¹ Akabha aliyo omuntu okwo kaisaria izinarye mbhamweta Koronelio mkuru wichikosi cha kiitaria. ² Akabha ayeongire katonda, namuramya hamo na abhenjuye bhona. Akabha naha abhayuda amahera geingi kandi akabha nasabha katonda ebhiro bhyona. ³ Omu saa mwenda za bhwamushana akabhona ebhibhona omumaraika wa katonda namwijaho. Omumaraika akamugambhira ati, ''Kornelio'' ⁴ Kornelio akarebha omumalaika akabha yeine obhutini bhwingi muno agamba ati mukuru echi nichiki?'' Omumaraika amugambhira ati okushabha kwawe nibhikorwa bhyawe bhyukugabhira abhoro bhitembhire kubha echijuko omu maiso ga katonda. ⁵ Hati otweke abhantu bhaje Yafa bharete omuntu omo owu bhakweta Simoni eizinarye erindi ni Petro. ⁶ Neikara na simoni omuhazi wempu enjuye ehereire enyanja'' ⁷ Omumaraika eyabheire nagambha nawe kiyamazire kugenda, Kornelio ayeta abhakozi bhabhiri abhwo mwa wenene, amo n'o omulinzi eyabheire nayeongera katonda omuri bharinya abhabheire mbhamkorera ⁸ Kornelio akabhagambhira bhyona ebhiyabhona, yasubha yabhatweka Yafa. ⁹ Omuasaa mkaga zichiro cha hondehireo bhakabha bhari omumuhanda bhajire kugobha echigo, petro akahanama ahiguru omunju kuja kushabha. ¹⁰ Akarumwa enjara yayenda kurya, Chonka abhantu obhubhabheire mbhachumbha ebhyakurya 'ayerekwa ebhinono, ¹¹ abhona ehiguru rya kinguka nichintu nchisusana nkomwenda guango nkisuma ahansi rine ensonda hina. ¹² Omunda akabha alimu emiringo yona yibhigunju ebhine amagurwana na bhyona ebhigendera ahitaka nibhi nyoyi bhyaheiguru ¹³ Kandi iraka likagambhira petero liti, ''Petero imuka obhage orye '' ¹⁴ Chonka petero agamba ati 'Tikwo chiri mukama arukubha tinkaryaga chintu chona chona chihageire anga chihagazibhwe! ¹⁵ Ehiraka rimwizira omurundi gwa kabhiri ndigambha liti, ''Echezibhwe katonda otacheta chiagiro anga chihagazibhwe'' ¹⁶ Echi chikabhaho emirundi esatu, ne echintu echo chikasubha chatembhurwa omwiguru. ¹⁷ Petro obhuyabheire aliho nasobhezwa ebhibhweine bhyo ensonga yabhyo niki, lebha abhantu abhabheirwe bhatwekirwe koronelio bhemereire omumaiso go omuryango, mbhabhaza omuanda gwo kuja omunju. ¹⁸ Bhaketa nokubhaza nka simoni oubhakweta potero neikara aho. ¹⁹ Petero obhu yabheire natekereza ebhibhonwebhyo, Mwoyo amugambhira ati ''Rebha abhantu bhasatu mbakuhiga. ²⁰ Imuka oshuke ahansi ogende nabhonene otatina kugenda na bhonene orukubha nabhatweka'' ²¹ Petero ashuka ahansi ahibhari abhagambhira ati ''Nyawe ninye muli kuhiga. Kubhaki mweija?'' ²² Bhagambha bhati kornelio Kornelio mukuru wa bheirerukare, omugororoki akutina katonda abhantu bhona mbhamugambhage omwihanga ryona ryabhayahudi yagambhirwa omumaraika wa katonda kogenda omunju ya wenene, abhase kuhurira amakuru kuruga ahariwe'' ²³ Petero abhanyegeza bhataha omunda bhastama nawenene. Bhukeire akeimuka yakuratana nabho nabhuruganda bhake kuruga Yafa bhaka kuratana na wenene. ²⁴ Echiro chahondereho bhakaja Keisaria. Kornelio