¹ Omu bhiro ebyo Herode omutwazi wa Galilaya aija ahulira eiranga lya Yesu. ² Agambira abharamatabhe ati, “Ogu ni Yohana Omubatiza, ahimbukire omu bafu; niyo nsonga nakoza obhusobora obu.” ³ Herode akabha akwasire Yohana yamubhoha yasubha yamufunga, aha rwa Herodia muka Filipo omurumuna. ⁴ Nomanya Yohana akabha amugambiire ati, “Ti kirungi iwe kuswera muramu wawe.” ⁵ N'obhwo Herode yayendaga kwita Yohana, yatinaga abhantu, aha rw'ensonga bamubonaga okwo yabaire ali murangi. ⁶ chonka chija chibha chiro ch'okwijuka okuzarwa kwa Herode, aho muhara wa Herodia aija azinira abhagenyi, asemeleza Herode. ⁷ Herode amuraganisa narahira kumuha chona chona echo arasabha. ⁸ Omwana ogwo nyina amutamu akaliro, agambira Herode ati, “Bhampe omutwe gwa Yohana Omubhatiza aha sinia hanu aha.” ⁹ Omukama ajunara; chonka aha kushangwa akaba arahiire n'aha rw'okutesonaza aha bagenyi aragira kabhaleta omutwe ogwo. ¹⁰ Atuma abh'okwita Yohana omu chifungo, ¹¹ bhaleta omutwegwe aha sinia, baguha omwisiki, omwisiki aguletera nyina. ¹² Abhegesibwa bha Yohana Omubhatiza baija batwara omubhiligwe baguziika; bashuba bagenda bamanyisa Yesu. ¹³ Yesu kayahuliire okwitwa kwa Yohana arugayo asabhara omu bhwato aija aheheleire kwikara wenka. Chonka obwo embaga yakihuliire, eruga omu kigo etwarwa ogw'amaguru emuhondera. ¹⁴ Kuja kusaabhuka asangayo embaga etali nke, abhaganyibwa, achiza abarwaire babo. ¹⁵ Obhwo lyatobeire abegesibwa bamugoba bamugambira bati, “Aha irungu, n'echiro chagwa; otaisure abhantu baje omu byaro basake ebyakulya. ¹⁶ Yesu abagambira ati, “Ekyabatwara chichi? Imwe mube n'imwe mubaha ech'okulya.” ¹⁷ Bamugambira bati, “ aha twinaho emikate etanu yonka n'enfuru ibili.” ¹⁸ Abagambira ati, “Mubhindetere aha.” ¹⁹ Aho aragira embaga kushuntama ahansi aha bunyasi. Kayamazire kukwata emikate ejo etanu n'enfuru ezo ibili, araramira omw'iguru, asiima, abegura emikate agiha abegesibwabe, abegesibwa bagigabira embaga. ²⁰ Bona balya baiguta. Obuchwagulika obhwasigaireho babushomboza baijuza entukuru 12. ²¹ Abaliire ni nk'abashaija 5,000, Aho abakazi n'abaana batabulimu. ²² Aho honka Yesu asindika abegesibwabe kutaha omu bwato kumwebembera kuja buseli, orwo wenene alikutaishura embaga. ²³ Kayamazire kutaishura embaga atemba wenkai omw'ibanga kushoma enshara. Eizoba kalyatobeire ashangwa akyaliyo wenkai; ²⁴ chonka omu kaanya ako obwato bukaba bukyali harai muno kwema aha mwaro. Amayengo gakaba gabwemire kubi kuba omuyaga gukaba nigwija gubatahiremu. ²⁵ Obhwo enkoko zabaire zakokoroma aija omu nyanja abagoba, natambuka aha maizi. ²⁶ Abegesibwa kabamuboine natambukira aha maizi batina, bagamba bati, “Ogu muzimu!” Obutiini bubaborogya. ²⁷ Na wenene ayanguha abagambira ati, “Mugume, n'inye, mutatina.” ²⁸ Petero amuhorora ati, “Mukama k'oraba oli iwe ngambira ndabe aha maizi nkugobe.” ²⁹ Yesu amugambira ati, “Ija.” chityo Petero aruga omu bwato, atambukira aha maizi agoba Yesu. ³⁰ chonka kayaboine okwo omuyaga gwagira amani, atina; lero kubona okwo yabanza kugatoberamu, ataaga ati, “Mukama, nkiza!” ³¹ Yesu ayanguha aimukya omukono amukwata namugambira ati, “Iwe muntu aina okwesiga kuke, kubaki walengeshanyia?” ³² Kayamazire kutaha omu bwato omuyaga guchulera. ³³ Ababaire bali omu bwato bamufukamira nibagamba bati, “Mazima oli Mwana wa Katonda.” ³⁴ Obhwo bhamazire kushaabuka bagoba omu nsi ya Genezareti. ³⁵ Abayo kabamumanyire, batuma buli hantu omuli Genezareti bamuletera abarwaire bona. ³⁶ Bamutagiliza kukora buzima aha mukugiro gw'ekijwarokye. Bona abakweteho bakakira.