¹ Omwikanisa rya Antiokia, akabha arimu abhaereza na abhegesa. bhakaba bhari Barnaba, Simoni (eyabheire nayetwa Nigeri). Lukio owa Kirene, Manaeni (omurumuna atakuzarwa na wenene owa Herode omwebhembhezi wo omukoha), na Sauli. ² Kibhabheire mbheongera Mukama no okwekoma, Mwoyo arikwela agambha, ''Mutere arubhaju Barnaba na Sauli, bhakore omurimo ogumbheteire.'' ³ Ekanisa kiyayekomire, kushaba, bhatekaho emikono yabha abhantu abho, bhabhareka bhagenda. ⁴ Obhwo Barnabas na Sauli bhamukunira Mwoyo Arikwera bhagenda Seleukia; kuruga okwo bhakarabha omunyanja kuja omuchisiwa cha Kipro. ⁵ Kibhabheire bharyo omuchigo cha Salami,bharangirira echigambho cha Katonda omu makanisa ga abhayuda. Bhakabha bheine Yohana na marko akubhakwasa. ⁶ Kibhajire omuchisiwa chona mpaka Pafo, bhakasangayo omuntu omo omurogo, Omuyuda omuereza we ebhisubha, eibhara rya wenene akabha ari Bar Yesu. ⁷ Omurogo ogwo akakwatanisa na Liwali Sergio Paulus, eyabheire ali muntu wa amagezi. Omuntu ogwo akabharariza Barnaba na Sauli, kubha akenda kuhurira echigambho cha Katonda. ⁸ Chonka Elima ''orinya omurogo'' (eibhara rya wenene rikamanyisa rityo) akabhatera; akarengesa kumuindura olinya Liwali aruge omumwesigo. ⁹ Chonka Sauli eyayesirwe Paulo, abha ejwizwe Mwoyo arikwera, amurebha muno ¹⁰ agambha ''Iwe omwana wa shetani, wejwizwe enamuna zona ezokubheha. Iwe oryomubhi wa bhuri bhugororoki. Tokuja kurkera kuziindura emianda ya Mukama, ezigororokire, Isi nobhasa? ¹¹ Ati rebha, omukono gwa Mukama guryahiguru yawe, tokuja kurebha. Tokuja kurebha omusana akanya aka'' hao emera emo oruho no omwirima bhimujaho Elimas; abhanza kweindura nasabha abhantu bhamwebhembhere bhamukwate omukono. ¹² Obhwo Liwali kiyabhweine echazoka, ayesiga, obhwokubha akasobhezwa ne ebhyegeswa bhya Mukama. ¹³ Paulo na bhanywani bhawenene bhakagenda omumeizi kuruga Pafo na bhagobha Perge omuri Pamfilia. Chonka Yohana akabhareka agaruka Yerusalemu. ¹⁴ Paulo na munywanyiwe bhakagenda kuruga Perge bhagobha Antiokia ya Pisidia. Kurinya bhakagenda omukanisa omuchiro che eirimansi no okusitama okwo. ¹⁵ Kibhasomire omuku na abhaereza, na abhebhemubhezi bhe ekanisa akabhatwekera ebhiandikirwe mbhigambha, ''Bharumuna, kimurabha mwine ebhigambho bhyo kugumisa omwoyo abhantu abha, mugambhe'' ¹⁶ Chityo Paulo akemerera abhashemubhurira omukono; akagambha, ''Abhaseija bha Israeli neimwe abhokukunira Katonda, urila. ¹⁷ Katonda owa abhantu abha abhaisraeli akabharondamu bha tata bheitu abhakora kubha bhantu bheingi kibhatwire omuri ensi ya Misri, obhwo omukono gwa wenene kwimuchwa akabhebhembhera aeru ya wenene. ¹⁸ Omumyaka gana akabhasasira omwirungu. ¹⁹ Kiyamazire kwita amaanga musanju omunsi ya Kaanani, akabhaha abhantu bheitu ensi yabho eyo obhusika. ²⁰ Ebhintu ebhi bhyona bhikazoka kusaga emyaka chikumi neina na gatano. Kibhyabheireho ebhi bhyona, Katonda akabhaha abharamuzi kubhandiza Samweli Omuereza. ²¹ Kibhyarabhireho ebhi, abhantu bhakasabha omukama, chityo Katonda akamua Sauli omwana wa Kishi, omuntu wo oruzaro rwa Benjamini, kubha Omukama omumyaka gana. ²² Obhwo Katonda yamwiireho abhukama, akataho Daudi kubha omukama wabho. ahali Daudi Katonda akagambha, 'Nabhona Daudi omwana wa Yese kubha nomuntu ashemereirwe omwoyo gwange; najakukora bhuri chintu echindayenda.' ²³ Kuruga omuruzaro rwomuntu ogu Katonda areteire Israeli omurokozi, Yesu, nko kwo yarageine kukora. ²⁴ Hechi chikabhanza kuzoka, Yesu atakeizire, Yohana akarangirira obhubhatizo omubhantu bhona abha Israeli. ²⁵ Nawe Yohana kiyabheire namara omurimo gwa