¹ Ebhyo kibhyaweire Yesu abhanza orugendo atyo omuri Galilaya, Kubha tarayenzire kugenda Obhuyuda Obhwensonga abhayuda bhakabha nibhateka teka kumwita. ² Obhwo echiro chikuru cha Abhayuda, echiro chikuru che ebhibhanda, chikabha chiri hei. ³ Niho bharumuna bhawenene bhamugambhire, ''Ruga echichweka echi oje Obhuyuda, chizoke na abhegesibhwa bhawe nabho bharebhe ebhikorwa bhyawe. ⁴ Tariho okora chonachona omukwesereka wakati wenene nayenda kumanyika. Sawa nokora ebhintu ebhi, yeyereke iwe omunsi.'' ⁵ Na bharumuna bhawenene tibharamwesigire. ⁶ Niho yesu yabhagambhire, ''Akanya kange tikakagobhire, Chonka akanya kanyu bhuri kanya kariho. ⁷ Ensi tekubhatamwa imwe,sana nitamwa nyawe obhwokubha nijurira ebhikorwa bhyayo ne ebhifire. ⁸ Mugende omuchiro chikuru; nyawe tikugenda muchiro chikuru obhwokubha akanya kange tikakagobhire.'' ⁹ Kiyamazire kugambha ebhyo na bhonene ayekarira Galilaya. ¹⁰ Nangu chityo, bharumuna bha wenene kibhabheire bhagenzire omuchiro chikuru, niho na wenene yagenzire timukwezora sana omukwesereka. ¹¹ Abhayuda bhakabha nibhamuhiga omuchiro chikuru mubhagambha, "Ari nkahi?'' ¹² Bhakabha nibhebhaza muno abhantu bhake omubhaga ahali wenene. Abhandi bhakagambha, ''Nomuntu murungi. ''Abhandi bhakagambha, Chei, nabhehiya embhaga.'' ¹³ Tariho eyagambhire ahali wenene bhakabha nibhatina abhayuda. ¹⁴ Akanya ke echiro chikuru kichagobhire omugati, Yesu akaja Omukanisa abhanza kwegesa. ¹⁵ Abhayuda bhakabha mubhasobherwa kandi mbhagambha, ''Kubhaki ogu muntu namanya ebhintu bhingi? Tarasomire mazima.'' ¹⁶ Yesu abhahorora abhagambhira, ''Ebhyegeso bhyange tibhyange, sana ne ebhyawenene atumire. ¹⁷ Kichakuzoka wenawena arayenda kukora ebhigonzo bhya wenene, najakumanya abhwe ebhyegeso ebhi, kibharabha nibhiruga owa Katonda, nanga nigambha kuruga owange nyawe. ¹⁸ Bhuri akugambha ebhyokuruga owa wenene naiga obhurora bhwawenene, sana bhuri akuiga obhurora bhwa wenene eyamutumire ,omuntu ogwo no owamazima, no omunda yawenene tarimu okutakora bhugororoki. ¹⁹ Musa tarabhaeire imwe omuku? Chonka tariho nomo omuri imwe akukora omuku.Kubhaki nimwenda kunyita? ²⁰ Ebhaga ehorora, ''Weine abhazimu.Nohi akwenda kukwita?'' ²¹ Yesu abhahorora abhagambhira, ''Nakora omurimo gumo, naimwe mwena mwasobherwa abhwa wenene. ²² Musa akabhaha okusarwa(tichikuruga wa musa, sana nichiruga omuri bha tata), omwirimansi nimushara omuntu. ²³ Omuntu karakwata okusarwa omuri irimansi chizoke omuku gwa musa gutaendwa, Kubhaki nimutamwa nyawe kubha nakora omuntu kugira obhurora omuchiro che eirimansi? ²⁴ Mutandamura okwondikuzoka, sana ramura omubhugororoki. ²⁵ Omuryabho kuruga Yerusalemu bhagambha, ''Tiwogu obhakuiga kwita ? ²⁶ Kandi rebha, nagambha omukwezora zora, tibhakugambha chona chona ahali wenene.Tichakumanyika kubha abhebhembhezi mubhamanya amazima ogu niwe kristo, chakubhasa kubha? ²⁷ Nitumanya ogu omuntu narugahi. Kristo kareija, chiri