¹ Yesu kayamazire kugamba ebyo byona, yaruga Galilaya, yataha omu mukoa gwa Buyahudi buseli bwa Yorudani. ² Embaga nyingi emuhondera, abakilizayo. ³ Abafarisayo baija mbali ali, bamubaza nibamulenga bati, “Nikijuburwa kutambya omukazi aha rw'enshonga yona yona?” ⁴ Abahorora ati, “Timukashomaga okwo ayatonzire omushaija n'omukazi kwema orwa mbere akatonda omushaija omoi n'omukazi omoi? ⁵ Aha rw'ekyo omushaija arasigagaho ishe na nyina ajwangane na mukaziwe, mara ababili abo barabaga mubili gumoi. ⁶ Kityo tibakili babili, babaire mubili gumoi. Ahonu abo Ruhanga yajwangainyie, omuntu atabataishurana.” ⁷ Bamubaza bati, “Isi aho kubaki Musa yaragiire omuntu kutambya omukazi, akamuha ebarua y'obutaane?” ⁸ Yesu abahorora ati, “Aha rw'enshonga y'okugumangana kw'emitima yanyu nikyo Musa yabajubuliire kutambya abakazi. Kyonkai kwema orwa mbere tikwo byabaire bili. ⁹ Nimbagambira: Kaishe muntu atambya omukazi, shana aha rw'enshonga y'obusiyani, akashwera ondijo aba nasiyana.” ¹⁰ Abegesibwa bamugambira bati, “Eby'omushaija na mukaziwe kabiraba nikwo bili bityo, aho okushwera tikwina mugasho.” ¹¹ Wenene abagambira ati, “Ti bantu bona bakwemera kigambo eki, shana abakihairwe bonkai. ¹² Nomanya abaho abakobe abazairwe batyo, haliho abakobe abahindwirwe batyo abantu, kandi haliho abakobe abayehindwire batyo aha rw'okuhiga obukama bw'omw'iguru. Ayakubasa kwemera ekyo akyemere.” ¹³ Bamuletera abaana bato k'abataho emikono n'okubashabira. Abegesibwa bakabukira abantu; ¹⁴ Kyonkai Yesu agamba ati, “Muleke abaana bangobe, mutabatanga; manyasi abali nk'aba obukama bw'omw'iguru buba bwabo.” ¹⁵ Aho abataho emikono, ashuba agenda. ¹⁶ Omuntu omoi aija ahali Yesu amugambira ati, “Mwegesa, nindagirwa kukora kikorwaki ekirungi, nshobore kubona oburora obutahwaho?” ¹⁷ Yesu amuhorora ati, “Kubaki nombaza ekirungi ni kihai? Omurungi ab'omoi. K'oraba oli w'okutaha omu burora obutahwaho, okwate emihango.” ¹⁸ Omusigazi amubaza ati, “Mihangoki?” Yesu ahorora ati, “Otaliita, Otalisiyana, Otaliiba, Otalihangilira; ¹⁹ Okunirega sho na nyoko, Ogonze mutahi wawe nk'okwo iwe olikwegonza.” ²⁰ Omusigazi amugarukamu ati, “Egi yona ntura ningikwata. Mbwenu ekikyambuzireho ni kihai?” ²¹ Yesu amugambira ati, “K'olikugonza kuba muhikiilire, ogende oguze ebyawe, empiha ozihe abanaku, iwe oligira eitunga elyawe omw'iguru; aho oije ompondere.” ²² Omusigazi orwo yahuliire atyo agenda ajunaire, aha rw'okuba akaba aina eitunga lingi. ²³ Nikwo Yesu kugambira abegesibwabe ati, “Mbagambiire amazima, omutungi aligumirwa kutaha omu bukama bw'omw'iguru. ²⁴ Kansubhe mbagambire: Nichorobha engamia kuraba omu kahuru k'esindano, kusaga omutungi kutaha omu bhukama bhwa Katonda.” ²⁵ Abhegesibwa kabahuliire batyo batangara muno, bamubaza bati, “Aho alirokoka n'oha?” ²⁶ chonka Yesu abhaleba, asubha abagambira ati, “Omu bantu echigambo echi chigumire; chonka ahali Katonda ebhintu bhyona nibishoboka.” ²⁷ Nibhwo Petero yahoroire ati, “Lebha itwe tukasigaho bhuli kantu twakuhondera. Aho tulibhonaki?” ²⁸ Yesu abagambira ati, “Nimbagambira amazima, omu nsi ensya, obhwo Omwana w'Omuntu alisingira aha chitebhe ech'ekitinwa, na imwe abampondeire nikwo mulikalira etebhe 12, muramure enganda 12 za Isiraeli. ²⁹ Kandi bhuli omo arabha yasigireho amaju anga abharumuna anga munyanya anga ise anga nyina anga abhaana anga amatakage aha bhw'eibhara lyange, alirongorwa emirundi 100, asubhe abhonere chimo obhurora obutalihwaho. ³⁰ Nawe bhangi abhali bha mbere bhalibha bh'enzindo, n'abh'enzindo bhalibha bha mbere.