¹ (kwata:Rebha obhusobhorozi bhwa Yohana7:53-8:11aho aiguru). Yesu akagenda omwibhaga ryo omuzeituni. ² Bhwancha kare agaruka omukanisa, abhantu bhona bhamwizira; asutama abhegesa. ³ Abhaandiki na Amafarisayo bhareta omukazi eyakwasirwe nasiyana. Bhamuta omugati. ⁴ (Kwata: Rebha obhusobhorozi bha Yohana 7:53-8:11).Nibho bhamugambhira Yesu, ''Omwegesa, omukazi ogu yakwatwa nasiyana, nabhikora mazima. ⁵ Ati, omumuku, Musa akaturagira kubhatera amabhare abhantu akabha, nogambha ota ahali wenene? ⁶ Bhakagambha ebhi ili kumurengesa bhabhone echitu chokumutweijera,chonka Yesu einama ahansi ahandika omwitaka ne echara cha wenene. ⁷ (Kwata: Rebha obhusobhorozi bha Yohana7:53-8:11). Kibhagendereire kumubhaza, akemerera abhagambhira, ''Wena ateine ntambhara omuri imwe, abhe wambhere kumutera amabhare.'' ⁸ Einama ahansi, ahandika ahansi omwitaka ne echara. ⁹ (kwata:Rebha obhusobhorozi bhwa Yohana 7:53-8:11). Kibhaurire ebhyo, akarugaho omo omo, kubhandiza abhagurusi. Ezindo Yesu akasigwaho wenka, amo no omukazi eyabheire ali omugati yabho. ¹⁰ Yesu akemerera amugambhira, "Omukazi, abhakutweijeire bhari nkai? Tariho nomo eyakuramura. ¹¹ Agambha, ''Na nyawe tariho nomo Mukama. ''Yesu agambha, ''Na nyawe tikukuramura. Genda omumuanda gwawe; kubhandiza ati no okugenderera otarikora ntambhara kandi.'' ¹² Asubha Yesu agambha na abhantu nagambha, ''Nyawe ndi omusana gwensi; wena akupondera taritamuka mumwilima sana neija kubha omusana gwo obhurora.'' ¹³ Amafarisayo bhamugambhira, ''Noyejurira iwe; obhujulizi bhwawe tibhamazima. ¹⁴ Yesu ahorora abhagambhira, Nidabha nibhajurira nyawe, obhujulizi bhwange no obhwa amazima. Nimanya aihdugire naikuja, chonka imwe timukumanya ahikuruga na aikuja. ¹⁵ Imwe nimuramura omumubhili; nyawe tikuramura wena wena. ¹⁶ Nyawe nida ramura, okuramura kwange nokwamazima obhwokubha tindi nyeka, sana ndi amo na tata eyantumire. ¹⁷ Nikwo, omumuku gwanyu chiandikirwe obhujulizi bha abhantu bhabhili na amazima. ¹⁸ Nyawe ninye akwejurira, na Tata eyantumire najurira.'' ¹⁹ Bhamugambhira, ''Yawe timukumanya wala Tata wange timukumumanya; kimwakubha mumanya nyawe, mwakumanyire na Tata wange nawe.'' ²⁰ Akagambha ebhigambho ebhyo akabha ari hei ne ehazina kiyabheire nayegesa omukanisa, tariho nomo eyamukwasire obhwokubha akanya ka wenene kakabha katakagobhire. ²¹ Ashubha abhagambhira akandi, ''Nagenda omubhyange. Okwo ahinkuja, timubhasa kwijayo.'' ²² Abhayuda bhagambha, ''Najakuyeita wenene, wenene eyagambhire, 'okwo ahinkuja timubhasa kujayo'?'' ²³ Yesu abhagambhira, ''Nimuruga ahansi; nyawe niduga ahiguru. Imwe muri abhensi eji; nyawe tindi wansi eji. ²⁴ Nichimanyisa, nibhagambhira nimwija kufa omumafu ganyu. Sana mwesige kubha NYAWE NIWE, nimujakufa omu mafu ganyu.'' ²⁵ Bhamugambhira, ''Iwe oryohi? ''Yesu abhagambhira, Bhirinya ebhiyabhagambhire kuruga ebhanzo. ²⁶ Nyine ebhintu bhingi ebhyokugambha no okuramura ahali imwe. Nangu, wenene eyantumire no owa amazima; ne ebhintu ebhipurire kuruga owa wenene, ebhintu ebhyo nibhigambha omunsi.'' ²⁷ Tibharamanyire kwambha yanagambha nabhonene ebhikwasire Tata. ²⁸ Yesu agambha,Kimurehimucha ahiguru omwana wo omuntu, nibhwo muramanya kubha NYAWE NINYE, no okubha tikukora chona chona abhwo omutima gwange. Nka Tata okwoyanyegeise, nigambha ebhintu ebhi. ²⁹ Wenene atumire ali amo nanye, na wenene takandekaga nyenka, bhuri kanya nikoro ebhyokumusemerera.'' ³⁰ Akanya ka Yesu kiyabheire nagambha ebhyo, bheingi