¹ Yesu aruga Rwensinga. Kayabheire nagenda abhegesibhwabe bamwoleka amaju ga Rwensinga. ² chonka wenene abhahorora ati, “Amaju aga gona timukugabhona? Nimbagambira amazima, hanu aha taliho ibare lilisigara ahali linu, litakambwirwe.” ³ Kayabheire asuuntamire aha Ibhanga ly'Emizeituni, abegesibwa bhamugobaho aha kabaju, nibagamba bati, “Otugambire, ebhi nibibaho maki, n'akabhonero k'okwija kwawe n'echiro ch'amaheleruka ni chiha?” ⁴ Yesu abhahorora ati, “Muramanya omuntu atalija akabhanaga. ⁵ Manya bhangi bhalija omw'ibara lyange, nibagamba bhati, ‘nyawwe ndi Kirisito,’ mara balihabisa bangi. ⁶ Mulihuliza endashana zingi n'engungungu y'endashana. Mwelinde mutalihukuka mitima; ebyo biragiirwe kubaho, kyonkai amaheleruka tigakabaire. ⁷ Nobona eihanga lilitabalira elindi, n'obukama bulitabalira obundi, halibaho n'eifa litali limo n'emisisi oku na kuli: ⁸ ebyo byona mbandizo kushai y'enaku.” ⁹ “Balibanagira ab'okubabonesa enaku, balibaita. Amahanga gona galibanoba nigabatura eibara lyange. ¹⁰ Abali bangi baligwa, omuntu abanje mutahiwe, balinobangana. ¹¹ Halibaho abarangi bangi b'ebishuba mara balihabisa abantu bangi. ¹² Entambara zilyeyongera, n'engonzi omu bantu zilichwija. ¹³ choonka alyegumisiliza kugoba aha nzindo ogwo alirokoka. ¹⁴ Kandi evangeli egi y'obukama bw'omw'iguru elirangwa omu nsi yona, niyo eliba bujulizi omu bantu bona; aho nirwo amaheleruka galibaho.” ¹⁵ “Kamulibona eihano nyamwita, ely'omurangi Danieli yagambire, lyemeleire ahatakatifu (alikushoma ashobokerwe), ¹⁶ abalishangwa bali Buyahudi basingirwe omu mabanga. ¹⁷ Alisangwa ali aha higuru y'enju atalikuburuguka kuhiiga echili omu nju. ¹⁸ Alishangwa ali omu ndimiro ataligaruka kuhiiga bebo. ¹⁹ Bambi abakazi abalishangwa baina enda n'abaliba niboncha omu makiro ago! ²⁰ Musabhe mutalisingwa chili chiro cha mbeho anga chili chiro cha Sabato. ²¹ Aha bhw'okuba halibaho ebiyengo by'amani ebitakabonekaga kwema ensi yatondwa kuhika mambwenu; mara tikilishuba kuzoka rundi. ²² K'ebiro ebyo bitakugufaziibwe, taliho muntu yakurokokire. Chonka aha rw'endonkwa ebiro ebyo biligufazibwa. ²³ Omuntu aije abagambire ati, ‘Inywe, leba Kirisito niw'ogu aha!’ Anga, ‘Ali halinya!’ Mutalikiliza chigambo echo. ²⁴ Balyeyeta Kirisito, n'abarangi b'ebishuba balibaho, bakore obubonero n'ebitangazo, kakyakushoboka bahabise nangu n'endonkwa. ²⁵ Mulimanya, nabagambira lichali kara. ²⁶ chityo kabalibagambira bati, ‘Niw'ogwo omw'irungu,’ mutalijayo. Kabaligira bati, ‘Ali enjuruguru,’ mutalikiliza. ²⁷ Nk'okwo orurabyo rwema oburugaizoba rukaatangura ensi rukagoba obugwaizoba, nikwo n'emiizire y'Omwana w'Omuntu elishusha. ²⁸ Mbali omutumbi guli, niho na kagoma zeshombokeza.” ²⁹ Omu makiro ago orwo ebiyengo bilihwamu biti, eizoba lilibundwa omwilima, n'okwezi tikulishamura, n'enyanyinyi zilitongoka aha iguru, n'eby'okutangaza eby'omw'iguru bilitengeta. ³⁰ Nibhwo haliboneka akabonero k'okuranga Omwana w'Omuntu eiguru, aho enganda zona z'omu nsi zilichura, balibona Omwana w'Omuntu naletwa omu bichwi aina amani n'ekitinwa. ³¹ Alituma abamalaika batangure enzamba kweta abantu, balishomboza endonkwaze kuruga omu nsi zona, kwema ndekelero egi y'eiguru kuturuka aha ndijo.” ³² “Mwegere aha muti gw'omutini: Orwo amatagi gagwo goroba, gakatutura obubabi, mumanya okwo ekyanda kyaija haihi. ³³ chityo obhwo mulibona ebi byona, mumanye okwo Omwana w'Omuntu ali haihi, yagobire aha bihigi. ³⁴ Mbagambiire amazima, omuzarwa ogu tigulihagaho kuhika orwo ebi bilibaho. ³⁵ Eiguru n'ensi bilichweka, kyonkai ebigambo byange tibilichweka.” ³⁶ “Nawe ekiro ekyo n'esaa egyo taliho alikubimanya, nangu n'abamalaika b'omw'iguru, nangu n'Omwana w'Omuntu, shana Tata wenka. ³⁷ Emiizire y'Omwana w'Omuntu elishusha ebyabaireho omu makiro ga Noa. ³⁸ Manyasi omutunga gutakaizire abantu bakaba nibalya, nibanywa, nibashwera, nibashwerwa, kuhika chiro echo Noa yatahiire omu bwato. ³⁹ Mara tibaina kyobamanyire, omutunga gwalemwa gwaija gwabamira gwabamaraho, nikwo n'emiizire y'Omwana w'Omuntu eliba. ⁴⁰ Abashaija balishangwa bali babili omu ndimiro, omoi balimutwara hasigarweho omoi. ⁴¹ Abakazi balishangwa bali babili aha rubengo nibasa, omoi balimutwara hasigarweho omoi. ⁴² Aha rw'ekyo mwikare muzoire amaisho, aha rw'enshonga timulikumanya kiro eky'Omwana w'Omuntu aliiziraho. ⁴³ chonka mwekomye ekigambo eki: Nyin'enju kayakumanyire esaa ey'omushuma araiziraho omw'itumbi, yakwikaire narora tiyakumulekire kumutemera nju. ⁴⁴ chityo nainywe kwakwo mwikare mwetekatekire; ahakuba rw'okuba Omwana w'Omuntu aliizira aha saa eyo mutetegeire.” ⁴⁵ “Ni mwiruki omwesigwa mara omugezi owo mukamawe yasigire yakwasa ekaye kubagabira ebyakulya orwo esaa y'okulya yagoba? ⁴⁶ Omwiru ogwo aliba muberwa orwo mukamawe alija akashanga nagabira aba wenene nk'okwo yamuragiire. ⁴⁷ Nimbagambira amazima, alimutaho kugelera ebye byona. ⁴⁸ chonka omwiru mubi aije alenge aha katimake ati, ‘Mukama wange yakelererwa,’ ⁴⁹ abanze kutera abairu batahibe, alye, anywe n'entamiizi, ⁵⁰ mukama w'omwiru ogwo aliizira aha chiro echo atamwetegeire, aletwe esaa ey'atalikumanya. ⁵¹ Omukama ogwo alibonabonyia omwiru mubi, amunage omu ngobya; omu ngobya ezo nimwo abantu barachuliraga bakanena n'amaino.