¹ Abhantu bhake bhakeija kuruga Bhuyuda nibhegesa abharumuna, nibhagambha, ''kimutatahiribwe nkentwaza ya musa, timubhase kujunwa. ² Akanya ka Paulo na Barnaba bheine endwano nefomoro nyingi hamo nabho, abharumuna bhakalamura nkokwo Paulo, Barnaba nanabhandi bhagenda Yerusalemu omuntumwa nanabhagurusi aharwensoga yichibhazo echi. ³ Orwecho, omukutumwa n'e kanisa bhakarabhira Foinike na samaria nibharangirira okuhindirwa engeso kwa abhanyamahanga.Bhakareta ebhyera bhirungi omubharumuna bhona. ⁴ Kibhehizire Yerusalemu bhakanyegezibhwa n'e kanisa nentumwa nabhagurusi kandi bhakagobhya amakuru nabhyona ebhyakozirwe katonda omuribhonene. ⁵ Chonka abhantu bake, bhakesiga, abhabheire bhali omurubhaju rwa Abhafarisayo, bhakemerera nibhagambha, ''chiseine kubhatahiri nokubhagimbha kukwata omuku gwa musa.'' ⁶ Orwecho, entumwa nanabhagurusi, bhakemahamo kuchebhaza. ⁷ Ahanyuma yu kuchebhazaho omumwanya gwingi Petero akemelela nabhagambhira, ''bharumuna nimumanya nko kwo omu mwanya gurungi oguhingwile, Katonda akaronda omuri imwe nko kwo kurabha umukanwa kange abhanyamahangaechigambho cha amakuru garungi na nukwesiga. ⁸ Katonda arukumanya emyoyo, najurira omulibhonene, nabhaha mwoyo arikwera n'ku kuyakozire omulihitwe. ⁹ Kandi tarakozire ngeli hejo etari nkeyetu, nakora emwiyo yabho kwera kulabhira omumwesigo. ¹⁰ Orwecho, kubhaki nimurengesa katonda ngu muteke omugugu gusikire ahamabhega gabhegesibhwa? Ogutaratweirwe bhatata nanga itwe kugubhasa? ¹¹ Chonka, nitwesiga nko kwo turajunwa omuchisa ch'o Omukama yesu nko kwo bhabheire.'' ¹² Orubhugano bhona bhakachecheka kibhabheire nibhamuhuririza Barnaba na kibhaabheire nibhamushobhorora ebhyabheire omubhanyamahanga ibhikusobheza. ¹³ Kibharekeire kugambha, Yakobo ahorora agirati, ''Barumuna muhurire. ¹⁴ Simoni yasobhororaobhwambere katonda omuchwa akabhera abhanyamahanga nko kwo omuribhonene abhantu aharwensonga yibharalye ¹⁵ Ebhigambho bhyabharangi nibhikirizana nan'echi nkukubhyahandikirwe. ¹⁶ Ebhi kibhirarabhao ndigaruka kwombheka rwensiga ya Daudi, eyagwire ahansi, ndemucha nan'ukuimbura okusisikara kwayo. ¹⁷ Ngu abhantu abhasigeire bhahige mukama hamo na abhanyamahanga abhesirwe omumwibhara lyange. ¹⁸ Okunikwo arukugambha Mukama eyakozire ebhi bhirukumanyika kuruga kare. ¹⁹ Orwecho, nipanura nti, tuta bhaha bhibhonya bhonya abhanyamahanga abharukuhindukira Katonda. ²⁰ Sana tubhahandikire tuti, bheteise na nukwegasaniza ebhisusane, obhwegombi nanubhusiani, na ne nyamanfu, na nubhwamba. ²¹ Kuruga omuruzaro rwabhagurusi halimu abhantu omuli bhuli chigo abharangirira na nukusoma amakuru ga musa omumasomero bhuli rwamukaga (sabato) ²² Orwecho,chikazoka chabhasemerera, Entumwa na nabhagurusi, hamo nawe kanisa yona, bhakamuronda Yuda eyabheire nayetwa Barsaba na silas, abhabheire bhali abhebhemubezi bhenteko, n'okubha tweka Antiokia amo na Paulo na Barnaba. ²³ Bhakahandika bhati, Entumwa, Abhagurusi na abharumuna, Omubharumuna abhanyamahanga, abhali Antiokia shamu na kilikia, nitubhashura. ²⁴ Tukaurila ngu, abhantu mbhaurira abhitutarajubhwire tutyo, bhakaruga oweitu bhabheita kubhi omunyegesa zukubhasobheza. ²⁵ Orwecho, chabhoneka kurungi omuli itwe twena tutuma abhantu owanyu hamo nabhagonzibhwa bheitu Barnaba hamo Paulo. ²⁶ Abhantu abhehireyo obhurora bhwabo aharwensonga neibhara rya Mukama yesu kristo. ²⁷ Orwecho, twatuma Yuda na sira bhabhagambire ebhigambo ebhyo bhyonene bhyonene. ²⁸ Orukubha, chikabhonekanage, omumwoyo alikwera nomuritwe obhutakeka omugugu guhango kusanga ebhintu ebhine esonga. ²⁹ Ngu muhinduke muruge omubhintu ebhi heirweyo omubhisusane. obhwamba, ebhintu bhyo kunigwa na n'obhuraya. Kimurayeta are nebhi, nichibha chirungi aharinywe. hayan'u.'' ³⁰ Chityo, kibhanagirwe, bhasumira, Antiokia kabhamazire kwerundana hamo bhakatwara oruhandiko. ³¹ Kibhamazire kurusoma, bhakasemererwa aharwensonga yu kugumisibhwa omutima. ³² Yuda hamo na sila, nanabharangi bhakabhagumisa abhurumuna omubhigambho bhingi kandi nabho bhakaguma. ³³ Kabheikeile omwanya bhwonka okwo, bhulihomo agenda kwe, omumirembe kusubha omubharumuna abhabheire bhabhatumire. ³⁴ (Chonka chikabhonekanage sila kwikarayo). ³⁵ Chonka Paulo nabhandi bhakeikarayo Antiokia hamo nabhandi bhehingi. Okwo niyo bhayegesize nukurangirira echigambho cha Mukama. ³⁶ Ebhiro bhili kibhya rabhireo, Paulo agambhira Barnaba, tugarukeyo tujekucharila abharumuna bheitu bhulinju ehitwarangilire echigambo cha Mukama, nukubharebha bhari bhata. ³⁷ Barnaba akabha ayenzire kutwara Yohana eyabheire nayetwa Marko. ³⁸ Chonka paulo akatekereza ngu tichirungi kumutwara, orukubha akabhasiga okwo pamfilia kandi taragendereire kukora mirimo nabho. ³⁹ Aho niho hatabhukire empaka zingi, orwecho bhakatana, Barnaba yatwara yohana marko bhagenda omumeli bhagobha kipro, ⁴⁰ Chonka Paulo akatwara Sila bhagenda kibhamazire kuhebwa echisa chamukama ⁴¹ Kandi akagenda kurabhira shamu na kilikia, nagumisa amakanisa.