¹ Chikazoka omuri Ikonio Paulo na Barnaba bhakaja amo omunda ye ekanisa erya Abhayuda nokugambha ebhintu ebhyakozire abhantu bheingi Abhayuda na Abhayunani bhakesiga. ² Chonka abhayuda abhatakukunira bhakabhaembha amagezi abhanyamahanga no okubhakora kubha bhabhi omubha rumuna. ³ Bhakeikarayo akanya keingi, mbhagambha omukwehamya na amani ga Mukama, nayereka ebhyokwereka ebhyereko obhusinje bhwawenene. Akakora atyokwereka ebhitinsa bhikorwe omumukono gwa Paulo na Barnaba. ⁴ Chonka echichweka chiango eche echigo chikebhegana: abhandi abhantu bhakabha bhari amo na Abhayuda, abhandi amo na entumwa. ⁵ Obhwo abhanyamahanga kibharengeise kubhaserera abhatwazi bhabho kubhakora ebhibhi no okubhatera amabhare Paulo na Barnaba, ⁶ Bhabhimanya bheirukira omuchigo cha Likaonia,Listra na Derbe, ne ebhichweka bhya onene, ⁷ okwo bhakarangirira evangeri. ⁸ Okwo Listra akabha ariyo omuntu omo omutuzi, akabha ateine mani omumaguru ga wenene, omurema kuruga omwibhondo rya nyina, takatambhukaga. ⁹ Omuntu ogwo akaurira paulo nagambha. Paulo amurebha muno arebha okweine okwesiga kwo okwichiswa. ¹⁰ Obhwo agambha abhwawenene ne eiraka ryahiguru, ''Yemerera namaguru gawe.'' Omuntu ogwo aguruka ahiguru abhanza kutambhuka. ¹¹ Embhaga kiyabhweine echiyakozire paulo, bhagambha neiraka ryabho, omukugambha kwe Kilikaonia, ''ebhisusane bhyatwizira omungeri ya abhantu.'' ¹² Bhaketa Barnaba ''Zeu'', na Paulo ''Herme'' kubha akabha aryomugambhi mukuru. ¹³ Omukuhani wa Zeu, eikanisa rya wenene rikabha riryahaeru ye echigo, akareta ente na amauha mpaka achigo che echigo, wenene na embhga bhakenda kureta esadaka. ¹⁴ Chonka entumwa, Barnaba na Paulo, kibhaurire echi, bhakanyamura ebhijwaro bhyabho bhakora bhwangu bhagenda aeru omumbhaga, mbharira ¹⁵ mbhagambha, ''Imwe bhantu, kubhaki mukora ebhintu ebhi? Naitwe turi bhantu abheine amairu nkaganyu. Nitubharetera ebhigambho bhya mazima, muinduke muruge omubhintu ebhi ebhitasaine muondere Katonda eine obhurora, atonzire eiguru, ensi ne enyanja na bhuri chintu echirimu. ¹⁶ Amakiro ga rabhireho, akabhajubhura abhanyamahanga kugenda omumihanda zabho bhonene. ¹⁷ Chitakaweire, taragenzire ateine mujulizi, kurabhira omwo akakorage kubhaha enjura kuruga omwiguru omumakiro go kubhyara, akabhejuriza emyoyo yanyu ebhyokurya na amasemererwa'' ¹⁸ No omubhigambho ebhi, Paulo na Barnaba omubhusasi bhakatanga emubhaga kubhaha esadaka. ¹⁹ Chonka Abhayuda kuruga Antiokia na Ikonio bhakeija kuserera ebhaga. Bhakamutera amabhare Paulo bhamukurura mpaka aeru ye echigo, bhamanya ngu yafa. ²⁰ Nangu abhegesibhwa bhakabha bhemereire ehi na wenene, asitama, bhataha omuchigo. echiro cha kabhiri, agenda Derbe na Barnaba. ²¹ Kibhamazire kwegesa evangeri omuchigo echo bhakabhakora abhegesibhwa bheingi, bhagaruke Listra, mpaka Ikoniamu, na mpaka Antiokia. ²² Bhakagenderera kugumisa emyanya ya abhegesibhwa no okubhagumisa emitima kugenderera omukwesiga, agambha, ''Chituseine kutaha omubhukama bhwa Katonda kurabha omubhusasi bhwingi.'' ²³ Kibhabharonzire abhwa abhagurusi bhe emubhaga ya abhesiga, bhakabha bhasabhire no okwekoma, bhabhashabhira owa Katonda, ohu bhabheire nibhesiga. ²⁴ Bharabha omuri Pisidia, bhagobha Pamfilia. ²⁵ Obhubhagambhire ebhigambho omuri Perga, bhagenda Atalia. ²⁶ Kuruga okwo bhakaanama emeli mpaka Antiokia obhwo bhakabha bheteireho obhusinje bhwa Katonda obhwo omurimo ogubhabheire bhagobhesereize. ²⁷ Kibhagobhire okwo Antiokia, no okubhatanganisa amo embhaga, bhabhagambhira ebhintu Katonda akozire aribhonene, okwabhakomoroire emuryango gwo okwesiga abhantu bha amahanga. ²⁸ Bheikarayo akanya keingi na abhegesibhwa.