¹ Yesu kayamazire kugamba ebyo byona, yagambira abegesibwabe ati, ² “Nimumanya akwo hasigaire ebiro bibili echiro cha Pasika kugoba, kandi Omwana w'Omuntu nibaija kumukwasa ababisha kumubamba.” ³ Aho abakuhani bakuru n'abagurusi b'embaga bateranira omu chikaare ch'Omukuhani Nyamukuru ayabaire nayetwa Kaifa, ⁴ batensa okwo barakwata Yesu kitamanyikire bakamwita. ⁵ chonka bagamba bati, “Tutamukwatira mu kiro kikuru, rutaija rukaba rushengo omu bantu.” ⁶ Yesu kayabaire ali Betania omwa Simoni omubembe, ⁷ haija omukazi aina echupa y'eibare einamu amajuta g'eiguzi lihango muno, amugoba agamushesha aha mutwe, aho wenene ali aha meza nalya. ⁸ Abegesibwa kabaaboine batyo batamwa, bagamba bati, “Amajuta aga gafaki? ⁹ Manyasi gakuguziibwe garugwamu empiha zitali zijege tuziha abanaku.” ¹⁰ Yesu kayabimanyire ababaza ati, “Kubjaki nimwita kubi omukazi ogu? Aha bhw'enshonga yankolera ekintu kirungi. ¹¹ Buli kaanya imwe abanaku muba mwinabo, kyonkai inye timulikwija kwikara nanye biro bhyona. ¹² Okunsiiga amajuta aga omubili gwange, yakikora kuntekateka kuziikwa. ¹³ Nimbagambira amazima, hona hona omu nsi mbali amakuru garungi aga gararangwaga, echo yakora balikibarura nibamwijuka.” ¹⁴ Omoi omu begesibwa 12 ayayetwaga Yuda Isikariote, akwata omuhanda agya omu bakuhani bakuru, ¹⁵ ababaza ati, “Murampaki kandamubanaga omu mikono?” Bamushashura ebhichweka makumi gashatu by'efeza. ¹⁶ Kuruga aho ata nahigiliza obushango bw'okumubanja. ¹⁷ Aha chiro cha mbere ch'Omukate Gutatumbisiibwe, abegesibwa bhaija ahali Yesu bhati, “Noyenda tukushemeleze nkahai mbali oraliira Pasika?” ¹⁸ Abahorora ati, “Muje omu kigo omw'Omuntu nanka, mumugambire muti, ‘Omwegesa nagamba okwo akanya kagoba; naija kushemeleza Pasika omwawe hamo n'abegesibwabe.’ ” ¹⁹ Abegesibwa bhakora nk'okwo Yesu yabaragiilira, batekateka Pasika. ²⁰ Eizoba kalyatobeire araagira n'abegesibwabe 12. ²¹ Obhwo babaire nibaraagira agamba ati, “Mbagambiire amazima, omuli inywe halimu arambanja.” ²² Bajumara muno, babanza kumubaza omo omo bati, “Mukama n'inye?” ²³ Ahorora ati, “Owo twakoza hamo omu pakuli niwe alikwija kumbanja. ²⁴ Omwana w'Omuntu naija kufa nk'okwo kyamuhandikirweho, chonka alibona ogwo alikwija kubanja Omwana w'Omuntu! Chakusemeire k'omuntu ogwo yakuba atazairwe.” ²⁵ Yuda ayamubanzire abaza ati, “Rugaba n'inye?” Yesu amuhorora ati, “Wakigambakwo!” ²⁶ Kababaire nibaragira, Yesu akwata omukate, asiima, agubegura, aguha abegesibwabe agamba ati, “Tora mulye; ogu mubili gwange.” ²⁷ Ashuba akwata ekikompe, kayamazire kusiima nakyo akibaha nagamba ati, “Mukinyweho inywena; ²⁸ aha rw'okuba obu bwamba bwange obw'endagano empya obulikwija kushesheka aha rwa bangi kabagarulirwa entambara zabo. ²⁹ Mbagambiire, tinkishuba kunywa divai kuhika kiro ekyo ndinywa empya omu bhukama bwa Tata.” ³⁰ Kabamazire kuhoya oruhoya baturuka bagya omw'ibanga ly'Emizeituni. ³¹ Aho Yesu agambira abegesibwabe ati, “Omw'itumbi eli nimwija kwiruka mukannagaho. Manya kikahandikwa kiti, ‘Nditera omushumba, obuhyobwe bw'entaama bwenaganage.’ ” ³² “chonka obhwo ndahimbuka ndabebembera Galilaya.” ³³ Petero amugambira ati, “N'orwo bona barairuka bakakunagaho, inye tinkunageho n'akake.” ³⁴ Yesu amugambira ati, “Nkugambire amazima, omu kiro omu mwonene, ensaki etakakokoromire, oranyetonga kasatu.” ³⁵ Petero amugambira ati, “N'obhwo ndaragirwa kufa na iwe, tindikwija kukwetonga.” Abegesibwa bona nabo bagamba batyo. ³⁶ Nikwo Yesu kugenda n'abegesibwabe abo omu mwanya ogulikwetwa Getisameni, abagambira ati, “Mushuntame hanu aha, inye ngye kulinya kushoma ensara.” ³⁷ Agenda na Petero na batabani ba Zebedayo babili, abanza kujunaara n'okubangaranwa omwoyo. ³⁸ Abagambira ati, “Omwoyo gwange gwina obhujune bhungi muno, ndaliire kufa. Mwikare hanu aha. Mutanagira, twikare hamoi.” ³⁹ Agendaho akatambi kake ajumara ahansi ashaba ati, “Tata, kakilikushoboka ekikompe eki kimpingure; chonka bhitaba kwo nyawe ndikwenda, sana bhibhe okwo iwe olikwenda.” ⁴⁰ Agoba abegesibwabe ashanga banagiire. Agambira Petero ati, “Imwe mwalemwa kwikara nanye mutanagiire esaa emo yonka? ⁴¹ Mutanagira, mushome enshara mutaija mukagwa omu kilengeso. Omu mazima omwoyo nigwenda chonka obunyama bujege.” ⁴² Ashuba agenda elya kabili asabha ati, “Tata, k'echikompe echi kitalikumpingura ntakinyoire, ech'olikwenda chibhe.” ⁴³ Ashuba aija ashanga banagiire, okubja oturo tukaba tubhachilize amani. ⁴⁴ Ashuba abasigaho ashaba omurundi gwa kasatu, nagamba emigambire yonene. ⁴⁵ Aho agoba abegesibwabe ababaza ati, “Mukyanagiire, muhumwire? Leba esaa yagoba, Omwana w'Omuntu baija kumubanja kumunagira abafakare. ⁴⁶ Imuka tushangwe nitugenda, leba embanzi yange niy'ejo yaija.” ⁴⁷ Yesu kayabaire akyagamb'ebyo, Yuda omo omw'ikumi na babili aija n'embaga etali nke bhaina embanda n'erungu, batumirwe abakuhani bakuru n'abagurusi b'embaga. ⁴⁸ Embanzi ekashangwa yabahaire akamanyiso negira eti, “Owo ndanywegera niwe wenene, mumukwate.” ⁴⁹ Niho honka agoba Yesu nagamba ati, “Kamelere Rugaba!” Mara amunywegera. ⁵⁰ Yesu amubaza ati, “Munywanyi wange, waletwaki?” Nikwo kwija bakamutaho engaro, bakamukwata. ⁵¹ Aho oraleba! Omo omu bho Yesu yabaire ainabo aimucha omukono asohorora echisyo achitemesa omwiru w'Omukuhani Nyamukuru amutemaho okutu. ⁵² Aho Yesu amugambira ati, “Garura echipanka omu chiraro chacho. Ensonga bhona abakwata embanda