¹ Yesu akagambha ebhintu ebhyo; Ashubha arebha ahiguru na ameiso gawenene agambha,''Tata, akanya kagobha; singiza omwana wawe ili no omwana nawe akusingize iwe- ² Nko kwo wamueire ejubhuro ahali bhyona ebhine omubhili ili abhae obhurora obhutawaho bharinya bhona abhiwamueire. ³ Obhu nibhwo obhurora obhutawaho, kwambha bhakumanye iwe, Katonda owa amazima na atakusaniswa, na wenene owotumire,Yesu kristo ⁴ Nikakusingiza omu omunsi, nkagobhesereza omurimo oguwapeire nkore. ⁵ Ati, Tata, onsingize nyawe amo neiwe wenka omubhurora bhurinya obhunabheire nyine amo neiwe obhwensi yabheire etakabheireho. ⁶ Nikasurura eibhara ryawe omubhantu bhiwampeire omunsi. Bhakabha bhari bhantu bhawe; Chonka okampa nyawe. nabho bhakwasire echigambho chawe. ⁷ Ati nibhamanya kubha bhuri chintu echiwampeire nyawe nichiruga omuri iwe, ⁸ Obhwe ebhigambho bhirinya ebhiwampeire nyawe--Nabhebhaire bhonene ebhigambho ebhyo. Bhakabhikwata na amazima bhamanya ya kwambha nyawe ndugire owawe, na bhakesiga kwambha iwe niwe ontumire. ⁹ Nibhasabhira bhonene. tikusabhira ensi sana bharinya abhiwampeire kubha bhonene nabhawe. ¹⁰ Ebhintu bhyona nebhyange ne ebhyawe, nebhyoine iwe nebhyange; nanye nisimwa omuri ebhyo. ¹¹ Nyawe tindi tene ensi, sana bhonene bhari omunsi, nanyawe ati ninyija owawe. Tata arikwera, bhatunze ne eibhara ryawe lirinya eriwampeire itwe ili bhonene nabho bhagire obhumo, nko kwo nyawe neiwe twine obhumo. ¹² Kinabheire ndinabho, nkabharinda ne eibhara riwampeire; Nikabharinda, na tariho nomo eyabhuzire sana omwana eyabhuzire, ili echigambho chigobheserezwe. ¹³ Ati ninyija ahaliwe; Chonka nigambha ebhi ensi ili amasemererwa gange gagobheserezwe omunda yabho bhonka. ¹⁴ Mbhaeire echigambho chawe; ensi yabhatamwa orwensonga bhonene ti bhansi, nkwo kwo nyawe ntari wansi. ¹⁵ Tikubhasabhira kwambha obheiye omunsi sana obharinde no orinya omubhi. ¹⁶ Bhonene ti bhensi nkanye okuntari we ensi. ¹⁷ Obhateke wakfu ahali iwe omumazima; echigambho chawe nigo mazima. ¹⁸ Okantuma omunsi, nanye mbhatumire omunsi. ¹⁹ Abhwabhonene nanye nyenka ninyetaho ahali bhonene ili kwambha na bhonene bhete ahali iwe abhwa amazima garinya. ²⁰ Ti bhabha bhonka abhinkusabhila, sana na bharinya abharanyesiga kurabhira omuchigambho chabho ²¹ ili na bhonene nabho bhagire obhumo, nkeiwe iwe Tata, okworyomunda nyange nanye omunda yawe. Nibhasabhira ili na bhonene bhabhase kubha omunda yeitu ili ensi ebhase kwesiga kwambha iwe niwe wantumire. ²² Obhubhasa bhurinya obhuwampeire nyawe-mbhubhaeire bhonene, ili bhabhase kugira obhumo, nkeitwe kituri bhamo- ²³ Nyawe omunda yabho, neiwe omunda yabho, ili bhabhase kugobheserwezwa omu bhumo; ili ensi emanye amazima kubha iwe niwe ontumire, no okupenda, nkeiwe okwonyenzire, nyawe. ²⁴ Tata, chirinya echiwampeireb-Ninyegombha nabho bhabhase kubha amo nanye ahindi ili bhabhase kubhona obhubhasa bhwange, bhurinya obhuwampeire: kubha iwe okangonza gutakabheireho omuango gwe ensi. ²⁵ Tata ehine obhugororoki, ensi terakumanyire iwe, Chonka nyawe nikumanya iwe; nibhamanya okwo wantumire. ²⁶ Nikakora eibhara ryawe rimanyike omuri bhonene, nijakukora rimanyike ili zirinya egonzi omuli zonene okayenda nyawe libhase kubha omunda yabho, nanye mbhase kubha omunda yabho.''