¹ Chonka Saul, agengerera kugambha ebhitishio norufu abhegeswa bha Katonda, akagenda na kuhani omukuru ² amusabha echijubhuro kuja omumakanisa okwo Dameski, karabhasa kubhona omuntu oryo omumuhanda ogwo, abhe aryo omuseija anga omukazi, abhakome no okubhareta Yerusalemu. ³ Kiyabheire nagenda, chikazoka akabha yeirire Dameski, aho amurikwa ona ona omushana kuruga omwiguru,' ⁴ nawe agwa ahansi ahurira eiraka ndimugambhira, ''sauli, sauli, kubhaki nonsasa nyawe?'' ⁵ Sauli ahorora, Iwe oryohi Mukama? Mukama agambha, ''Nyawe ndi Yesu owokusasa; ⁶ Chonka imuka, taha omuchigo, naiwe nojakugambhirwa ebhiseine kokora ⁷ Bharinya abhantu abhagenzire na wenene sauli bhesiza, mbhaulikiriza eiraka, tibhabhweine muntu. ⁸ Sauli eimuka omunsi akomorora ameiso ga wenene, tarabhweine chintu, bhamukwata omukono bhamureta mpaka Dameski. ⁹ Ebhiro bhisatu atakurebha, takurya, atakunywa. ¹⁰ Akabha ariho omwegesibhwa okwo Dameski eibhararye ni Anania, Mukama akagambha nawenene omukurota, ''Anania. "Na agambha, ''Rebha, ndi aha, Mukama. ¹¹ '''Mukama amugambhira, ''Imuka oyegendere omucharo echokwetwa Nyofu, omunju ya Yuda obhaze omuntu kuruga Tarso akwetwa sauli; ariyo nasabha; ¹² amubhona omukusururirwa omuntu owo bhakweta Anania neija namuteraho omukono ahiguru yawenene abhase kurebha. ¹³ Chonka Anania ahorora, ''Mukama, npurire ebhigambho bhyo omuntu ogu omubhantu bheingi, okwa abhakozire ebhibhi abhakwehongeire bhawe abhokwo Yerusalemu; ¹⁴ Chei eine echijubhuro kuruga owa kuhani omukuru kukwata wena wena akugambha eibhara ryawe. ¹⁵ Chonka Mukama amugambhira, ''Genda. obhwokubha wenene nichombo echiterweho aharinye, atware eibhara ryange omumeiso ga abhanyamahanga no omubhakama no omubhana bha Israeli. ¹⁶ Kubha nijakubhereka ebhingi ebhiramukora asase abhwe eibhara ryange''. ¹⁷ Anania agenda,aja murinya omunju; Amutaho emikono agambha, Murumuna sauli, Mukama yesu, eyakuzokaho omumuhanda obhuwabha noija, yatuma obhase kurebha orundi weijuzwe Mwoyo arikwela. ¹⁸ Aho bhigwa ebhintu nka amagaragambha kuruga ameiso, arebha, ayemerera, abhatizwa; arya echakurya abhona amani. ¹⁹ Heikarayo na abhegeswa okwo Dameski omubhiro bhingi. ²⁰ Omukanya ako arangirira Yesu omu kanisa, nagambha wenene nomwana wa Katonda. ²¹ Bhona abhaurire bhakashobwerwa bhagambha, ''Ti muntu ogu eyesire bhona abhagambhire eibhara eri ukwo Yerusalemu? Na aha yeija kubhakoma no okubhatwara owa abhakuhani.'' ²² Chonka sauli akabhasishwa kurangirira no okubhakora abhayuda abhekeire Dameski bhebhaze kumanya ngu ogu niwe Kristo. ²³ Ebhiro kibhyarabhireho, Abhayahudi bhetangana bhabhase kumwita. ²⁴ Chonka efomoro yabho emanyika ahali sauli. bhamusotera aha muryango bhabhase kumwita. ²⁵ Chonka abhegesibhwa bhawenene bhamutwara omuchiro bhamuteremusha kurabha arukuta, bhamutwara ahansi omuchikapu. ²⁶ Na sauli kiyagobhire Yerusalemu, arengesa kweunga na abhegesibhwa chonka bhakabha mubhamutina, bhatakwikiriza kubha wenene no omwegesibhwa. ²⁷ Chonka Barnaba amutwara mpaka omuntumwa, Na abhasobhorora Sauli okwo yabhona Mukama omumuhanda na Mukama okwoyagambha nawenene, na Sauli okwo yarangirira n'eiraka omwibhara rya Yesu okwo Dameski. ²⁸ Akabhatangwana kiyajiremu na nokurugamu Yerusalemu. Agambha ateine bhutini omwibhara rya Mukama yesu, ²⁹ abhazwa na Abhayahudi obhe ekiyunani chonka bharengesa rengesa kumwita. ³⁰ Abharumuna kibhamanyire echintu echo, bhamutwara mpaka Kaisaria, na bhamutware agende Tarso. ³¹ Chityo ekanisa yona omuri Bhuyuda, Galilaya na Samaria, likagira emirembhe, rikombhwekwa, rikagenda omukutina Mukama no obhusinje bhwa Mwoyo arikwera, eikanisa rikura libha rihango muno. ³² Chikazoka Petro kiyabheire natambhuka tamubhuka ebhaju zona ezomukoha, abhagobhaho asigwa abhatwire omuchigo cha Lida. ³³ Abhona omuntu omo eibhara ryawenene ni Ainea, omuntu ogu akarwara emyaka munana;kubha akabha ajunzire. ³⁴ Petro amugambhira, ''Ainea,Yesu kristo akwichise;imuka oyare ebhinyamiro bhyawe," Eimuka. ³⁵ Na abhantu bhona abhatwire Lida na Sharoni kibhamubhweine omuntu ogwo, bhaindukira Mukama. ³⁶ Akabha ariyo omwegesibhwa Yafa eyayesirwe Tabitha, nirimanyisa ni ''Dorcas'' Ogu omukazi akeijura emirimo mirungi ne ebhikorwa bhye echisa ebhiyakozire abhatakwebhasa. ³⁷ Chikazoka omubhiro ebhyo arwala kandi afa; bhamwoj, bhamutwara omuchumbha cha ahiguru bhamunyamika.. ³⁸ Kubha Lida ekabha erihei na Yafa, abhegesibhwa bhamanya nko kwo Petro aryokwo, bhakatuma abhantu bhabhiri owawenene, bhamutagiriza, ''Weije oweitu bhwangu.'' ³⁹ Petro eimuka agenda amo nabho. Kiyagobhire, bhamureta omuchumbha ejaiguru. Na abhakazi bhateine bhaseija bhona bhemerera ehi nawenene nibharira, mbhamwereka ebhikoti ne ebhijwaro ebhyo Dorcas yabhasoneire obhuyabheire abheine. ⁴⁰ Petro abhata aeru bhona kuruga omuchumbha, atera amaju asabha, ahindukira omubhili,agambha, ''Tabitha, imuka," Akomorora ameiso gawenene kiyabhweine Petro asitama ahansi. ⁴¹ Petro amuha omukono gwa wenene amwimucha, kiyayesire abhesigire na abhateine bhaseija, amubhaha narora. ⁴² Echi chimanyika omuri Yafa yona, na abhantu bheingi bhahindukira Mukama. ⁴³ Chizoka Petro ehikarayo ebhiro bhingi Yafa amo no omuntu eyayesirwe Simoni, omuesi we epu.