¹ Sauli akabha ali omundagano eyo orufu rwa wenene. echiro echo abhanza kubhasasa nko kwo chitari omukanisa eryabheire rili Yerusalemu; na abhesiga bhona abhabheire bhari oku noku omuri omumajibho ga Yudea na Samaria, sana entumwa. ² Abhantu bhabheire mubhakunira Katonda bhakazika Stefano bhakora orufu ruhango ahali wenene. ³ Chonka sauli akarisumbhua muno eikanisa.Akagenda enju kwa nju abhanyurura abhata aeru abhakazi nabhaseija, abhata omuchiome. ⁴ Abhayesigire abhagenzire akagenderera kurangirira echigambho. ⁵ Filipo aja omuchigo cha Samaria arangirira Kristo okwo. ⁶ Embhaga kibhaurire no okurebha eishara eziyakozire Filipo; bhataho amagezi ahali wenene echiyagambhire. ⁷ Kuruga hao abhantu bheingi abhaurire, abhazimu bhabhi bhakabharugamu abhantu mbharira neiraka rihango, na bheingi abhabheire bhajunzire na abharema bhakechiswa. ⁸ Akabhaho amasemererwa gahango omu chigo. ⁹ Chonka akabha ariyo omuntu omo eibhara ryawenene ni Simoni, eyabheire nakora obhurogo; akabhutumia kutinisa abhantu bhe eiyanga rya samaria, akabha nagambha wenene nomuntu wo obhusobhora. ¹⁰ Abhasamaria bhona kubhandiza aha muto mpaka aha mukuru, bhamuurira; bhagambha;'' ¹¹ Bhamuuririkiriza, kubha akabhatinisa akanya keingi obwo obhurogo bhwawenene. ¹² Kibhayesigire kubha Filipo akarangirira aha obhukama bhwa Katonda neibhara rya Yesu kristo, bhakabhatizwa, abhaseija na abhakazi. ¹³ Na Simoni wenene akesiga:obhuyamazire kubhatizwa, agenderera kubha na Filipo; kiyabhweine eishara na ebhitinisa mbhikoreka, akarangara. ¹⁴ Entumwa za Yerusalemu kibhaurire kubha Samaria yakwata echigambho cha Katonda, bhatuma Petro na Yohana. ¹⁵ Kibhabheire mubhagenda bhabhasabhira; bhakwate Mwoyo arikwela. ¹⁶ Mpaka akanya ako, Mwoyo arikwela akabha atakeizireho ahali bhuryomo; bhakabha bhabhatizibhwe omwibhara rya Mukama Yesu. ¹⁷ Aho nio Petro na Yohana bhakabhateraho emikono, nabho bhakamutora Mwoyo arikwela. ¹⁸ Simoni kiyabhweine Mwoyo arikwela yatekwaho kurabhira akutekwaho emikono ye entumwa; akenda kubhaha amaera, ¹⁹ Agambha, ''Mupe amani aga, bhuri muntu ohundataho omukono atore Mwoyo arikwela.'' ²⁰ Chonka Petro amugambhira; amaera gawe amo na neiwe ebhurire are, obhwokubha wamanya ngu ekarama ya katonda nezoka obhwa amaera. ²¹ Toineho kantu ahali echi, obhwokubha omutina gwawe tigunyokire omumeso ga Katonda. ²² Chityo chiseine oyechuze amafu gawe no okusabha Katonda wakabhasa kuganyirwa ebhiteko teko bhyo omutima gwawe ²³ Nimubhona oryo omusumu yo obhusasi okomeirwe omubhibhi.'' ²⁴ Simoni ahorora agambha, ''Osabhe katonda abhwange, obhwokubha ebhigambho bhimwagambha nibhibhasa kunzokaho. ²⁵ Petro na Yohana kibhabheire bhabhweine no okurangirira echigambho cha Mukama, bhakagaruka Yerusalemu omumuhanda ogwo; bhakarangirira evangeri omubhyaro bhingi ebhya Abhasamaria. ²⁶ Chityo maraika wa Katonda agambha na Filipo agambha, ''Rebha ogende orubhaju rwa kusini omumuhanda gukugenda ahansi ya Yerusalemu kuja Gaza.'' (Omuhanda ogu guryomwirungu). ²⁷ Arebha agenda. Rebha, akabha ariho omuntu wa Ethiopia, towashi eine obhuramuzi bhukuru ahansi ya Kandase; malkia owa Ethiopia. Eyateirwe atanda ya wenene yona; nawe akabha ajire Yerusalemu kwehongera. ²⁸ Akabha nagaruka asitamire omumotoka yawenene nasoma echuo echo omwebhembhezi Isaya. ²⁹ Mwoyo agambha na Filipo, ''Irila hei n'e emotoka ejo ogende nayo. ³⁰ ''Chityo Filipo agenda neiruka, amuurira nasoma echuo cha omwebhembhezi Isaya; agambha, Isi nomanya echokusama?'' ³¹ Muethiopia agambha, ''nijakubhasa nta omuntu ka atanyebhembheire?''Amutagiriza Filipo ahaname emotoka ashutane amo nawenene. ³² Echipapura echiyabheire nasoma omuethiopia nechi; Akebhembherwa nke entama kuja ahokubhagira kubhagwa; nke entama akesiza, atarakomorohire kanwa: ³³ Abhwokutamiswa kwawenene okuramurwa kwa wenene kukarugaho: Nohi arasobhorora oruzaro rwa wenene? okutura kwa wenene bhakwiire omunsi.'' ³⁴ Chityo towashi amubhaza Filipo, nagambha, "nikusabha, ni muerezaki akugambhwa ahabhyawenene, kugambha wenene, nanga ezomuntu ondijo''? ³⁵ Filipo abhanza kugambha, abhanza nechigambho cha Isaya kumurangirira ebhya Yesu. ³⁶ Bhari omumuhanda, bhagobha aeine amaizi; towashi agambha, Rebha, ariho ameizi nechiki echokuntanga ntabhatizwa?, ³⁷ Ebhigambho ebhyo, ''Chityo Muethiopia ahorora ''ninyesiga kubha Yesu kristo no omwana wa Katonda, ''tibhirimu omubhiandiko bhyakare). Niho omuethiopia agambha emotoka eyemerere. ³⁸ Bhagenda omunda yamaizi, bhona amo Filipo na Towashi, Filipo amubhatiza. ³⁹ Kibharugire omumaizi, Mwoyo gwa Katonda gumutwara Filipo are; towashi taramubhweine,agenda omumuhanda nasemererwa. ⁴⁰ Chonka Philipo azoka Azoto. arabha omukoha ogwo narangirira evangeri ya omubhigo bhyona mpaka agobha Kaisaria.