¹ Etumwa nabhoruganda abhari Bhuyuda bhahurila oku nabhanyamahanga bhehikirize echigambho cha Katonda. ² Petero kiyeizire Yerusalemu, abhumuteko gwabhasanzirwe bhamuhakanisa. ³ bhagamba bhati'' okatahirana nabhantu bhatasazirwe warya nabho. ⁴ Petero abhanza kubhasobhorola okubhya hondereine, nagambha ati, ⁵ ''Nyawe nkabha ndi Yafa musabha aho ngira omubhono ntweirwe omumwoyo. Mbona echintu nkitanga rihango nchisuma kuruga omwiguru chine esonda ina nchisumira ahindi. ⁶ Nchirebha kandi nyebhaza. Mbhona ebhigunju bhyamaguru hana ebhyokutura omunsi, n'ebhigunju bhyomwirungu obhyokugenda amo nebhinyonyi ebhyaiguru. ⁷ Mpurila eiraka ndingambhira riti, ''Imuka, petero, obhage orye!'' ⁸ Ngambha, ''Tikwo chiri, Katonda, omukanwa kange tikakajamuga echintu chihageire anga echihagazibwe'' ⁹ Eiraka risubha rihorola akandi kuruga omwiguru, katonda ebhintu ebhiyayerize, iwe otabhyeta bhihagaro. ¹⁰ Ebhi bhikabhao emirundi esatu. Bhuri chintu chikasubha chatembhurwa omwiguru. ¹¹ Aho akabha ariho abhantu bhasatu bhemereire ahanju eyutwabheire turimu bhatumirwe kuruga Keisaria. ¹² Mwoyo agambhira kugenda nabhwo ntari kugendesanya.Abho abhasaija mukaga, nkagenda nabho tugenda omunju yumusaija omo. ¹³ Akatugambhira okwo yabhweine omumaraika ayemeleire omunjuye agambha ati, ''Ntweke Yafa ndete simoni izinarye erindi ni petero. ¹⁴ Arakugambhira ebhigambho ebhirakurokola amo nenju yawe yona. ¹⁵ Kinabhandize kugambha nabhonene, Mwoyo arikwera abhagwa ahiguru yabho nkeitwe okwoyatugwireho obwambere. ¹⁶ Ninyijuka ebhigambho bhyumukama ebhiyagambhire ati, ''yohana akabhatiza namaizi chonka imwe mujakubhatizwa na mwoyo gurikwera.'' ¹⁷ Katonda kubha akabhatunga amatungwa gonene nkagiyatungire itwe obhu twatesigire Omukama yesu kristo, nyawe nkabha ndyohi eyakusobhweirwe kutanga katonda? ¹⁸ Kibhahurilebhyo, bhesiza, bhaha katonda echitinwa mbhagambha bhati, ''Katonda yahatyo nabhanyamahanga okwikiriza okureta obhurora'' ¹⁹ Omubhirwebhyo abhabhehire bhenaganagire orukugingizibhwa okwaresirwe ebhya sitefano, bhakagobha maka Foinike, Kipro na Antiokia. Tibharangirire muntu wenawena ebhigambho bhya Yesu sana abhayuda bhonka. ²⁰ Chonka omuryabho akabha arimu abhantu kuruga Kipro na krene, bhakeija Antiokia bharangirira Abhagriki, mbhabatona amakuru garungi gamukama yesu. ²¹ Omukono gwa mkama gukabha guli hamo nabho, abhantu bheingi bhakehikara mbhahindukira Omukama. ²² Amakuru gabho gahurirwa ekanisa yumuri Yerusalemu: Bhatuma Barnaba kuja Antiokia. ²³ Abhuyagobhireyo akabhona amatungwa ga katonda akasemererwa; akabhatamu echisa kibheikara na mukama omitima yabho. ²⁴ Kubha akabha ari omuntu murungi eijwire mwoyo gurikwera n'okwesiga okwa bhantu bhehingi bhakakanya omuri katonda. ²⁵ Aho Barnaba agenda Tarso kurebha Sauli. ²⁶ Kiyamubhweine, amureta Antiokia. Bhamarayo omwaka gwona bhari amo bhamo nekanisa mbegesa abhantu bheingi. Na abhegesibhwa kubhandizao bhetwa abhakristo. ²⁷ Omubhiro ebhyo Abharangi bhakasuma mbharuga Yerusalemu mbaja Antiokia. ²⁸ Akabha ayemereireho omo omuryabho izinarye mbhamweta Agabo niryo eizinarye, arangirira ebhyagambhirwe mwoyo, ngu ebhiro bhireija najakubhaho enjara omunsi yona. Niryo ryaizire omubhutwazi bhwa Klaudio. ²⁹ Abhegesibhwa, bhategeka bhuri muntu okwo yagobheselezibhwa, bhapanga kubhera abhoruganda abhari Bhuyuda. ³⁰ Bhakakora bhatyo; Batweka amaera kurabhira ahali Barnaba na Sauli.