¹ Abafarisayo n'abegesa b'Amateka baruga Yerusalemu, baija ahali Yesu bamubaza bati, ² “Kubaki abegesibwa bawe basaga emichwo ya batat'enkurw'ichwe? Kabhalikwija kulya tibalikunaba mikono.” ³ Nawe ababaza ati, “Isi inywe kubaki mushaaga emihango ya Katonda aha rw'emichwo yanyu? ⁴ Kuba Katonda akahanga ati, ‘Okunire so na nyoko,’ kandi ati, ‘Ow'okukeena ishe anga nyina ogwo afe.’ ⁵ Nawe nimugamba muti, ‘K'omuntu yakugambira ishe anga nyina ati: Echo nakukuhaire nakihongeire Katonda, tachetaga kukunira ishe.’ ⁶ Inywe nimufaho emichwo yanyu chonka echigambo cha Katonda timukuchibonamu kantu. ⁷ Inywe ngobya! Isaya akaranga kurungi ahali imwe obhwo yagambire ati, ⁸ ‘Abhantu aba echitinwa nibampa eky'aha munwa, chonka emitima yabo tenyetaireho. ⁹ Nibafa kunfukamira, nibegesa Amateka agatairweho abantu okw'obon'oti nigo Mateka gange.’” ¹⁰ Yesu ayeta abantu abagambira ati, “Muhulire mara mushobokerwe: ¹¹ Echitaha omuntu omu kanwa ti kyo kimuhagaza, ahagazibwa ekimurugamu.” ¹² Aho abegesibwa baija bamugambira bhati, “Nomanya okwo Abafarisayo batamwa obhwo bahulira echigambo echi?” ¹³ Abahorora ati, “Bhuli muti ogwo Tata asingiire omw'iguru atabyaire gulisindurwa. ¹⁴ Mubhaleke; bebembezi abaigaire amaisho. Empume k'ekwata empume endijo omukono, bhonabhabhili bagwa omu china.” ¹⁵ Nawe Petero agamba ati, “tushoborore enfumo ejo.” ¹⁶ Yesu agamba ati, “Nainywe timukasobokeirwe? ¹⁷ Timulikubona okwo ekikataha omu kanwa kia omu rubunda, kikashuba kikaturuka?. ¹⁸ chonka echiruga omu kanwa kiruga aha mutima, mara echo nicho kihagaza omuntu. ¹⁹ Kuba ebitekelezo bibi biruga aha mutima, lebha: obhwitamuntu, obhusiyani, obhushuma, okujulira ebisubha, n'okugeya. ²⁰ Ebhi nibjyo bihagaza omuntu. Kandi okuliisa emikono etanabire okwo tikuhagaza muntu.” ²¹ Yesu arugayo agya omu wilaya ya Tiro na Sidoni. ²² Leba Omukanaanikazi aruga omu mukoa ogwo ataka, ati, “Waitu Mukama, Mwana wa Daudi nganyira; muhara wange akwetwe eisitani, limuli kubhi.” ²³ chonka tiyamuhoroire kigambo. N'abegesibwabe bhaija bamutagiliza muno bati, “Omugambire agende, natwombelera.” ²⁴ Ahorora ati, “Bakantweka omu Baisiraeli bonkai ababuzire nk'entaama.” ²⁵ chonka omukazi aija amubandamaho nagamba ati, “njuna, Mukama wange.” ²⁶ Yesu ahorora ati, “Ti kirungi kukwata mukate gwa bhaana kugurasira mbwa.” ²⁷ Omukazi agamba ati, “Nikwo Mukama, chonka n'embwa zilya obuchweka bw'omukate oburuga aha meza ya mukama wazo bhukaragara ahansi.” ²⁸ Aho Yesu ahorora omukazi ogwo ati, “Iwe mukazi, okwesiga kwawe kw'amani! Okwu wataka bhibhe nikwo biba ahali iwe.” Omu kaanya ako konene omuhara achira. ²⁹ Yesu arugayo arabha aha Nyanja ya Galilaya. Atemba aha ibanga asuntama. ³⁰ Embaga emugoba etali nke, bhamuletera abalema, n'abalemaziibwe obuhuta, abaigazi b'amaisho, abatita, n'abandi bangi, babamuteka omu maguru, abakiza. ³¹ Embaga etangara kubona abatita nibagamba, abalemaziibwe obuhuta bakizire, abalema nibatambuka n'abaigazi b'amaisho nibabona Basingiza Katonda wa Isiraeli. ³² Yesu ayeta abegesibwabe abagambira ati, “Embaga yansasa. Bamaraho ebhiro bisatu batakalyaga kantu. Kandi tindikwenda kubataishura baina njara bataija bakakabira omu kihanda.” ³³ Abegesibwa bamubaza bhati, “Omw'irungu eli twihye nkahai omukate ogumazire kuliisa embaga mpango eti?” ³⁴ Yesu abahorora ati, “Mwina emikate engahai?” Bagamba bati, “Mushanju n'obufuru obuke obutali bungi.” ³⁵ Yesu aragira embaga kushuntama ahansi. ³⁶ Akwata emikate mushanju n'obufuru obwo, kayamazire kusiima abegabegura emikate egyo n'obufuru obwo, aheleza abegesibwa, abegesibwa bagabira embaga. ³⁷ Bona balya baiguta. Obuchwagulika obwasigaireho babushombokya bugobya entukuru mushanju. ³⁸ Abaliire bakaba bali bashaija 4,000. Abakazi n'abaana batabulimu. ³⁹ Obhwo yamazire kutaishura embaga, asabjara omu bwato aja omu mukoa gwa Magadani.