¹ Nabhagambhira ebhintu ebhyo ili mtabhasa kusitazwa. ² Nibhaja kubhata aeru ye esinagogi; mazima akanya nikeija obhwo bhuri arabheita najakuteka teka kugira ngu nakora omurimo gurungi abhwa Katonga. ³ Nibhajakubhakorera ebhintu ebhi orwensonga tibhakumumanya Tata wala tibhakumunya nyawe. ⁴ Nabhagambhira ebhintu ebhiili akanya kikaragobha akebhi kurebheka, nimubhasa kwijuka no okwombhagambhire mubhase bhonene. Tindabhagambhire ebhikwasire abhintu ebhi kuruga ebhanzo kubha nkabha ndiamo naimwe. ⁵ Nichirabha, ati nigenda owo orinya eyantumire; Chonka tariho omuri imwe akubhaza, ''Nojankahi?'' ⁶ Obhwensonga ngambhire ebhigambho ebhi omuri imwe, obhusasi bhwijuire omumitima yanyu. ⁷ Nangu chityo, nibhagambhira amazima: ni chirungi omuri imwe kidangenda; Nichimanyisa kidabha ntagenzire, Arabhasasirs tareija omuri imwe; Chonka kidagenda nijakumutuma omuri imwe. ⁸ Kareija, ogu omuorerezi najakurabhyaho ensi echikwateine entambhara, echikwateine no obhugororoki ne echikwateine eiramu. ⁹ Echikwasire aha ntambhara, na abhwokubha tibharanyesigire nyawe, ¹⁰ Echikwasire abhugororoki,obhwensonga nija owa tata, na timuribhona tena; ¹¹ na achikwateine eiramu abhwe ensonga omukuru we ensi eji aramwirwe. ¹² Nyine bhingi ebhyokubhagambhira, Chonka timwakubhimanya ati. ¹³ Chonka, wenene, Mwoyo wa amazima, kareija, najakubhebhembhera omumazima gona; kubha najakugambha abhwa wenene wenka; Chonka chona chona echarahurira, najakubhigambha ebhintu ebhyo; na najakubhyereka umuri imwe ebhintu ebhireija. ¹⁴ Wenene naja kunyesingiza nyawe, orwensonga najakutwara ebhintu bhyange na najakubhirangirira omuri imwe. ¹⁵ Ebhintu bhyona Tata ebhyeine nebhyange; obhwo, nagambha okwo Mwoyo okwaratwara ebhintu bhyange najakubhyereka omuri imwe. ¹⁶ Achariyo akanya kake, timuribhona tena; akanya kake kikararabhaho tena, nimujakubhona.'' ¹⁷ Bhamo abhegesibhwa bhawenene bhagambhirana, ''Nechiki echakutugambhira, Akanya kake nimujakubhona.' na, 'obhwo kubha nija owa Tata?'' ¹⁸ Obhwo bhagambha, "Nichituki echakugambha ,'Yasigara akanya kake'? Titukumanya ebhyakugambha.'' ¹⁹ Yesu akabhana bhakabha nibhenda kumubhaza, na wenene abhagambhira, "Nimwebhaza imwe aharwechi, okugambhire, 'Achabhuraho akanya kake, timuribhona tena; na akanya kake kikararabhao timuribhona '? ²⁰ Yesige, yesige, nibhagambhira, nimujakurira nokusasa, Chonka ensi nejakusemererwa nimujakwetamwa chonka obhusasi bhwanyu nejakuindurwa kubha amasemererwa. ²¹ Omukazi nagira obhusasi kakubha eine okuribhwa orwokubha akanya ko okuzara kagobhire; Chonka kakuzara omwana, takwijuka tena obhusasi orwokubha amasemererwa ga wenene omwana yazarwa omunsi. ²² Imwe neimwe mwine amaganya ati, nijakubhabhona tena; ne emitima zanyu nizijakusemererwa na tariho arabha kwiyaho amasemererwa gange. ²³ Echiro echo timurimbhaza bhibhazo. Yesige, Yesige, nibhagambhira, Kimurasabha chona chona ahali Tata, najakubhaha omwibhara ryange. ²⁴ Mpaka ati timukasabhire chona chona omwibhara ryange; sabha, neimwe nimuja kubhona ili amasemererwa ganyu gagobheserezwe. ²⁵ Ngambhire neimwe omururimi rutakumanyika, Chonka ati neija tindabhasa kufomora omururimi rutakumanyika chonka nijakubhagambhira omubhutasherekangana ebhikwasire ahali Tata. ²⁶ Echiro echo nimuja kusabha omwibhara ryange, na tikubhagambhira kwambha nijakusabha owa Tata arwanyu; ²⁷ Okwo kubha Tata wenka nabhenda obhwensonga mungondize nyawe norwokubha munyesigire kugira ngu ndugire owa Tata. ²⁸ Nkaruga owa Tata na nyizire omunsi; tena, niduga omunsi nija owa Tata.'' ²⁹ Abhegesibhwa bha wenene bhamugambhira, Norebha, ati nogambha bhitari nserekwa na tokuseraka. ³⁰ Ati, nitumanya kwambha nomanya ebhintu bhyona, tokwenda muntu wena wena akubhaze ebhibhazo. Obhwe ensonga eji nitwesiga kwambha noruga owa Katonda. ³¹ Yesu abhaorora, ''ati nayesiga?'' ³² Rebha, akanya nikaja kwija, mazima gagobha, nimujakwebhegana bhuri omo no omubhanyu nimujakusigaho nyenka. Chonka tindinyenka obhwensonga Tata ari amo nanye. ³³ Nibhagambhira ebhintu ebhi ili kwambha omunda yange mugire emirembhe. Omunsi mwine eshida, Chonka mwegumisirize, najisinga ensi.