wenene, akagambha, 'Nimwikiriza nyawe ndyohi?nyawe tindyolinya. Chonka mpurira, akwija enyuma yange, tibhasa kukwatao ebhiratwa bhya amaguru gawenene.' ²⁶ Bharumuna, abhana bho oruzaro rwa Abrahamu, na abharimwe abheongeire Katonda, na abhweitu ebhigambho ebhi ebhyobhurokozi butumirwe. ²⁷ Bharinya abhokutura Yerusalemu, na abhebhembhezi bhanyu, tibharamanyire omubhuge, wala tibharamanyire ebhigambho bhya abhaereza abhokwegeshwa bhuri irimansi; chityo bhakagobheshereza ebhigambho bhya abhaereza kumuramula orufu Yesu. ²⁸ Tibharabhweine tibharabhweine nsonga ndungi eyo orufu omundaye, bhakasabha Pilato amwite. ²⁹ Kibhamazire ebhintu bhyona ebhihandikirwe abhwa wenene, bhakamuta ahansi kuruga omuti no okumunyamika omuchituro. ³⁰ Chonka Katonda akamuzikura kuruga omubhafu. ³¹ Akazoka omubhiro bhingi ahali bharinya abhagenzire amo nawe kuruga Galilaya kugenda Yerusalemu. Abhantu abha na abhajulizi bha abhantu. ³² Chityo nitubharetera ebhigambho bhirungi eze endagano ezibhaehibhwe bha shwenkuru bheitu. ³³ Katonda akatoho endagano ezi ahali itwe, abhana bhabho, omuryecho akazikura Yesu no okumugarura omubhurora. Echi chikahandikwa omuri zabhuri ya kabhiri: 'Iwe oryomwna wange, chirechi nabha Tata wawe' ³⁴ Amazima ni gaga akamuibhura kuruga omubhafu omubhili gwa wenene gutafa, yagambha ati: 'Nijakukua echitinisa ne emigisha eyamazima eya Daudi' ³⁵ Eji niyo nsonga kugambha omuri zabhuri endijo, 'Tokuja kwenda omugororoki wawe kurebha obhufu.' ³⁶ Obhwokubha Daudi kutumia engonzi za Katonda omuruzaro rwa wenene, akanyama, akanyamikwa amo na tata bhawenene, akarebha amafu, ³⁷ Chonka eyazikwirwe na Katonda tarabhweine obhufu. ³⁸ Chimanyike omuri imwe, bharumuna, kurabhira omuntu ogu, obhuganyizi bhwe entambhara bhurangirirwe. ³⁹ Abhwawenene bhuri mwesiga nabharirwa obhugororoki ebhintu bhyona omuku gwa musa tigwakubhaheire bhugororoki. ⁴⁰ Chiseine kugira obhwenge bhuri chintu echibhagambhire abhaereza chitazoka omuri imwe: ⁴¹ Rebha, imwe abhokugaya, musobhezwe na mufe; kubha nikora omurimo omubhiro bhyanyu,omurimo ogumutakubhasa kwesiga, no omuntu obhuyakubhagambhira.'' ⁴² Akanya ka Paulo na Barnaba kibhagenzire, abhantu bhakabhasabha kugambha ebhigambho ebhyo eirimansi erilahonderaho. ⁴³ Akanya ke ebhaga ye ekanisa kibhamazire, Abhayuda bheingi na abhokwesiga omumazima bhakaondera Paulo na Barnaba, abhibhafumoire na bhonene bhakabhasabha bhagenderere omuchisa cha Katonda. ⁴⁴ Eirimansi ryaondeireho, echigo chona bhakerundana kuhurira echigambho cha Katonda. ⁴⁵ Abhayuda kibhabhweine embhaga, bhakabhona echiso bhagambha ebhigambho bhyokwanga ebhintu bhibhagambhire Paulo bhakamujuma. ⁴⁶ Chonka Paulo na Barnaba bhakagambha omukweyemera mbhagamba, ''Chikabha chiseine echigambho cha Katonda chigambhwe omurimwe. nimwanga omuri imwe nokwebhona timwakubhasa obhurora bhutawaho, rebha nitugenda omubhanyamahanga. ⁴⁷ Nko kwo Katonda atujubhwire, nagambha, 'Nabhatekaho imwe nko omusana gwa abhanyamahanga, bharete obhurokore omubhaju zona ezensi.'' ⁴⁸ Abhanyamahanga kibhahurire echo, bhakasemererwa no okusima eibhara rya Mukama. Bheingi abharonzirwe abhwo obhurora bhutwaho bhakesiga. ⁴⁹ Echigambho cha Mukama chikeijura omunsi yona. ⁵⁰ Chonka abhayahudi bhaketaho na abhakazi obhobhubhasa, na abhebhemubhezi bhe echigo. Ebhi bhikongereho obhusasi ahali Paulo na Barnaba na bhakabhanaga aeru ye emigorora ye echigo. ⁵¹ Chonka Paulo na Barnaba bhaketera tera eitaka rya amaguru gabho. Bhagenda omuchigo cha Ikonia. ⁵² Na abhaereza bhakeijura amasemererwa amo na Mwoyo arikwela.