharungi omusana, kandi abagorogoki n'abatahikiliire abagwisiza enjura. ⁴⁶ Isi kamuragonzaga abababagonza mulibona mperwaki? N'abashoza tibakora bhyonene ebhyo? ⁴⁷ Isi kamurashuura barumuna banyu bonka, aho abasigaire mwabasagisahoki? N'abanyamahanga tibhyo bakora bhyonene ebhyo? ⁴⁸ Aha bhw'echo nimuragirwa kubha bahikilire nk'okwu Iseinywe asingiire omw'iguru ali muhikiilire.”