akabha ariyo abharinzire; akabha aralize abhorugandarwe nabhanywanyibhwe. ²⁵ Obhu petero yagobhire kornelio akabha amuchwekeire akamubhandamira yamugwa ahamaguru. ²⁶ Petero akamwimucha nagambha ati, ''Yemerera nanye ndyumuntu. ²⁷ Obhu petero yabheire nafumora nawenene ataha omunda yasanga abhantu bhesombokize hamo. ²⁸ Abhagambhira ati, ''imwe n'imumanya oku tichirangiro chabhayuda kuterana hamo anga kucharira omuntu wena wena muhagare. ²⁹ Nicho nyiziire ntayangire oru nyesirwe. Mbwenu nimbhaza echinyeteirwe. ³⁰ Kornelio agambha ati, ''Mbwenu nechiro cha kana kwema bhibheireo omusaa nkeji. Nkabha nisabha omunju yange esaa mwenda, mbona omumaiso gange omuntu ayemereire ajweire emyenda eri kwengerera. ³¹ Agambha ati, ''kornelio okusabha kwawe katonda yakuhurira, nibhigemuro bhyawe ebhyoshabhira abhoro bhyeijukwa omumeiso ga Katonda. ³² Chityo otweke omuntu Yafa ayete omuntu omo aije owawe owubhakweta Simoni erindi eizina mubhamweta Petero. Neikara omunju ya Simoni omuhazi wenpu enju yawenene eyateine enyanja. ³³ Yekomye: orujuru oru, ''Nawe karaija najakufomola naimwe, ''tiruli mubhihandiko bhyeira. ³⁴ Aho petero ayesamya akanwake agamba ati nimanyira chimo katonda oku atagira chigonzi. ³⁵ sana bhuri mwiihanga wenawena amutina akakora ebhyubhugororoki niwe alikizibhwa katonda. ³⁶ Echigambo echo nicho yatumire abhaisraeli nabhatona amakuru garungi gimirembe omuri Yesu kristo Omukama wa bhona ³⁷ Imwe mmumanya echabheireho omuri bhuyuda yoona,echabhandize omuri Galilaya ahanyuma yumubhatiza Yohana ogu yarangire ³⁸ Echi chikabha nchigambha Yesu kristo oku Katonda yamusigire amajuta na mwoyo arikwela namani. Agenda nakora ebhirungi nokuchiza bhona abhatekereirwe sitani kubha Katonda akabha ari hamo nawenene. ³⁹ Nitwe bhajulizi bha bhyona ebhi yakozire omunsi yabha yuda na Yerusalemu. ogu ni Yesu owubheisire bhakamuhanika ahamuti. ⁴⁰ Omuntu ogu Katonda akamuhibhurira ahachiro cha kasatu yamuha kumanyika ⁴¹ Ti abhantu bhona, sana ahabhajulizi abhi katonda yabheire yaronzire.Itwe abharire nawenene tukanywa nawenene obhu yamazire kuimbhuka kuruga ombafu. ⁴² Yaturagira kurangirira abhantu nukujurila oku ogu niwe Katonda yalonzire kubha muramuzi wa bhakurora nabhafire. ⁴³ Omuri wenene, abharangi bhona, bhajulire, bhuri aramwesiga atungwe echigaruliro cha mafu omwizinarye. ⁴⁴ Petero obhuyabheire nagambebyo, mwoyo harikwera agwa ahari bhona abhabheire mbahurira echigambhoche. ⁴⁵ Abhesigire omubhasazirwe abheizire na potero, bhatangara, kubhana abhanyamahanga nabho bhakasesekerwa amatungwa ga mwoyo arikwera. ⁴⁶ Kubha bhakabhahurila mbagambha omundimi ezindi, mbaheisiriza Katonda petero akahorora ati, ⁴⁷ Ariho omuntu wena wena eyakutanga abhantu abha bhatabhatizibwa, abhantu abha bhatungwa mwoyo arikwera nkeitwe? ⁴⁸ Nibhwo yabharagire kibhabhatizibhwa omwizina rya Yesu kristo. Bhasubha bhamusabha kwikara na bhonene ebhiro bhike.