¹ Akanya ako omukama Herode agorora omukono gwa wenene omuri bharinya abhokuruga omubhaga abhase kubhasasa. ² Ehita Yakobo murumuna wa Yohana nechipanka. ³ Kiyabhweine bhasemererwa Abhayuda, akwata na Petro orundi. Echi chikabha akanya ka emigate etagagire. ⁴ Kiyamukwasire, amuta omuchiome ataho ebhikosi bha abhaserikali bhabhase kumuzigatira, akabha arinzire kumutwara omubhantu Pasaka kerawa. ⁵ Petro atekwa omuchiome,chonka amashabha gakorwa no omwoyo n'e ebhaga abhwa wenene akwa Mukama. ⁶ Echiro atakajire Herode kumwiamu, Omuchiro echo Petro akabha anyamile omugati ya abhaserikali bhabhili, akabha akomirwe ne eminyororo ebhiri, na abhaserikali omumeiso go omuryango bhakabha mbharebherela echihome. ⁷ Rebha,maraika wa Mukama aho amuzokaho no omusana gumurika omunda. Atera Petro orubhaju amwimucha agambha, ''Imuka bhwangu,'' nibhwo eminyororo ehiyabheire akomirwe ekomoroka kuruga omikono yawenene. ⁸ Maraika amugambhira, ''Jwara emwyenda zawe na jwara ebhiratwa bhyawe.'' Petro akora atyo. Maraika amugambhira, ''Jwara echijwaro chawe ompondere.'' ⁹ Chityo Petro ahondera Mwoyo agenda aheru, Tarayesigire echakorwa na mwoyo kubha n'e echamazima. Akamanya ngu narota. ¹⁰ Kiyarabhire achigo cha mbhere ne echakabhili, bhagobha achizitiro che ebhyoma kutaha omuchigo, chikekomorora abhwabho. Bhaja haeru bhagenda omucharo, Mwoyo amureka. ¹¹ Petro kiyayemanyire, agambha, ''ati namanya kubha Mukama yatweka Mwoyo wawenene kunyiha omikono ya Herode, no okubhabheire bharinzire abhantu bha bhuyuda.'' ¹² Kiyamanyire kumanya ebhi, ehija omunju ya Mariamu nyina ya Yohana wenene ni Marko; Abhesigire bheingi bhakeirundana mubhasabha. ¹³ Kiyayesire aha muryango gwo kutanga, omukozi omo eyabheire nayetwa Roda eija kukomorola. ¹⁴ Kiyamanyire eiraka rya Petro, abhwe ebhyera akaremwa kukomorora omuryango; akakora ati, ehiruka omunda yechiyumbha; abhamanyisa okwo Petro ayemereire aheru. ¹⁵ Chityo, Bhagambha ahari wenene, ''Iwe weine abhazimu''Chonka wenene agumisa ati namazima ni wenene. Bhagambha ''Ogu ni Mwoyo wa wenene.'' ¹⁶ Chonka Petro agenderera kweta, kibhakomoroire omuryango, bhamubhona bhagira echitangaro muno. Petro abhagambhira bhesize nomukono mpora mpora abhagambhia nko kwo Mukama yamwiya omuchiome. agambha, ¹⁷ '' Bhamanyise ebhi ebhigambho Yakobo na abharumuna bhawenene.'' Aho agenda aja echichweka echindi. ¹⁸ Kibhwabheire bhwamusana, akabhaho obhusasi bhwingi omubhaserikali, echazoka ahali Petro. ¹⁹ Aho Herode amuhiga taramubhweine abhabhaza abhaserikali aramura bheitwe. Agenda aruga uyahudi mpaka Kaisaria heikara okwo. ²⁰ Herode akabha eine echiniga na abhantu bha Tiro na Sidoni. Bhagenda amo owawenene. Bhagira obhunywanyi na Blasto eyabheire nakwasao omukama, abhase kubhakwasa. Bhasabha emirembhe, obhwokubha ensi yabho ekakwata echakurya kuruga omunsi yo omukama. ²¹ Echiro cha rengirwe Herode akajwara ebhijwaro bhye obhukama asitama achitebhe cha wenene echobhukama, abhagambhira. ²² Abhantu bhakatera enduru, ''Eri n'e eiraka rya Katonda wala ti iraka rya muntu!'' ²³ Aho mwoyo amutera, obhwokubha taraheire Katonda bhukuru; aribhwa echijoka afa ²⁴ Chonka echigambho cha Katonda chikura bhuri amo. ²⁵ Obhwo Barnaba na sauli kumara omurimo gwabho bharuga hao bhasubha Yerusalemu, bhatwara na Yohana eibhara ryo obhuzarwa ni Marko.