chiti, teine aramanya nikahi akuruga.'' ²⁸ Yesu akabha nagambha neiraka omukanisa, nayegesa nagambha, ''Imwe mwena nimumanya nyawe nimumanya aikuruga. Tindezire omumutima gwange, sana wenene atumire no owamazima, timukumumanya wenene. ²⁹ Nimumanya wenene kubha ndugire owawenene kandi atumire.'' ³⁰ Bhakabha nibharendesa kumukwata, chonka tariho nomo eyabhasize kumutaho omukono gwa wenene ahali wenene obhwokubha akanya ka wenene kakabha katakagobhire. ³¹ Chityo bheingi omuryejo ebhaga bhakamwesiga. Bhagambha, 'Kristo arija,arakola ebhitinisa bhingi kusaga ebhiyakola omuntu ogu?'' ³² Amafarisayo bhakabhaurira embhaga mbhagambhira ebhintu ebhi ebhya Yesu,na abhakuru bha amakuhani na Amafarisayo bhatuma amaafisa bhabhase kumukwata. ³³ Niho yesu yagambhire, ''Ncheine akanya keingi kubha hamo neinywe, kindamara nijakuja owa wenene eyantumire. ³⁴ Nimujakupiga wala timurimbhona; okwo ahinkuja, timurabhase kwijayo.'' ³⁵ Aho Abhayuda bhagambhirana bhonene kwa bhonene, ''Omuntu ogu najakuja nkahi aitutakubhasa kumubhona? Najakuja omubhabhuzire omuri Abhayunani no okubhegesa Abhayunani? ³⁶ Ni chigambhoki echi echiyagambhire, 'Nimuja kupiga wala timurimbhona; okwo aikuja timwakubhasa kujayo'?'' ³⁷ Omuchiro che ezindo, echiro chihango echechiro chikuru, Yesu ayemerera agambha neiraka, nagambha, ''Wena wena eyakugira eiriho, eije owange ahute. ³⁸ Wena akunyesiga nyawe, nkebhihandikirwe okwobhikugambha, kuruga omunda ya wenene nzijakugera enyanja zo obhurora.'' ³⁹ Chonka akagambha ebhi ebhikwasire ahali Mwoyo, wenene abhokumwesiga mbhajakumubhona; Mwoyo akabha atakateirweho obhwokubha Yesu akabha akabha atakatukwizwe. ⁴⁰ Bhake omubhaga, kibhaurire ebhigambho ebhyo, bhakagambha, ''Mazima ogu nomuereza.'' ⁴¹ Amo na abhandi bhagambha, ''Ogu ni kristo.''Abhandi bhagambha, ''enki, Kristo yakubhasa kuruga Galilaya? ⁴² Ebhihandiko tibhiragambhire kristo najakuzoka omuruzaro rwa Daudi no okuruga Bethlehemu, echaro cha Daudi echiyabheire naturamu? ⁴³ Aho, bheimuka bhebhaganise omugati ye ebhaga abhwa wenene. ⁴⁴ Abhandi omuri abhwo bhakumukwasire, tariho yabhasize kumukwata. ⁴⁵ Aho niho bharinya amaafisa bhagaruka owa abhakuru bha amakuhani na Amafarisayo,nabho bhabhagambhira, ''Kubhaki mutamureta?'' ⁴⁶ Bhaafisa bhaorora, ''Tariho omuntu aragambhire nkogu chitakabheire chiti.'' ⁴⁷ Niho Amafarisayo bhabhaoroire, ''Neimwe mubheirwe? ⁴⁸ Arimu wena wena omutwazi akumwesiga, nanga wena wena omu bhafarisayo? ⁴⁹ Sana eji ebhaga etakumanya muku-bharamirwe.'' ⁵⁰ Nikodemo abhagambhira(wenene eyagendeire yesu eira, karabha omo omu Mafarisayo), ⁵¹ ''Isi omuku gweitu nigumuramura omuntu sana nauririkirizwa no okumanya echakukora?'' ⁵² Bhamuorora bhamugambhira, ''Neiwe aha noruga Galilaya? Iga orebhwe karabha ariho omuereza ararugire Galilaya.'' ⁵³ (kwata:ebhigambho bhike ebhya Yohana 7:53-8:11 tibhirimu omubhihandiko bhya kare). Aho bhuri muntu agenda owawenene.