bhalimarwaho embanda. ⁵³ Nolenga oti tinakugambira Tata, aho n'aho akantwekera amahe agashagire 12 ag'abamalaika? ⁵⁴ Isi aho ebihandiko bitakatifu biragobelera maki okwo ebi bili by'okubaho?” ⁵⁵ Omu kaanya ako Yesu agambira embaga ejo ati, “Mwanzinda n'embanda n'erungu kunkwata nk'omushuga? Buli kiro nashuntamaga Rwensinga n'inyegesa, timukankwataaga. ⁵⁶ chonka ebi bhyona byabaho eby'abarangi bagambire omu bihandiko bitakatifu kabigobelera.” Aho abegesibwa bona bamunagaho, bairuka. ⁵⁷ Abakwasire Yesu bamutwalira Kayafa Omukuhani Nyamukuru, niho n'abagurusi n'abegesa b'Amateka babaire bateraniire. ⁵⁸ Petero yamuhondera nasigara haraimu, agoba nyarubuga omw'Omukuhani Nyamukuru, ataha omunda asuntama n'abalinzi kulebha enzindo erab'eha. ⁵⁹ Abakuhani bakuru n'orukiiko rwona ruhanyahanyia ebishuba eby'okuhangilira Yesu babone kumwita. ⁶⁰ chonka n'orwo bamuhangiliire bingi enshonga tiyazokire n'emoi. Obugenda bw'eira harugwamu babili ⁶¹ bagamba bati, “Omuntu ogu agambire okwo alikushobora kukambura Rwensinga ya Katonda, akasuba akagyombekera ebhiro bhisatu.” ⁶² Omukuhani Nyamukuru ayemelera amubaza ati, “Toina kyakuhorora? Aba nibakutoijera ahali biha?” ⁶³ chonka Yesu tiyajegire. Omukuhani Nyamukuru ashuba amugambira ati, “Nakutaho Katonda asingiire, tugambire k'oraba niwe Kirisito Omwana wa Katonda!” ⁶⁴ Yesu agamba ati, “Wakigamba. Chonka mbagambire, ahanyuma nimwija kubona Omwana w'Omuntu asingiire aha bhulyo bw'Omushobora, naletwa omu bichwi.” ⁶⁵ Nikwo Omukuhani Nyamukuru kutagura enyambarwaze akagamba ati, “Yarogota! Abajulizi tukyahiiga baahai? Imwe nywenene mwayehulilira okwo yarogota. ⁶⁶ Nimuramuraki?” Bahorora bati, “Naragirwa kufa.” ⁶⁷ Aho bamuchwera omu maisho, bamutera. Nangu abandi bamutera empi, ⁶⁸ nibagamba bati, “Otubbaasire, iwe Kirisito! Ayakutera n'ohi?” ⁶⁹ Aho Petero akaba ashuntamire aheru omuli nyarubuga. Omuzana aija amugoba agamba ati, “Naiwe waba oina Yesu Omugalilaya.” ⁷⁰ Petero ayetonga echigambo echo omu maisho ga bona, nagamba ati, “Eby'olikugamba tindikubimanya.” ⁷¹ Kuturuka ati nagoba omu kishasi omuzana ondijo amubona, agambira ababaire bemeleireho ati, “Omushaija ogu yaba aina Yesu owa Nazareti.” ⁷² Petero ashuba ayetonga ekigambo ekyo narahira ati, “Omushaija ogwo inye tindikumumanya.” ⁷³ Akaanya kagufi kahinguraho ababaire bali aho baija bagambira Petero bati, “ch'amazima naiwe oli wabo; nangu n'emigambire yawe nekubanja.” ⁷⁴ Nikwo kubanza kurahira nayekeena ati, “Inye nti omushaija ogwo tindikumumanya.” Aho n'aho enkokoromi ekookoroma. ⁷⁵ Nikwo Petero kwijuka ekyo Yesu yabaire agambire ati, “Ensaki etakakokoromire oraba wanyetongire kasatu.” Asohora alira muno.