¹ Omu makiro ago abegesibwa baija ahali Yesu bamubaza bati, “Omuhango omu bukama bw'omw'iguru n'oha?” ² Ayeta omwana amubateka omugati, ³ mara abagambira ati, “Nimbagambira amazima, kamutahindukire mukasana bhaana, obhukama bw'omw'iguru timulibutahamu. ⁴ Ayetohaza nk'omwana ogu niwe muhango omu bukama bw'omw'iguru. ⁵ Mara ayatora omwana nk'ogu omw'ibara lyange atora inye.” ⁶ “Alisitaza omwana muto nk'ogu alikunyesiga akafakara, kyakugasire aha muntu nk'ogwo kumukoma orubengo ruhango omu bikya bakamutokya omu nyanja obuziba. ⁷ Ensi elikabona aha rw'enshonga y'ebilengeso. Ebilengeso tibyakuburwa kwija. Chonka alikebhona omuntu aleta ebilengeso. ⁸ K'omukono gwawe anga okuguru kwakukufakaza, okutemeho okunage. Hakili otahe omu burora obutalihwaho noburwaho orugingo rumoi anga olemaire kushaga emikono yombili anga amaguru gombili kunagwa omu muliro ogutalihwaho. ⁹ Eliisho lyawe kukufakaza, olinonkoremu olinage. Hakili otahe omu burora obutalihwaho oina eliisho limo kusaga okunagwa omu muliro ogutalihwaho n'amaisho gombili. ¹⁰ 10 “Mwelinde mutaligaya mwana n'omo. Kambagambire, abhamalaika bhabho omw'iguru buli chiro bali omu mabona ga Tata asingiire omw'iguru ¹¹ (Manyasi Omwana w'Omuntu akaija kurokora ababuzire). ¹² Nimulenga muta? K'omuntu aina entaama 100, emoi ekarugaho ekabhura, talikusiga 99 omu mabanga akagya kuhiiga ebuzire? ¹³ Isi k'alikugibona, mbagambire amazima, nagishemelerwa kushaga ekyenda na mwenda. ¹⁴ Kityo Tata asingiire omw'iguru talikugonza mwana n'omoi ahali aba k'afa kubi. ¹⁵ “Ka murumuna wawe arakufakalira, ogende omugambire obufubwe. K'arakuhuliliza, aho murumuna wawe ogwo wamwihyayo. ¹⁶ chonka k'atakuhuliliize ohiige ondijo anga abandi babili, buli kigambo ech'oramugambira kigireho obujulizi bw'abantu basatu. ¹⁷ K'arayanga kubahuliliza, aho ogambire enteko. K'arayanga kuhuliliza n'enteko, aho mpaho mumubone nk'omunyamahanga anga omusoza. ¹⁸ Nimbagambira amazima, buli chimo echo mulikoma omu nsi n'omw'iguru kilikomwa. Echo mulikomorora omu nsi n'omw'iguru chilikomororwa. ¹⁹ Nimbagambira, kamulyema babili omu nsi mukagira echo mwashaba, Tata asingiire omw'iguru alikibakolera. ²⁰ Aha rw'okuba mbali beshombokeize babili anga bashatu omw'ibara lyange, ndabaga ndi omugati yabo.” ²¹ Petero aija abaza Yesu ati, “Mukama wange, murumuna wange anfakaliire mugarulire kangahi? Ngobye emirundi mushanju?” ²² Yesu amugarukamu ati, “Tindikukugambira mirundi mushanju, sana 70 emirundi 7. ²³ “Aha bhw'echo obukama bw'omw'iguru bwakulengerwa aha mukama ayagondize kubara n'abairube ebhyo yabaire ababiikisize. ²⁴ Obhwo yabandize kubhara, bamuletera ayabaire aina eibanjalye ely'etalenta 10,000. ²⁵ Kayabuzire kushashura eibhanja elyo mukamawe aragira kabamuguza, n'omukaziwe n'abaanabe n'ebyo yabaire ainabyo byona, eibanja lihwe. ²⁶ Omwiru abandama ahansi amutagiliza ati, ‘Mukama wange onyegumisilize, ndakushashura etalenta zona.’ ²⁷ Mukamawe amuganyibwa amugarulira n'eibanja elyo. ²⁸ chonka omwiru wenene wenene ogwo, kayaturukire aheru, agwamu omwiru mutahiwe ayabaire aina eibanjalye ely'edinari 100. Amutamu enshumi y'omunigo amugambira ati, ‘Onsasure ebhyo ndikukutonga.’ ²⁹ Omwiru mutahiwe agwa ahansi amutagiliza akwese, ‘Onyegumisilize ndakushashura.’ ³⁰ Takunda, agenda amufunga kuhika orwo aramushashura. ³¹ Abairu batahibe kubona ebyabaho, obushasi bwija kubaita. Bakwata omuhanda baija bagambira mukama wabho bhyona ebyabaho. ³² Nikwo mukamawe kumweta akamugambira ati, ‘Iwe mwiru mubi! Nakugarulira eibanja elyo lyona orwo wantagiliza; ³³ iwe walemwa kugarulira omwiru mutahi wawe nk'okwo inye nakugarulira? ³⁴ Mukamawe anigara, amukwasa abalinzi ba mabusi kuhika orwo arashashura eibanja lyona. ³⁵ Nikwo na Tata asingiire omw'iguru alibagira inywena, k'omuntu atagaruliire murumuna obumaramunda.”