¹ Yesu n'abegesibwabe kababaire bailira Yerusalemu, bagobera Betifage Eibanga ly'Emizeituni. Aho Yesu atuma abegesibwa bhabili, ² nagamba ati, “Mugende omu charo echbali omu maisho, murayanguha mubhone endogobe esibikire, eraba eina omwana gwayo; muzisibure muzindetere. ³ K'omuntu aragira echo yababaza mumuhorore muti, ‘Omukama nazetaaga,’ arayanguha azintwekere.” ⁴ Echi kikabaho kugobesheleza eky'omurangi yagambire ati, ⁵ “Mugambire ekigo kya Sioni muti, Leba, Omukama wawe nahabukira omuli iwe, mwetohya ali aha ndogobe, n'omwana gw'endogobe, endogobe nto. ⁶ Abegesibwa bagenda bakora nk'okwo Yesu yabaire abaragiliire. ⁷ Baleta endogobe n'omwana gwayo, bazaraho ebijwaro byabo, Yesu akuuba aha ndogobe. ⁸ Embaga enyingi eyara ebijwaro byayo omu muhanda, abandi batema amatagi g'emiti nago bagara omu muhanda. ⁹ Embaga eyabaire emwebembeire n'eyamurugire enyuma etamu orushaaro ekwese, “Hosana Mwana wa Daudi! Ni kilimugisha ogu ayaija omw'ibara ly'Omukama! Hosana omw'iguru muno!” ¹⁰ Kayatahire ati Yerusalemu echigo chona kyayagalikana, nibagamba bati, ¹¹ “noha21Yesu n'abegesibwabe kababaire bailira Yerusalemu, bagobera Betifage Eibanga ly'Emizeituni. Aho Yesu atuma abegesibwa babili." ¹² Yesu ataha omuli Rwensinga ya Katonda, abingamu bhona ababaire nibagulizamu n'okuguliramu ebintu. Emeza z'abahingi b'empiha n'ebitebe by'abaguza b'ebiiba abichulengura. ¹³ Abagambira ati, “Kikahandikwa kiti, ‘Enju yange baligyeta nju y'enshara;’ mbwenu inywe mwagihindura mpako y'abhanyagi.” ¹⁴ Abaigazi b'amaisho n'abalema bamugoba omuli Rwensinga, abhakiza. ¹⁵ chonka abakuhani bakuru n'abegesa b'Amateka kababona eby'okutangaza ebhyo yakora, n'abaana omuli Rwensinga nibahoya bakwese, “Hosana Mwana wa Daudi,” batamwa. ¹⁶ Bamugambira bati, “Ebyo aba balikugamba nobihulira?” Yesu abagambira ati, “Ego, isi timukashomaga kigambo eki, Enkelemeke n'abalikwonka okabegesa okuhaisiliza okuhikiliire?” ¹⁷ Kayamazire kubarugaho aturuka omu kigo aja Betania, niyo yaraire. ¹⁸ Omu bwancha Yesu kayabaire nagaruka omu chigo cha Yerusalemu, ajira enjara. ¹⁹ Abona omuti gw'omutini aha muhanda, agenda agugobaho, chonka tiyagushangireho kantu shana amabhabhi gonka. Agugambira ati, “Tolishuba kurabha bhirabha rundi!” Aho honka omutini gwoma. ²⁰ Abegesibwa kubona echo chibhabhera kitangaro; bagamba bati, “chabha kita omutini kwoma aho honka?” ²¹ Yesu abahorora ati, “Nimbagambira amazima, kamuligira okwesiga mutalengeshainyie n'akake, timulikora kushai eby'omutini gwaba, nawe muligambira n'eibanga eli muti, ‘Oruge aha ogwe omu nyanja,’ mara kilibakwo. ²² Kamulyesiga, bhyona ebhyo mulishaba omu nshara mulibihabwa.” ²³ Yesu kayatahire Rwensinga, abakuhani bakuru n'abagurusi b'embaga bamugoba nayegesa, bamubaza bati, “Ebi nobikoza bushoboraki, mara n'ohai ayabukuhaire?” ²⁴ Yesu abahorora ati, “Nanye kambabaze; kamurampa empororo aho nanye ndabagambira obushobora obwo ndikukoza ebi. ²⁵ Okubatiza kwa Yohana kukaruga nkahai? Kukaruga omw'iguru anga omu bantu?” Bonene abo babanza kubazangana bonkai, “Katuragira tuti, ‘Kukaruga omw'iguru,’ aratugambira ati, ‘Isi aho nka mutamwikiliize?’ ²⁶ Katuragira tuti, ‘Kukaruga omu bantu,’ aho kandi embaga nitugitina; aha rw'okuba abantu bona nibaikiliza okwo Yohana yabaire ali murangi.” ²⁷ vhityo bahorora Yesu bati, “Titulikumanya.” Na wenene abagambira ati, “Nanye timbagambire bushobora bwo ndikukoza ebintu ebhi.” ²⁸ “Nimulenga muta? Omuntu omo akabha aina abatabani bhabili. Aija aha wa mbere amugambira ati, ‘Mwana wange,chir'echi ogende okore omu ndimiro y'emizabibu.’ ²⁹ Omwana amuhorora ati, ‘Tindikugyayo.’ chonka ahanyuma ayechuza ajyo. ³⁰ Agya aha wa kabili amugambira byonene byonene. Ogwo amugambira ati, ‘Waitu ndagyayo,’ kyonkai tiyagiireyo. ³¹ Omu babili ayakozire okwo ishe yabaire nayenda n'oha?” Bahorora bati, “Owa mbere.” Yesu abagambira ati, “Mbagambiire amazima, abashoza n'abamalaya balibataahira mbere omu bhukama bhwa Katonda. ³² Aha rw'enshonga Yohana akaija ahali inywe ali mugorogoki, chonka timwamwikiliize, kandi abashoza n'abamalaya bakamwikiliza. Na inywe n'orwo mwabyeboneire timwayechulize n'okumwikiliza timwamwikiliize.” ³³ “Hulira enfumo endijo. Hakaba haliho nyin'enju ayabaire alimire endimiro y'emizabibu; yagizingoza orugo, yagilimamu eijungiro, yayombeka n'omunara, yamara yagikwasa abakozi, yakwata omuhanda yagya omu nsi endijo. ³⁴ Ekirumo ky'okunogeramu ebiraba kakyagobire, yatweka abairube aha bakozi kabamutwalira ebirababye. ³⁵ Abakozi bakwata abairube abo, ogu bamutera, ogu bamwita, ondijo bamuteza amabare. ³⁶ Ashuba atuma abairu abandi abalikushaga aba mbere; babakora emikolere yonene yonene. ³⁷ Ahanyuma atuma omutabani buchwichwi, nagamba ati, ‘Barakunira omwana wange.’ ³⁸ Nawe abakozi kabaaboine omutabani ogwo bagambirangana bati, ‘Ogu niwe musikawe, mwije tumwite, obusika tubutware.’ ³⁹ Bamukwata bamunaga enjai y'endimiro y'emizabibu, mara bamwita. ⁴⁰ Mbwenu aho mukama w'endimiro y'emizabibu kalilimuleta, abakozi abo alibagira atai?” ⁴¹ Bamugambira bati, “Abashengi abo alibaita orufu rubi, endimiro y'emizabibu agikwase abakozi abandi abaramuhaga ebiraba omu birumo byabyo.” ⁴² Yesu abagambira ati, “Timukashomaga bihandiko mbali bilikugamba biti, ‘Eibare lyonene lyonene elyo abombeki bayangire, nilyo libaire ibare likuru ly'epembe; echo chikakorwa omukama wenene, nitukibona, nikitutangaza?’ ⁴³ Aha rw'echo mbagambire, obukama bwa Katonda balibubaaka babuhe ihanga lindi elilikugobesheleza ebhyo bulikuragira. ⁴⁴ Kaishe muntu aligwa aha ibare elyo alisinjagulika, kandi owo liligwera alisasanuka." ⁴⁵ Obhwo abakuhani bakuru n'Abafarisayo bahuliire enfumoze ezo, bamanyirayo okwo alikugamba bonene. ⁴⁶ Balengesa kumukwata, kyonkai batina embaga, ahakuba abantu bamubonaga ali murangi. ogu?”