¹ Akanya, Yesu kiyabheire narabhaho,akabhona omuntu atarikurebha kwema nazarwa. ² Abhegesibhwa bhawenene bhakamubhaza, "Rabhi, nohi eyakozire entambhara, omuntu ogu nanga abhazeire bha wenene, mpaka azarwe atakurebha?'' ³ Yesu abhaorora, ''Timuntu ogu nanga abhazeire bha wenene abhakozire entambhara, sana emirimo za Katonda zibhase kusururwa kurabhira aharyogu. ⁴ Tusanire kukora emirimo za wenene eyatumire richari bhwamusana. Echiro cheija obhwo tariho arabhasa kukora emirimo. ⁵ Kidabha nchari omunsi nyawe ndi omusana gwe ensi.'' ⁶ Kiyamazire kugambha ebhyo, akachera ahansi yeitaka, ajabhata ebhichwante, amusiga ogwo omuntu omumeiso na bhirinya ebhisabho. ⁷ Amugambhira, genda oyoge omuchisima cha Siloam (nichimanyisa eyatumirwe').''obhwo ogwo omuntu agenda, anabha, agaruka, narebha. ⁸ Abhatani bhorinya omuntu na bharinya abhamubhweine ebhanzo nko omuntu akusabhiriza bhakagambha, Isi!ogu tiwe omuntu eyabheire nasitama nasabha?'' Abhandi bhakagambha,''Ni wenene.'' ⁹ Na abhandi bhakagambha,''Tiwe,sana nasana na wenene.'' Chonka akabha nagambha, ''ninye.'' ¹⁰ Bhamugambhira, ''Ati ameiso gawe gakomoroirwe?'' ¹¹ Akaorora, omuntu akwetwa Yesu akakora obhudongo asiga ameiso gange agambhira,' Genda Siloam onabhwe.'nkagenda, nabha, mubhona kurebha.'' ¹² Bhamugambhira, ''Arikahi ?''Akaorora, ''tikumanya.'' ¹³ Bhakamutwara ogwo omuntu eyabheire arabheireho atakurebha omu bhafarisayo. ¹⁴ Chikabha chiri chiro che eirimansi akanya ki Yesu yakozire obhudongo nokukomorora ameiso ga wenene. ¹⁵ Nibhwo mafarisayo bhamubharize yabhasa ata kurebha. Akabhagambhira,''Akateho obhudongo omumeiso gange, nabha, ati nibhasa kurebha.'' ¹⁶ Abhafarisayo abhandi bhakagambha, ''Omuntu ogu tararugire wa Katonda orwokubha takukwata echiro che eirimansi. ''Abhandi bhakagambha, ''Chakubhasika chita omuntu eine entambhara kukora echereko nkechi?'' obhwo bhebhagana bhonene. ¹⁷ Bhasubha bhamubhaza ogwo eyabheire atakurebha, ''Nogambhao ota ahali wenene obhwokubha yakomorora ameso gawe?'' Atakurebha agambha, ''No omusururirwa.'' ¹⁸ Mpaka akanya ako abhayuda tibharabhasize kumwesiga kwambha akabha atakurebha yabhasa kurebha mpaka aibhareteire abhazeire bha wenene wenene eyabhweine kurebha. ¹⁹ Bhakabhabhaza abhazeire, Isi, ogu nomwana wanyu oumukugambha kwambha akazarwa atakurebha? abhasize ata kurebha?'' ²⁰ Obhwo abhazeire bha wenene bhamuorora, ''Nitumanya kwambha ogu nomwana weitu akazarwa atakurebha. ²¹ Kubha ati narebha, titukumanya, na wenene amukozire arebhe, titukumumanya. Mumubhaze wenene. Nomuntu mukuru. Nabhasa kwegambhirira wenene.'' ²² Abhazeire bha wenene bhakagambha ebhintu ebhyo, kubha bhakatina Abhayuda. kubha Abhayuda bhakabha bharamwire kukora, wena wena areikiriza kugambha Yesu ni Kristo, najakwangwa ne ekanisa. ²³ Arwechi, abhazeire bha wenene bhakagambha, ''Nomuntu mukuru, mumubhaze wenene.'' ²⁴ Bhamweta omurudi gwa kabhiri,bhamweta ogwo omuntu eyabheire atarikurebha bhamugambhira, "Omue echitinisa Katonda. Nitumanya omuntu ogu eine entambhara.'' ²⁵ Nibhwo muntu ogwo yahoroire, "Abhe yeine entambhara, yawe tikumanya. Echintu chimo echikumanya:kinabheire ntakurebha, ati nidebha.'' ²⁶ Nibhwo bhamugambhire,''Yakukoreraki?Yakomorora ameiso gawe?'' ²⁷ Akahorora, ''Tinabhagambhire, imwe timwaurira!Kubhaki nimwenda kwikara muurira? Imwe timukwenda kubha abhegesibhwa bha wenene neimwe, tikwo? ²⁸ Bhakamujuma bhagambha, ''Iwe oryomwegesibhwa wa wenene, Chonka itwe turya abhegesibhwa bha musa. ²⁹ Nitumanya kubha Katonda akagambha na Musa, Chonka omuntu ogu, titukumanya arikuruga.'' ³⁰ Ogwo omuntu akabhahorora nabhagambhira, narwaki, echi nechitu chokusonaza, kugambha timukumanya akuruga, na rebha akomoroire ameiso gange. ³¹ Nitumanya kwabha Katonda takubhauririza abheine entambhara, Chonka omuntu wena wena ayeongeire Katoinda nakora ebhigonzo bhya wenene, katonda namuurira. ³² Kuruga okubhanza kwensi tichikazokaga kuurirwa kwambha wena wena yakomorora ameiso go omuntu atakurebha. ³³ Omuntu ogu kakubha atararugire wa Katonda, tiyakukozire chona chona.'' ³⁴ Bhakamuorora bhamugambhira, "Okazarwa omuntambhara mazima, neiwe notwegesa itwe?'' Nibhwo bhamubhingire kuruga omukanisa. ³⁵ Yesu akaurira kwambha bhamubhinga omukanisa. Akamubhona amugambhira, ''Noyesiga omwana wo omuntu ?'' ³⁶ Akaorora nagambha, ''Noi, Mukama, ili nanye mbhase kumwesiga?'' ³⁷ Yesu akamugambhira, ''Wamubhweine, nawe owokugambha nawe niwe.'' ³⁸ Ogwo omuntu akagambha,'' Mukama, Niyesiga.'' Nibho yamweongeire. ³⁹ Yesu akaorora, ''Omukuramura nkeija omunsi eji ili bharinya abhatakwesiga bhabhone kurebha na bharinya abhokurebha bhafe amaiso.'' ⁴⁰ Bhake amafarisayo bhakabha bhari amo na wenene bhakaurira ebhigambho ebhyo bhamubhaza,'' Isi neitwe titukurebha?'' ⁴¹ Yesu abhaorora, ''Kimwakubha mutakurebha, timwakubheire mwine entambhara. Nangu chityo, ati nimugambha,' Niturebha,' entambhara yanyu neikaraho.''