¹ chr'echo chonene Yesu aruga omu nju egyo ashuntama aha mwegego gw'enyanja. ² Abhantu bhangi bjamuhurulira, aja omu bhwato asuntamamu. Abhantu abho bhona bhaikara bhemeleire aha mwaro. ³ Abhagambira ebhintu bjingi omu nfumo ati, “Omubhyazi akasohors kubhyara. ⁴ Kayabhaire nabhyara, empambo ezindi zagwa aha muhanda, ebhinyonyi bhija bhizilya. ⁵ Empambo ezindi zagwa aha nsi ey'orwazi ahataina itaka lingi, zanguha zimera aha rw'eitaka kutaba lingi. ⁶ chonka omusana kagwajwire zahotoka, mara aha rw'ensonga y'okutajira mizi zayoma. ⁷ Empambo ezindi zikagwa omu mahwa, amahwa gakura gazibhuza obhwikizo. ⁸ Empambo ezindi zikagwa aha itaka lirungi zarabha. Ezindi zikarabha 100 omu 100, ezindi 60, ezindi 30. ⁹ Arabha aina amatu ahulire. ¹⁰ Aho abhegesibhwa bhaija bhabhaza Yesu bhati, “Kubhachi nobhagambira omu nfumo?” ¹¹ Abhahorora ati, “Imwe muhairwe kumanya enama z'obhukama bhw'omw'iguru, chonka bjonene echo tibhachihairwe. ¹² Aha rw'ensonga arabha aina ebhyo ainabhyo niwe arahabhwa ebisagireho, mara ajire bhingi kusagaho. Chonka olinya ataina kantu, nangu n'ako ainako bhalikamwaka. ¹³ Nicho ndikubhagambilira omu nfumu, okubhona tibhabhona, n'okuhulira tibhahulira, n'okusobhokerwa chei. ¹⁴ Echo Isaya yarangire nikigobheshelezibhwa ahali bhonene, akagamba ati, ‘Mulihulirakwo, chonka timulishobhokerwa n'akake, N'okubhona mulibonakwo, chonka timulibhyekomya. ¹⁵ Manyasi abhantu abha emitima yabho ekabjisara, n'amatu gabho geinamu ebhinyasi, n'amaiso gabho gabhunyize, bateija bhakabhonesa maiso gabho bhakekomya, bhakahuliza matu gabho, bhakasobhokerwa n'emitima yabho, bhakakubhuka bhakaija ahali nyawe nkabhachiza.’ ¹⁶ “chonka gabherwa amaiso ganyu kubha nigabhona, n'amatu ganyu gabherwa obhwo galikuhulira. ¹⁷ Nimbagambira amazima, abharangi bhangi n'abjantu abhagorogoki bharamiilizaga kubhona ebhyo mulikubhona, chonka tibabiboine; n'okuhulira ebyo mulikuhulira, chonka tibabihuliire. ¹⁸ “Mbwenu inywe muhulire enfumo y'omubhyazi. ¹⁹ K'omuntu ahulira echigambo ch'obhukama bw'omw'iguru atakishobokeirwe, sitani aija aswaikura echabha kibibirwe omu mutimagwe; ejo niyo mpambo eyabhibhirwe ekagwa omu muhanda. ²⁰ Empambo eyabhyairwe aha nsi ey'orwazi, ogu niwe muntu ahulira echigambo akakitora bhwangu n'ebhyera, ²¹ chonka wenene taina mizi, abhanza agumaho akhabanga kake, chonka k'akwatwa ebhiyengo anga bhakamugingiiza nibhamutura echigambo echo, aho n'aho agwa. ²² Empambo eyabheirwe ekagwa omu mahwa, ogu niwe muntu ahulira echigambo, chonka akarahuro k'ensi n'okunulirwa eitunga bhituhikanisa echigambo echo, kibha kitakigira biraba. ²³ Empambo eyabhyeirwe aha itaka lirungi, niwe muntu ahulira echigambo akakisobokerwa; mara kandi araba ebiraba, ondijo arabha 100, ondijo 60; ondijo 30.” ²⁴ Yesu asubha bachwera abegesibwabe enfumo endijo ati, “Obhukama bw'omw'iguru bhwakulengwa omuntu ayabhyaire empambo nungi omu ndimiroye. ²⁵ chonka obhwo abhantu bhabheire bhanagiire, omubhiwe aija abhyara enkenzi omu ngano, ayegendera. ²⁶ Engano kayakuzire ekarabha, bhabha nibhwo bhabhona enkenzi ejo. ²⁷ Abhairu bha nyin'enju bhaija bamugambira bhati, ‘ omu ndimiro yawe tiwabhibhiremu mpambo enungi? Mbhwenu enkenzi erugire nkahi?’ ²⁸ Abhagambira ati, ‘Omubhi niwe abhibhiremu enkenzi ejo.’ Abairu bhamubaza bhati, ‘Noyenda tugende tujihyemu?’ ²⁹ Wenene abhahorora ati, ‘Mutaihyamu nkenzi mutaija mukaginyukulirana na ngano. ³⁰ Bhyona bhibili bhikure hamo kulemwa kugoba aha isarura. Aha isarura ndigambira abhasaruzi kubhanza bhakaihyamu enkenzi bhakajikoma ebhibha bhakajocha, kandi engano bhakagitahya omu sitoa yange.’” ³¹ Yesu mara bachwera abegesibwabe enfumo endijo ati, “Objukama bw'omw'iguru nibushusha enjuma ya Haradali ey'omuntu yakwete akabiba omu ndimiroye. ³² Omu mpambo zona yonene niyo eba nke kuzishaga. Chonka k'eba yamezire erugwamu eimera, ahanyuma eimera lirugwamu omuti gw'ekigabiro, nangu n'ebinyonyi bija bigwombekamu ebishunkuli omu matagi gagwo.” ³³ Yesu bagambira abegesibwabe enfumo endijo, ati, “Obukama bw'omw'iguru nibushusha eitumbyo ely'omukazi yakwete akateka omu bipimo bishatu by'ensano, ensano yona ekatumba. ³⁴ Ebhigambo ebi byona Yesu yabigambiraga embaga omu nfumo. Taliho choyabagambiraga atakolize nfumo. ³⁵ Echo kikagobesheleza eky'omurangi yagambire ati, “Ndigamba omu nfumo, ndigamba ebyashelekirwe kwema ensi etonzirwe.” ³⁶ Ahanyuma Yesu araga embaga ataha omu nju. Abegesibwabe bamugoba nibagamba bati, “Batusoborore enfumo y'enkenzi omu ndimiro.” ³⁷ Abahorora ati, “Omubibi w'embibo nungi Mwana w'Omuntu. ³⁸ Endimiro niyo nsi, embibo nungi nibo bantu ab'engoma ya Katonda. Enkenzi nibo bantu aba Sitani. ³⁹ Omubisha ayabibire enkenzi niwe Sitani. Eigesha nigo maheleruka g'ensi, kandi abamalaika nibo bagesi. ⁴⁰ Okwo enkenzi enyukurwa bakagyokesa omuliro, nikwo biliba aha maheleruka g'ensi. ⁴¹ Omwana w'Omuntu alituma abamalaikabe, balishombokya bona omu ngoma abafakaza banu n'abafakare bona, ⁴² babanage omu kyokezo ky'omuliro; omwo nimwo abantu balichulira bakanena n'amaino. ⁴³ Abagorogoki abo balyaka nk'eizoba omu bukama bwa Ishebo. Kigira matwi ahulire. ⁴⁴ “Obukama bw'omw'iguru nibushusha eitunga elishelekiire omw'itaka. Omuntu kayaligwireho alisangira. Omu byerabye yagenda yaguza ebyo yabaire ainabyo byona yagura eitaka elyo.” ⁴⁵ “Kandi obukama bw'omw'iguru nibushusha omutunzi ayabaire nahiga obubare bw'eiguzi. ⁴⁶ Kayamazire kukwasa akabhare kamo ak'eiguzi lihango, yagenda yaguza ebhyo yabaire ainabyo bhyona, yagura akabare ako. ⁴⁷ “Objukama bw'omw'iguru nibushusha eishambo elyanagirwe omu nyanja likakwata buli nfuru. ⁴⁸ Kalyaijwire enfuru ezo, abantu balisika lyaija aha mwaro, basuntama barondamu ezirungi nibahumuza omu bikwato, chonka ezibhi bazinaga. ⁴⁹ Nikwo biliba aha maheleruka g'ensi. Abamalaika balija bahurane ababi n'abagorogoki, ⁵⁰ ababi babanage omu chokezo ch'omuliro; omwo nimwo abhantu abo balichulira bakanena n'amaino. ⁵¹ “Ebhi byona mwabishobokerwa?” Bamuhorora bati, “ego.” ⁵² Abagambira ati, “Aha rw'ekyo buli mwegesa w'Amateka araba ali mwegesibwa w'obukama bw'omw'iguru nashusha nyin'enju agya omw'itungalye akaihyamu ebihya n'ebikuru.” ⁵³ Obhwo Yesu yamazire kubachwera enfumo egi, arugayo. ⁵⁴ aija owabo abegesa omu sinagogi, batangara, bagamba bati, “Omushaija ogu obumanyi obu akabwihya nkahai, n'obushobora obw'alikukoza obubonero aga? ⁵⁵ chonka ogu ti mwana wa fundi selemara? Nyina tiwe bheta Maria? Abarumuna ti Yakobo, Yozefu, Simoni na Yuda? ⁵⁶ Bhanyanya bhona titwinabho? Mbwenu omuntu ogu ebhi bhyona akabihya nkahai?” ⁵⁷ Baihw'aho bamwanga. Nawe Yesu yabagambira ati, “Omurangi tabhurwa chitinwa sana owabho n'omwabho.” ⁵⁸ Tiyakozireyo bhikorwa bhya mani, aha bhw'okutaikiliza kwabho.