bhakamwesiga. ³¹ Yesu agambha na abharinya Abhayuda abhamwesigire, ''Kimurehikara omuchigambho change, niho murabha abhegesibhwa bhange mazima, ³² Neimwe nimujakumanya amazima, na amazima ngajakubhateka omubhuge.'' ³³ Bhakamuhorora, ''Itwe turyo oruzaro rwa Ibrahimu na tichikabhaoga kubha ahansi yo obhubhowa bhwa wena wena; wakugambha ota, ''Twakubha omubhuge?'' ³⁴ Yesu akabhahorora, ''Yesige, yesige, nibhagambhira, bhuryomo akukora amafu nomubhowa we amafu. ³⁵ Omubhowa teikara omunju akanya kona; omwana nabhaho ebhiro bhyona. ³⁶ Chityo, karabha omwana karabhateka omubhuge, nimujakubha omubhuge mazima .'' ³⁷ Nimanya imwe muri oruzaro rwa Ibrahimu; nimuiga kunyita obhwokubha echigabho change tichine mwanya omunda yanyu. ³⁸ Nigambha ebhintu ebhimbhweine amo na Tata wange,neimwe chityo nimukora ebhintu ebhimwaurire kuruga owa tata wanyu.'' ³⁹ Bhaorora bhamugambhira, ''Tata weitu ni Abrahamu. ''Yesu ambhagambhira, kimwakubha muri abhana bha Ibrahimu, mwakukozire emirimo za Ibrahimu. ⁴⁰ Rebha ati nimupiga kunyita, omuntu eyabhagambhire amazima nkahurira kuruga owa Katonda. Abrahimu tarakozire hatyo. ⁴¹ Nimukora emirimo za bha tata wanyu. "Bhamugambhira, ''Titurazeirwe omubhusiyani, tweine Tata omo, Katonda.'' ⁴² Yesu abhahorora, ''Karabha Katonda ni Tata wanyu, mwakunyenzire nyawe, nichimanyisa ndugire owa Katonda; wala tindeizire mumutima gwange, sana wenene eyantumire. ⁴³ Kubhaki mutakumanya ebhigambho bhyange? obhwensonga timubhasa kwesasa kuhurira ebhigambho bhyange. ⁴⁴ Imwe muri abha tata yanyu, shetani, na nimwenda kukora ameiru ga tata wanyu. Akabha aryo omwisi kuruga ebhanzo kandi tabhasa kwemerera omumazima obhwokubha amazima tigari omundaye. Kakugambha ebhisubha, nagambha kuruga omubhuruga bhwa wenene kubha no omubhehi na tata we ebhisubha. ⁴⁵ Na hati, obhwensonga nigambha ebhya amazima, timukunyesiga. ⁴⁶ Nohi omuri imwe akujurira kubha ngu nyawe nyine amafu? kimurabha nimugambha ebhya amazima, kubhaki mutakunyesiga? ⁴⁷ Wenene akwesiga Katonda nakwata ebhigambho bhya Katonda; imwe timukubhiurira obhwokubha timuri bha Katonda.'' ⁴⁸ Abhayuda bhamuhorora bhamugambhira, titwagambha mazima kubha iwe oryo Omusamaria kandi weine abhazimu?'' ⁴⁹ Yesu ahorora, tinyine bhazimu; Chonka nimukunira Tata wange, neimwe timukukunira. ⁵⁰ Tikuiga kuyenunura nyawe; ariyo homo akuiga na akuramura. ⁵¹ Yesige, yesige, nibhagambhira,wena arakwata echigambho change, taribhona rufu mazima.'' ⁵² Abhayuda bhamugambhira, ''Ati nitumanya okweine abhazimu. Abrahamu na abhaereza bhakafa; Chonka nogambha, 'Arayenda omuntu kukwata echigambho change, tarifa'. ⁵³ Iwe torimukuru kusaga tata weitu Abrahamu eyafire, tikwo? Abhaereza nabho bhakafa. Iwe noyekora kubha hoi?'' ⁵⁴ Yesu ahorora, ''Kinakweyeinurura nyawe, obhubhasa bhwange nibhusa; ni Tata wange anyinurire_ogwo ohumukugambha ngu ni Katonda wanyu. ⁵⁵ Imwe timukamumanyire wenene, Chonka nyawe nimumanya wenene. kidabha nigambha, 'tikumumanya' ,nijakusana nkeinywe, omubhei.Nangu chiri chiti, nimumanya ne ebhigambho bhyawenene mbhikwasire. ⁵⁶ Tata wanyu Abrahamu akasemererwa karajakubhona echiro change; akachibhona no okusemererwa.'' ⁵⁷ Abhayuda bhamugambhira, ''Tokagobhize emyaka gatano, neiwe obhweine Ibrahimu?'' ⁵⁸ Yesu abhagambhira, ''Yesige, yesige, nibhagambhira, obhuyabheire atakazeirwe Abrahamu, NYAWE NKABHA NABHEIREHO.'' ⁵⁹ Niho bharonzire amabhare bhabhase kumutera, Chonka yesu akeshereka aruga omukanisa.